Վահագն Աթաբեկյան

Վիքիպեդիայում կան հոդվածներ Աթաբեկյան ազգանունով այլ մարդկանց մասին։

Վահագն Աթաբեկյան
Ծնվել է	ապրիլի 12, 1949(1949-04-12) (75 տարեկան)
Ծննդավայր	Կարզախ, Վրաստան
Մասնագիտություն	բանաստեղծ
Կրթություն	Երևանի պետական համալսարան
Անդամակցություն	ՀԳՄ
Աշխատավայր	ՀԳՄ
Պարգևներ	* «Լեռան թագը» գրքի համար արժանացել է Վ. Անանյանի անվան մանկապատանեկան գրականության մրցանակի «Գրականություն պատանիներին» մրցանակաբաշխության պոեզիայի անվանակարգում արժանացել է առաջին մրցանակի ՀԳՄ ամենամյա «Պարույր Սևակ» մրցանակի

Վահագն Աթաբեկյան (ապրիլի 12, 1949(1949-04-12), Կարզախ, Վրաստան), հայ բանաստեղծ, 1988 թվականից Հայաստանի գրողների միության անդամ։

Կենսագրություն

Ծնվել է 1949 թվականի ապրիլի 12-ին, Վրաստանի Խորհրդային Սոցիալիստական Հանրապետության Ախալքալաքի շրջանի Կարծախ գյուղում։

Ավարտել է ԵՊՀ բանասիրական ֆակուլտետի ժուռնալիստիկայի բաժինը։ Աշխատել է տարբեր հրատարակչություններում, հանդեսներում։ Եղել է «Հայ գրող» թերթի հիմնադիր-խմբագիրը, «Պարույր Սևակ» և «Նոր Դար» հրատարակությունների տնօրենը։

2002 թվականից Հայաստանի գրողների միության հրատարակչության տնօրենն է։ Բանաստեղծական բազմաթիվ գրքերի հեղինակ է։ Նրա բանաստեղծությունները տպագրվել են գրական մամուլում, հաղորդվել են ռադիոյով, հեռուստատեսությամբ։

Երկեր

• Լեռան թագը, Երևան, 2012։
• Մերկ Լեռը, Երևան, 2010։
• Հրաբխե գիշերներ, Երևան, 2008։
• Դարավերջի քամին, Երևան, 2004։
• Բաց արմատներ, Երևան, 1980։

Պարգևներ և մրցանակներ

• 2012 թվականին «Լեռան թագը» գրքի համար արժանացել է Վ. Անանյանի անվան մանկապատանեկան գրականության մրցանակի։
• 2006 թվականին «Գրականություն պատանիներին» մրցանակաբաշխության պոեզիայի անվանակարգում արժանացել է առաջին մրցանակի։
• 1998 թվականին արժանացել է ՀԳՄ ամենամյա «Պարույր Սևակ» մրցանակի։

Տես նաև

• Հայաստանի գրողների միության անդամների ցանկ

Աղբյուրներ

• Հայկ Խաչատրյան (1986). Գրական տեղեկատու. Երևան: «Սովետական գրող».