Ալեքսան Մեխակյան
Ալեքսան Մեխակյան | |
---|---|
Ծնվել է | օգոստոսի 24, 1940 |
Ծննդավայր | Երնջատափ, Ապարանի շրջան, Հայկական ԽՍՀ, ԽՍՀՄ |
Վախճանվել է | հուլիսի 26, 2017 (76 տարեկան) |
Մասնագիտություն | դրամատուրգ և վիպասան |
Կրթություն | Երևանի պետական համալսարան և Սցենարիստների և ռեժիսորների բարձրագույն դասընթացներ |
Անդամակցություն | ՀԳՄ |
Կուսակցություն | ԽՄԿԿ |
Ալեքսան Մեխակյան Վիքիդարանում |
Ալեքսան Ավետիսի Մեխակյան (օգոստոսի 24, 1940, Երնջատափ, Ապարանի շրջան, Հայկական ԽՍՀ, ԽՍՀՄ - հուլիսի 26, 2017[1]), հայ դրամատուրգ, վիպասան, արձակագիր, կինոսցենարիստ, Հայաստանի գրողների միության անդամ (1975): ԽՄԿԿ անդամ 1963 թվականից[2]։
Կենսագրություն[խմբագրել | խմբագրել կոդը]
Ալեքսան Մեխակյանը ծնվել է 1940 թվականին, Ապարանի շրջանի Երնջատափ գյուղում։ 1967 թվականին ավարտել է Երևանի պետական համալսարանի բանասիրական ֆակուլտետի ժուռնալիստիկայի բաժինը, ապա՝ 1978 թվականին՝ Մոսկվայի սցենարիստների և ռեժիսորների բարձրագույն դասընթացները։ 1967-1969 թվականներին աշխատել է «Շինարար» թերթում, 1969-1971 թվականներին՝ «Գարուն» ամսագրում, 1971-1976 թվականներին՝ «Սովետական Հայաստան» թերթում։ 1979 թվականից աշխատել է «Հայֆիլմ» կինոստուդիայում։ Ռուսերեն լույս է տեսել նրա «Երկնագույն թիթեռ» ժողովածուն (Մոսկվա, 1977), որն արժանացել է «Մոլոդայա գվարդիա» հրատարակչության տարվա լավագույն արձակի հատուկ մրցանակին։ Գրել է «Լեգենդ սրնգահարի մասին» սցենարը, որը լավագույնն է ճանաչվել Հայաստանի պետկինոյի 1976 թվականի մրցանակաբաշխությունում։ Նրա սցենարով «Հայֆիլմ» կինոստուդիան նկարահանել է (1979) «Ծաղրածուի ժպիտը» գեղարվեստական կինոնկարը։ Հեղինակել է մի շարք դրամաներ, սցենարներ՝ գեղարվեստական և դոկումենտալ ֆիլմերի համար։ Կատարել է նաև մի շարք գրքերի թարգմանություններ[3][4]։
Ֆիլմեր[խմբագրել | խմբագրել կոդը]
Որպես ռեժիսոր հանդես է եկել մի քանի ֆիլմերում՝
- «Սուրբ կնունք»
- «Ամենայն Հայոց կաթողիկոս»
- «Ալեքսանդր Բակունց»
Երկեր[խմբագրել | խմբագրել կոդը]
- Երազախաբ ավետարան, Երևան, 2003։
- Փոքրիկ սրնգահարի ոդիսականը, Երևան, 1985։
- Ապաստան, Երևան, 1983[5]։
- Իմ և քո ծուռը, Երևան, 1980։
- Այս ճանապարհը, Երևան, 1977։
Թարգմանություններ (ռուսերենից)[խմբագրել | խմբագրել կոդը]
- Ֆեոդոր Դոստոևսկի, Պատմվածքներ, Երևան, 2005։
- Ֆեոդոր Դոստոևսկի, Դեռահասը (համահեղինակ է Լ. Տեր-Մինասյանը), Երևան, 2003[6]։
- Լաքսնես Հալդոր, Իսլանդական զանգ, Երևան, 1985։
- Եվգենի Նոսով, Աֆրոդիտեի տաճարը, Երևան, 1983։
Պարգևներ[խմբագրել | խմբագրել կոդը]
- «Իմ պատանի նախնիներ» վեպն արժանացել է ՀԳՄ «Տարվա լավագույն արձակ» մրցանակի, 1988
- «Երկնագույն թիթեռներ» վիպակների ժողովածուն (Մոսկվա) արժանացել է «Տարվա լավագույն արձակ» մրցանակի, 1977[7]
Ծանոթագրություններ[խմբագրել | խմբագրել կոդը]
- ↑ «Ալեքսան Մեխակյանը».
- ↑ Ալեքսան Մեխակյանի կենսագրությունը ՀԳՄ կայքում
- ↑ «Ալեքսան Մեխակյանի կենսագրությունը avproduction.am կայքում». Արխիվացված է օրիգինալից 2021 թ․ նոյեմբերի 28-ին. Վերցված է 2018 թ․ փետրվարի 19-ին.
- ↑ Գրական տեղեկատու։ Երևան։ «Սովետական գրող»։ 1986։ էջ 307
- ↑ «Bibliothèque de l'Église apostolique arménienne - Paris - Մեխակյան , Ալեքսան». www.bibliotheque-eglise-armenienne.fr. Վերցված է 2019 թ․ փետրվարի 8-ին.
- ↑ Դոստոեւսկի, Ֆյոդոր Միխայլովիչ (2003). Դեռահասը։ Վեպ. ՌՀՀ. ISBN 9789993064862.
- ↑ «ԱԼԵՔՍԱՆ ՄԵԽԱԿՅԱՆ | Գրական Թերթ». www.grakantert.am. Վերցված է 2017 թ․ դեկտեմբերի 22-ին.
- Օգոստոսի 24 ծնունդներ
- 1940 ծնունդներ
- Երնջատափ գյուղում ծնվածներ
- Հուլիսի 26 մահեր
- 2017 մահեր
- ԵՊՀ շրջանավարտներ
- Սցենարիստների և ռեժիսորների բարձրագույն դասընթացների շրջանավարտներ
- Հայաստանի գրողների միության անդամներ
- ԽՄԿԿ անդամներ
- Անձինք այբբենական կարգով
- Գրողներ այբբենական կարգով
- Հայ դրամատուրգներ
- Հայ արձակագիրներ
- Հայ կինոսցենարիստներ
- Ռուսերենից հայերեն թարգմանիչներ