Էլամ

Էլամ, հնագույն քամյան պետություն Իրանական սարահարթի հարավ-արևմտյան մասում: Առաջին պետությունը Էլամում եղել է մ.թ.ա. 27-րդ դարից Ավան քաղաք-պետությունը, որը հիմնվել է շումերների ազդեցությամբ: Աքքադի Կայսրության ժամանակ Էլամը պատերազմում էր աքքադացիների հետ: Կուտիների Միջագետք ներխուժելու ժամանակ Էլամի արքա Կուտիկ-Ինշուշինակ I-ն դաշնակցեց Աքքադի արքա Նարամ-Սուենի հետ ընդդեմ կուտիների: Կուտիները, տիրելով Միջագետքին, նվաճում են նաև Էլամը: Կուտիական Կայսրության անկումից հետո Էլամն ընկնում է նախ Ուրուկի թագավորության, ապա Ուրի` "Շումերի և Աքքադի թագավորության" ենթակայության տակ: Էլամն անկախանում է Շոշի Սիմաշկայի արքայատոհմի հաստատումից հետո: Էլամացիներև ամովրեացիների և սուբարիների հետ մասնակցում են Ուրի թագավորության կործանմանը: Սիմաշկայի հարստությանը փոխարինում է ստրուկ Էպարտիի հիմնած հարստությունը: Մ.թ.ա. 16-րդ դարի վերջին Էլամը նվաճում են քասիթները: Մ.թ.ա. 14-րդ դարի կեսին Էլամն անկախանում է Անշանի Իգեհալկիների հարստության ներքո, որի հաջորդում է Շուտրուկների հարստությունը: Մ.թ.ա. 12-րդ դարի վերջին Էլամը նվաճում են բաբելացիները: Էլամը նորից ասպարեզ ե մտնում մ.թ.ա. 8-րդ դարի կեսին, բայց մ.թ.ա. 644թ. Էլամը վերջնականապես նվաճվում է Ասորեստանի կողմից: Այլևս Էլամ պետություն երբեք չի վերականգնվում: