Ալեքսանդր Սահակյան

Ալեքսանդր Սահակյան;
Ծնվել է	դեկտեմբերի 17, 1934
Ծննդավայր	Լենինական, Հայկական ԽՍՀ, ԱԽՖՍՀ, ԽՍՀՄ
Մահացել է	դեկտեմբերի 1, 2017 (82 տարեկան)
Վախճանի վայր	Երևան, Հայաստան
Ազգություն	հայ
Կրթություն	ՀԱՊՀ (1958)
Պարգևներ	; և ՀԽՍՀ պետական մրցանակ

Վիքիպեդիայում կան հոդվածներ Սահակյան ազգանունով այլ մարդկանց մասին։

Ալեքսանդր Հովհաննեսի Սահակյան (դեկտեմբերի 17, 1934(1934-12-17)^[1], Լենինական, Հայկական ԽՍՀ, ԱԽՖՍՀ, ԽՍՀՄ^[1] - դեկտեմբերի 1, 2017(2017-12-01)^[2], Երևան, Հայաստան), հայ ճարտարապետ, շինարար։

Կենսագրություն[խմբագրել | խմբագրել կոդը]

Ծնվել է Լենինականում (այժմ՝ Գյումրի)։ Ճարտարապետ-շինարար Ռուբեն Սահակյանի եղբայրն է։ 1958 թվականին ավարտել է Երևանի պոլիտեխնիկական ինստիուտը։ Եղբոր հետ նրա աշխատությունները վերաբերում են հարկերի և ծածկերի բարձրացման մեթոդով շենքերի և կառույցների շինարարության պրոբլեմներին։ Գիտականորեն հիմնավորել և գործնականում ապացուցել են հարկերի և ծածկերի բարձրացման մեթոդով բարձրահարկ շենքերի կառուցման արդյունավետությունը, ստեղծել այդ մեթոդի ճարտարապետական-կոնստրուկտիվ և տեխնոլոգիական նոր միասնական համակարգ։

Մահացել է 2017 թվականի դեկտեմբերի 1-ին Երևանում^[3]։

Գործունեություն[խմբագրել | խմբագրել կոդը]

Հեղինակել են 60-ից ավելի գյուտեր։ Հաշվի առնելով այդ աշխատանքների ժողովրդատնտեսական նշանակությունը 1978 թվականին Երևանում ստեղծվել է Համամիութենական նախագծային տեխնոլոգիական ինստիուտ, իսկ ինստիուտում մշակված աշխատանքների արագ ներդրման համար 1983 թվականին՝ «Բարձրշին» մասնագիտացված տրեստ։ Հարկերի և ծածկերի բարձրացման մեթոդը լայնորեն կիրառվել է Խորհրդային Միության տարբեր քաղաքներում։ Այդ մեթոդով Երևանի Շահումյանի զանգվածում կառուցվել է 24 հազար բնակչի համար նախատեսված օրինակելի-ցուցադրական շրջան (16 և 25 հարկանի բնակելի շենքեր, դպրոցական համալիրներ, պոլիկլինիկա, մանկապարտեզներ, բազմահարկ ավտոտնակ-կայանատեղեր)։ 1965 թվականից եղել է Հայաստանի ճարտարապետների միության անդամ^[3]։

Պարգևներ[խմբագրել | խմբագրել կոդը]

1974 թվականին պարգևատրվել է ՀՀ Պետական մրցանակ, ապա՝ «Պատվո նշան» շքանշանով։ 1984 թվականին ստացել է տեխնիկական գիտությունների դոկտորի կոչում և պարգևատրվել ԽՍՀՄ Պետական մրցանակով։ 1978 թվականին արժանացել է Հայաստանի վաստակավոր գյուտարարի կոչման։

Ծանոթագրություններ[խմբագրել | խմբագրել կոդը]

↑ ^1,0 ^1,1 ^1,2 ^1,3 ^1,4 ^1,5 ^1,6 ^1,7 Հայկական սովետական հանրագիտարան (հայ.) / Վ. Համբարձումյան, Կ. Խուդավերդյան — Հայկական հանրագիտարան հրատարակչություն, 1974.
↑ ^2,0 ^2,1 ^2,2 ԱԼԵՔՍԱՆԴՐ ՍԱՀԱԿՅԱՆ. ճարտարապետ, շինարար
↑ ^3,0 ^3,1 «AV Production - Ալեքսանդր Սահակյան». avproduction.am. Արխիվացված է օրիգինալից 2021 թ․ ապրիլի 17-ին. Վերցված է 2020 թ․ դեկտեմբերի 1-ին.

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 10, էջ 139)։

[_5e5775e65518eefb-1] 1,0 ^1,1 ^1,2 ^1,3 ^1,4 ^1,5 ^1,6 ^1,7 Հայկական սովետական հանրագիտարան (հայ.) / Վ. Համբարձումյան, Կ. Խուդավերդյան — Հայկական հանրագիտարան հրատարակչություն, 1974.

[_d03c90bbc846a003-2] 2,0 ^2,1 ^2,2 ԱԼԵՔՍԱՆԴՐ ՍԱՀԱԿՅԱՆ. ճարտարապետ, շինարար

[:0-3] 3,0 ^3,1 «AV Production - Ալեքսանդր Սահակյան». avproduction.am. Արխիվացված է օրիգինալից 2021 թ․ ապրիլի 17-ին. Վերցված է 2020 թ․ դեկտեմբերի 1-ին.

[1]

[2]

[3]