Վոլոդյա Ոսկանյան
- Վիքիպեդիայում կան հոդվածներ Ոսկանյան ազգանունով այլ մարդկանց մասին։
| Վոլոդյա Ոսկանյան | |
|---|---|
| Ծնվել է | հոկտեմբերի 18, 1932 (91 տարեկան) |
| Ծննդավայր | Երևան, Հայկական ԽՍՀ, ԱԽՖՍՀ, ԽՍՀՄ |
| Քաղաքացիություն |  ԽՍՀՄ և  Հայաստան |
| Կրթություն | Հայաստանի ազգային ագրարային համալսարան (1958) |
| Գիտական աստիճան | կենսաբանական գիտությունների դոկտոր (1987) |
| Մասնագիտություն | կենսաբան |
| Աշխատավայր | ՀՀ ԳԱԱ բուսաբանության ինստիտուտ, Հայաստանի Հանրապետության բնապահպանության նախարարություն և «Էրեբունի» արգելոց |
Վոլոդյա Երջանիկի Ոսկանյան (հոկտեմբերի 18, 1932, Երևան, Հայկական ԽՍՀ, ԱԽՖՍՀ, ԽՍՀՄ), հայ կենսաբան-էկոլոգ։ Կենսաբանական գիտությունների դոկտոր (1987): ՀԳԳԱ թղթակից անդամ (1996):
Կենսագրություն[խմբագրել | խմբագրել կոդը]
Վոլոդյա Ոսկանյանը ծնվել է 1932 թվականի հոկտեմբերի 18-ին, Երևանում։ 1958 թվականին ավարտել է Հայկական գյուղատնտեսական ինստիտուտը։ 1959-1981 թվականներին աշխատել է ՀԽՍՀ ԳԱ բուսաբանության ինստիտուտում։ 1981-1991 թվականներին եղել է Բնության պահպանության և արգելոցային գործի ՀամԳՀԻ Հայաստանի բնության պահպանության բաժնի, բուսաշխարհի պահպանության լաբորատորիայի, ապա՝ բաժնի վարիչ։ 1991- 1998 թվականներին եղել է ՀՀ բնապահպանության նախարարության արգելոցապարկային համալիրի տնօրեն, 2002 թվականից՝ ավագ գիտաշխատող, 2000-2002 թվականներին՝ էրեբունի արգելոցի պետ[1]։
Աշխատանքները վերաբերում են ՀՀ բարձրլեռնային արոտավայրերի պահպանության, բերքատվության բարձրացման, արդյունավետ օգտագործման, բուսական պաշարների վերականգնման խնդիրներին, Էրեբունի արգելոցի բուսականության, ֆլորայի, բուսական պաշարների հետազոտմանը։