Վիքին սիրում է հուշարձաններ

Վիքին սիրում է հուշարձաններ;
	2019 թվականին «Վիքին սիրում է հուշարձաններ» մրցույթին մասնակցող երկրներ
Տեսակ	լուսանկարչական մրցույթ
Հաճախականություն	Ամենամյա
Երկիր	Իտալիա և Նիդերլանդներ
Վայր	Ամբողջ աշխարհ
Առաջինը	2010
Վերջինը	2018
Մասնակիցներ	լուսանկարիչներ
Հիմնադիր	Վիքիմեդիա շարժում
	wikilovesmonuments.org(անգլ.), wikilovesmonuments.wikimedia.it(իտալ.) և wikilovesmonuments.nl(նիդեր.)
	Wiki Loves Monuments Վիքիպահեստում

«Վիքին սիրում է հուշարձաններ» (անգլ.՝ Wiki Loves Monuments), ամենամյա միջազգային լուսանկարչական մրցույթ, որն անցկացվում է սեպտեմբեր ամսին։ Մասնակիցները լուսանկարում են պատմության և մշակույթի անշարժ հուշարձանները և ապա դրանք բեռնում Վիքիպահեստ։ Նպատակը մասնակից երկրներում ճարտարապետական հուշարձանների նկատմամբ հետաքրքրության հրավիրումն է։

«Վիքին սիրում է հուշարձաններ» մրցույթն առաջին անգամ կազմակերպվել է 2010 թվականին Նիդերլանդներում։ Հաջորդ տարի մրցույթն անցկացվել է եվրոպական ևս մի քանի երկրներում, և համաձայն Գինեսի ռեկորդների գրքի՝ այն ճանաչվել է ամենաշատ մասնակիցներով աշխարհի խոշորագույն լուսանկարչական մրցույթ^[1]։ 2012 թվականին մրցույթն ընդլայնվել է Եվրոպայի սահմաններից դուրս․ այդ թվականին մրցույթին մասնակցել են լուսանկարիչներ 35 երկրից^[2]։