Ֆրանսիայի ազգային նվագախումբ

Ֆրանսիայի պետական նվագախումբը (ֆր.՝ Orchestre National de France), Ֆրանսիայում գորոծող ամենակարևոր նվագախմբերից մեկն է։ Այս նվագախումբը, Ֆրանսիայի ռադիոյի ֆիլհարմոնիկ նվագախումբը, Ֆրանսիայի ռադիոյի երգչախումբը և Ռադիո Ֆրանսի երգչախումբը համարվում են Ֆրանսիայի ռադիոյի երաժշտական չորս հաստատությունները։ Սկզբում կոչվում էր «Ֆրանսիական ռադիոհաղորդումների ազգային նվագախումբ» (ֆր.՝ Orchestre National de la Radiodiffusion Française), 1964 թվականից՝«Ֆրանսիական ռադիոյի և հեռուստատեսության ազգային նվագախումբ» (ֆր.՝ Orchestre National de l'Office de Radiodiffusion Télévision Française), իսկ 1974 թվականից ներկայիս անունը։

Նվագախումբը հիմնադրվել է 1934 թվականին։ Նվագախմբի շատ համերգներ ձայնագրվում են Ֆրանսիայի Ռադիոյի կողմից և հեռարձակվում են այլ երկրներում։ Նվագախմումբը տարեկան ամենաքիչը 70 համերգ է նվագում Փարիզում։ Հիմնական հաստատման վայրերը համարվում են Շանզ-Էլիզեի և Շատլեի թատրոնները։

Նվագախումբը իր հիմնադրման առաջին իսկ օրվանից սկսել է Ֆրանսիայում տարածել այլ ազգի կոմպոզիտորների երաժշտությունները՝ հիմնականում ռուսական և իտալական դասական դպրոցների։ Կատարվել են Կլոդ Դեբյուդիի և Մորիս Ռավելի շատ գործեր։ Նվագախումբը հարգանքի տուրք է մատուցել նաև ավստրիացի Գուստավ Մալերի երաժշտությանը։ Կատարվել և մինչև այսօր կատարվում են բազմաթիվ երաժշտական պրեմիերաներ։

Գեղարվեստական ղեկավարները

1934 - 1944 Դեզիրե Էմիլ Էնգելբրեխտ 1944 - 1947 մանյուել Ռոզենտալ 1947 - 1951 Ռոժե Դեզորմյեր 1951 - 1960 Անդրե Կլյուիտանս 1960 - 1967 Մորիս Լե Ռու 1962 - 1968 Շառլ Մյունշ

1968 - 1973 Ժան Մարտինոն 1973 - 1975 Սերջիու Չելիբիդակե 1987 - 1991 Լորևին Մաազել 1991 - 2001 Շառլ Դյուտուա 2002 - 2008 Կուրտ Մազուր 2008 թվականից նվագախմբի գլխավոր դիրիժորը Դանիելե Գատտին է։

Արտաքին հղումներ

• Նվագախմբի պաշտոնական կայքը Արխիվացված 2020-06-09 Wayback Machine