Ադրիանա Լիմա

Վիքիպեդիայից՝ ազատ հանրագիտարանից
Ադրիանա Լիմա
Adriana Lima
Adriana-Lima Chgo 2010-12-10 photoby-Bielawski.jpg
Անունը Ադրիանա Լիմա
Բնօրինակ
անունը
Adriana Lima
Ծնվել է Հունիս 12, 1981
Ծննդավայր Սալվադոր, Բահիա, Բրազիլիա
Քաղաքացիություն Բրազիլիա Բրազիլիա
Հպատակություն բրազիլացի
Աշխատանք մոդել
Ամուսին Մարկո Յարիչ
Երեխաներ Վալենտինա Լիմա Յարիչ (ծ. 2009)
Կայք http://www.adrianalima.com

Ադրիանա Ֆրանչեսկա Լիմա (պորտ.՝ Adriana Francesca Lima, Հունիսի 12, 1981), բրազիլիացի մոդել։ Ադրիանան հայտնի է որպես Victoria's Secret-ի հրեշտակ։ Վերջին տարիների տվյալներով Ադրիանան ամենաշատը վարձատրվող մոդելների շարքում 4րդն է 7, 3 միլլիոն դոլլարով։

Անձնական Կյանքը[խմբագրել]

Ադրիանան ծնվել է 1981 թվականի հունիսի 12-ին Բրազիլիայի Սալվադոր, Բահիա քաղաքում։ Ադրիանան կաթոլիկ է ու պատարագների է մասնակցում ամեն կիրակի։ 2006 թվականի ապրիլին Ադրիանան հարցազրույցի ժամանակ ասել է որ կույս էր, ու ասել է որ սեքսով կզբաղվի միայն ամուսնանալուց հետո, ու դա պիտի լինի միայն տղամարդու ցանկությամբ, եթե նա իրեն չի ցանկանում ուրեմն չի հարգում։ Ինը ամիս հանդիպելուց հետո Ադրիանան դարձավ սերբ բասկետբոլիստ Մարկո Յարիչի կինը 2008 թվականի հունիսին։ Նրանք ունեցան երկու երեխա. Վալենտինա Լիմա Ջերիքը և Սիեննա Լիմա Ջերիքը։ 2014 թվականի մայիսին զույգը հայտարարեց որ հինգ տարվա համատեղ կյանքից հետո նրանք բաժանվել են։

Կարիերա[խմբագրել]

Լիման երբեք չի մտածել կամ էլ երազել մոդել դառնալու մասին, ի հեճուկս այն բանի որ նա բազմիցս հաղթել է բազմաթիվ գեղեցկության մրցույթներում։ Լիման դպրոցում ընկերուհի ուներ ով ցանկանում էր մոդել դառնալ, նա խնդրեց Լիմային որ միանա նրան քասթինգի ժամանակ, այսպիսով սկսվեց Լիմայի մոդելային կարիերան։ Տասնհինգ տարեկանում երկուսն էլ իրենց նկարներն ուղարկեցին այդ մոդելային գործակալություն։ Հետագայում ` մի տարի անց, Լիման մասնակցեց Ֆորդի կազմակերպած "Բրազիլիայի Լավագույն Սուպերմոդել" նախագծին ու գրավեց պատվավոր առաջին հորիզոնականը։ 1996 թվականին նա մասնակցեց Ֆորդի կազմակերպած "Աշխարհի Լավագույն Սուպերմոդել" նախագծին ու գրավեց երկրորդ հորիզոնականը։ Երեք տարի անց Լիման մեկնեց Նյու Յորք ու ընդունվեց "Elite Model Management" ընկերություն։ Այդ ընթացքում Ադրիանան հայտնվեց համաշխարհային համբավ ունեցով "Vogue" և "Marie Claire" ամսագրերի շապիկներին։ Լիման ամրապնդեց իր մոդելային կարիերան դառնալով հայտնի ապրանքանիշերի դեմքը, աշխարհահռչակ ամսագրերի շապիկներին ամենաշատը հայտնվող աստղերից մեկը։ Լիման հետագայում հայտնվեց այնպիսի համբավ վայելով ամսագրերի շապիկներին ինչպիսիք են "Harper's Bazaar"-ը, "ELLE"-ն, "GQ"-ն, "Arena"-ն, "Vogue"-ն, "V"-ն, "Esquire"-ն և այլ բազմաթիվ ամսագրեր։ Ադրիանային սկսեցին անվանել "Աշխարհի ամենացանկալի կույս"։ Ադրիանան դարձավ աշխարհում միլլիոնավոր աղջիկների ու սկսնակ մոդելների կուռքը։

Ադրիանան Victoria's Secret-ում[խմբագրել]

Ադրիանան ամբողջ աշխարհին հայտնի է որպես համաշխարհային Victoria's Secret ընկերության առաջին հրեշտակներից մեկը։ Ադրիանան առաջին անգամ հայտնվեց շոուի պոդիումին 1999 թվականին։ 2000 թվականին նա դարձավ ընկերության ամենահայտնի հրեշտակներից մեկը։ Ադրիանան մասնակցում էր ընկերության կազմակերպած բոլոր շոուներին։ Նա բացեց շոուն 2003-ին, 2007-ին, 2008-ին, ու 2010-ին։ 2012 թվականին Լիման շոուն բացեց արդեն հինգերորդ անգամ, բայց այս անգամ նա դա արեց ծննդաբերելուց ընդամենը երկու ամիս անց, բոլորն այնքան ապշած էին նրա անթերի քայլվածքով որ նույնիսկ չնկատեցին որ նա ընդամենը երկու ամիս առաջ է ծննդաբերել։ 2004 թվականին Ադրիանան միացավ ընկերության մյուս չորս ամենահայտնի մոդելներին ` Ալեսանդրա Ամբրոսիոյին, Հեիդի Քլումին, Թայրա Բենքսին, Ջիզել Բունդշենին ու մեկնեց "Ամերիկայի Հրեշտակները" շրջագայությանը։ Միակ շոուն որ Ադրիանան բաց է թողել եղել է 2009 թվականին, իր հղիության պատճառով։ Ադրիանան ստացավ հրավերներ հազարավոր գովազդային ընկերություններից ու նկարահանվեց բազմաթիվ գովազդներում։ 2008 թ.-ին Լիման սկսեց վարել "Ինչն է Սեքսուալ" հաղորդաշարը։ 2008թ.-ին Ադրիանան վերջապես ստացավ "Ֆենթեզի Բրա"-ն (Ամենաթանկարժեք կրծկալն ու զգեստը որը կարող են կրել միայն շոուի ընտրյալ հրեշտակները)։ Կրծկալը կրում էր 3575 սև ադամանդներ, 117 կարատանոց սպիտակ ադամանդներ, 34 ռուբիններ ու 100 կարատանոց ևս երկու սև ադամանդներ։ 5 միլլիոն դոլլար արժեցող այս կրծկալը կրում էր ավելի քան 1500 կարատ։ 2010թ.-ին Լիման երկրորդ անգամ կրեց "Ֆենթեզի Բրա"-ն, այս անգամ այն կշռում էր 142 կարատ ու արժեր ավելի քան 2 միլլիոն ամերիկյան դոլլար։