Վլտավա (չեխ․՝ Vltava, գերմ.՝ Moldau, լեհ.՝ Wełtawa), գետ Չեխիայում։ Լաբա (էլբա) գետի ձախ վտակը։ Երկարությունը 446 կմ է, ավազանը՝ 28 հզ․ կմ²։ Սկիզբ է առնում Շումավա լեռներից։ Ջրի միջին ծախսը Պրահայի մոտ 142 մ/վրկ է։ Վարարում է գարնանը, ամռանը ծանծաղում է, որի պատճառով կառուցված է 12 շլյուզների համակարգ։ Նավարկելի է գետաբերանից 84 կմ դեպի վեր։ Վլտավայի վրա կա ամբարտակ, հէկ, ափերին՝ Պրահա, Չեսկե Բուդյովիցե քաղաքները։
Vltava չեխերեն անվանումը, ինչպես նաև գերմաներեն Moldau անվանումը, գալիս է հին գերմաներեն Wilth-ahwa («Վայրի ջուր») անվանումից |22|2|2016:
Գետի անունը, որպես փոքր մոլորակ (2123) Վլտավա[2], առաջին անգամ հիշատակվել է Ն. Ս. Չերնիխիի կողմից։
Բեդրիխ Սմետանայի «Իմ հայրենիքը» ցիկլի մեջ առկա է «Վլտավա» սիմֆոնիկ պոեմը։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 11, էջ 478)։