Սրբուհի Գալյան
| Սրբուհի Գալյան | ||
| ||
| ||
|---|---|---|
| 2024 թվականի նոյեմբերի 5-ից | ||
| ||
| 2020 - 2024 | ||
| Կրթություն՝ | Երևանի պետական համալսարան | |
| Մասնագիտություն՝ | իրավագետ | |
| Ծննդյան օր | մայիսի 5, 1992 (32 տարեկան) | |
| Ծննդավայր | Երևան, Հայաստան | |
| Քաղաքացիություն |  Հայաստան
| |
Սրբուհի Գալյան (մայիսի 5, 1992, Երևան, Հայաստան), հայ իրավագետ, 2020 թվականի սեպտեմբերի 1-ից մինչև 2024 թվականի նոյեմբերի 4-ը` ՀՀ գլխավոր դատախազի տեղակալ[1][2]։ 2019 թվականի հուլիսից մինչև 2020 թվականի սեպտեմբերի 1-ը զբաղեցրել է ՀՀ արդարադատության նախարարի տեղակալի պաշտոնը[3]։2024 թվականի նոյեմբերի 5-ին նշանակվել է ՀՀ արդարադատության նախարար:[4] Ունի արդարադատության երրորդ դասի պետական խորհրդականի դասային աստիճան։
Կենսագրություն
[խմբագրել | խմբագրել կոդը]Սրբուհի Գալյանը ծնվել է 1992 թվականի մայիսի 5-ին, Երևանում։ 2008-2012 թվականներին սովորել և ավարտել է Երևանի պետական համալսարանի իրավագիտության ֆակուլտետը՝ ստանալով իրավագիտության բակալավրի աստիճան։ 2012-2014 թվականներին սովորել է նույն ֆակուլտետում՝ ստանալով մագիստրոսի աստիճան։ 2014-2018 թվականներին էլ սովորել և ավարտել է ԵՊՀ իրավագիտության ֆակուլտետի ասպիրանտուրան[5]։ 2016-2017 թվականներին սովորել է նաև ՀՀ փաստաբանական դպրոցում[6]։
Աշխատանքային գործունեություն
[խմբագրել | խմբագրել կոդը]2012-2013 թվականներին «Ղ-Տելեկոմ» ՓԲ ընկերության իրավաբանական վարչությունում աշխատել է որպես փորձնակ, այնուհետև՝ 2014-2015 թվականներին նույն վարչության կրտսեր իրավաբան։ 2014-2015 թվականներին եղել է «Ռոդ Կուրտման Լեգալ» ՍՊԸ գործընկեր, իսկ 2015-2018 թվականներին՝ ՀՀ հատուկ քննչական ծառայության քննչական աշխատանքների կազմակերպման, կատարելագործման և քննության մեթոդիկայի մշակման բաժնի գլխավոր մասնագետ, այնուհետև՝ ծառայության իրավական ապահովման բաժնի գլխավոր մասնագետ[6]։ 2015 թվականից դասավանդում է Երևանի պետական համալսարանի իրավագիտության ֆակուլտետի քրեական իրավունքի ամբիոնում[7], 2016 թվականից էլ ՀՀ արդարադատության ակադեմիայում դասընթացավար է։ 2018-2019 թվականներին եղել է հատուկ քննչական ծառայության իրավական ապահովման բաժնի պետ, իսկ 2019 թվականի մարտ-հուլիս ամիսներին՝ Քննչական ծառայության իրավական ապահովման և արտաքին կապերի բաժնի պետ։
2019 թվականի հուլիսի 17-ին ՀՀ վարչապետի որոշմամբ նշանակվել է ՀՀ արդարադատության նախարարի տեղակալ[5], իսկ արդեն 2020 թվականի սեպտեմբերի 1-ին՝ ՀՀ գլխավոր դատախազի տեղակալ։ Համակարգում է ապօրինի ծագում ունեցող գույքի բռնագանձմանն ուղղված գործառույթների ոլորտը։
2024 թվականի նոյեմբերի 4-ին ազատվել է ՀՀ գլխավոր դատախազի տեղակալի պաշտոնից։
2024 թվականի նոյեմբերի 5-ին ՀՀ վարչապետի առաջարկությամբ և նախագահի հրամանագրով նշանակվել է ՀՀ արդարադատության նախարար։
Տիրապետում է hայերենին, անգլերենին, ռուսերենին։ Անկուսակցական է։
Ունի արդարադատության երրորդ դասի պետական խորհրդականի դասային աստիճան։
Ընտանիք
[խմբագրել | խմբագրել կոդը]Ամուսնացած է, ունի 1 դուստր։
Անդամակցություն
[խմբագրել | խմբագրել կոդը]- ՀՀ փաստաբանական պալատի անդամ (2017 թվականից)։
Ծանոթագրություններ
[խմբագրել | խմբագրել կոդը]- ↑ «Դատախազության ապօրինի գույքի բռնագանձման հարցերով զբաղվող դատախազների ունեցվածքը». Hetq.am. 2020 թ․ սեպտեմբերի 16. Վերցված է 2024 թ․ ապրիլի 29-ին.
- ↑ «Սրբուհի Գալյանը նշանակվել է գլխավոր դատախազի՝ ապօրինի ծագում ունեցող գույքի բռնագանձմանն ուղղված գործառույթների ոլորտը համակարգող...». Hetq.am. 2020 թ․ սեպտեմբերի 1. Վերցված է 2024 թ․ ապրիլի 29-ին.
- ↑ «Սրբուհի Գալյանը նշանակվել է արդարադատության փոխնախարար». Hetq.am. 2019 թ․ հուլիսի 17. Վերցված է 2024 թ․ ապրիլի 29-ին.
- ↑ https://www.moj.am/article/4191
- ↑ 5,0 5,1 Սրբուհի Գալյանի մասին moj.am կայքում
- ↑ 6,0 6,1 «Հայաստանի Հանրապետության Դատախազություն». prosecutor.am. Վերցված է 2024 թ․ ապրիլի 29-ին.
- ↑ «Սրբուհի Հովհաննեսի Գալյան | YSU». www.ysu.am. Վերցված է 2024 թ․ ապրիլի 29-ին.