Ախոռիկ Մեծ

Գյուղ
Ախոռիկ Մեծ
Վարչական տարածք	Արևմտյան Հայաստան
Վիլայեթ	Վանի վիլայեթՎանի վիլայեթ
Գավառակ	Վանի գավառակ
Այլ անվանումներ	Ախոռիկ, Ախոռիկ Ներքին, Ախոռկներ, Ախորիկ Մեծ, Ախորիկ Ներքին
Ազգային կազմ	Հայեր (մինչև Մեծ եղեռնը)
Կրոնական կազմ	Քրիստոնյա (մինչև Մեծ եղեռնը)
Տեղաբնականուն	Ախոռիկցի
Ժամային գոտի	UTC+3

Ախոռիկ Մեծ, գյուղ Արևմտյան Հայաստանում, Վանի վիլայեթի Վանի գավառում։ Գտնվում էր գավառի արևելյան մասում՝ թուրք-պարսկական սահմանի մոտ գտնվող Սարայի շրջանում։ Գյուղի մոտ էր գտնվում Ախոռիկ Փոքր գյուղը։

Անվան ստուգաբանություն

Անվանումը հավանաբար ծագում է ախոռ բառից։

Պատմություն

Ըստ ավանդության Ախոռիկն առաջ քաղաք է եղել և կործանվել է աղետից։ 1986 թվականի դրությամբ ավերակները պահպանվել էին։

Գյուղում ապրում էին քուրդ ցեղապետներ, որոնք 1914 թվականին դիմադրողական կռիվների ժամանակ հայերին կոտորածի են ենթարկել։

Ախոռիկը թուրքերի կողմից թալանվել և ավերվել է 1915 թվականի Մեծ եղեռնի ժամանակ։

Բնակչություն

XX դարի սկզբին ուներ 71 տուն՝ 1000 բնակչով, որից 40 տունը հայեր էին, իսկ մնացածը եկվոր քրդեր։

Տնտեսություն

Բնակչության հիմնական զբաղմունքը անասնապահություն, այգեգործություն և երկրագործությունն էր։

Տես նաև

• Վանի նահանգի հայաբնակ բնակավայրեր

Աղբյուրներ

• «Հայաստանի և հարակից շրջանների տեղանունների բառարան» (5 հատորով), 1986-2001 թթ., Երևանի Համալսարանի հրատարակչություն
• Արեւմտահայաստանի եւ Արեւմտահայութեան Հարցերու Ուսումնասիրութեան Կեդրոն