Անիտա Հախվերդյան

Անիտա Հախվերդյան
Ծնվել է	դեկտեմբերի 12, 1971(1971-12-12) (52 տարեկան)
Ծննդավայր	Երևան, Հայկական ԽՍՀ, ԽՍՀՄ
Քաղաքացիություն	Հայաստան
Կրթություն	Հայկական պետական մանկավարժական համալսարան
Մասնագիտություն	երաժիշտ

Անիտա Հախվերդյան (դեկտեմբերի 12, 1971(1971-12-12), Երևան, Հայկական ԽՍՀ, ԽՍՀՄ), հայ երաժիշտ, երգահան։

Կենսագրություն

Անիտա Հախվերդյանը ծնվել է Երևանում, 1971 թվականի դեկտեմբերի 12-ին։ Շրջանավարտն է Երևանի Խաչատուր Աբովյանի անվան պետակա-մանկավարժական համալսարանի տարրական ուսուցման բաժնի։ 1996-1997 թվականներին աշխատել է «Հայֆիլմ» կինոստուդիայում, 1997 թվականից՝ Հայաստանի Երգի պետական թատրոնում: Դասավանդում է թատրոնի մանկապատանեկան դպրոց-ստուդիայում: Վարել է «Մի երգի պատմություն» ռադիոծրագիրը, «Կիրակի», «CD-DC», «Սենյակ», «Տես» երաժշտական հեռուստածրագրերը: 3 մյուզիքլի և շուրջ 400 երգերի խոսքերի հեղիակ է:

2004 թվակաին Անիտա Հախվերդյանն արժանացել է «Կռունկ» երգի փառատոնի մրցանակի` որպես 5 տարիների լավագույն երգերի հեղինակ, 2005 թվականին` ԱՄՆ-ի հայկական երաժշտական «M Club» մրցանակաբաշխության «Տարվա լավագույն հեղինակ» մրցանակին, 2007 թվականին` «Ոսկե քնար» մրցանակի` որպես «Տարվա հիթ» և «Սուպեր դուետ», 2009 թվականնին` «Ոսկե Քնար» մրցանակաբաշխության Հայ երգարվեստում ներդրման համար հատուկ մրցանակի: 2010 թվականին երաժիշտն արժանացել է Հայաստանի ազգային երաժշտական մրցանակաբաշխության «Ֆիլմի համար գրված տարվա լավագույն երգի հեղինակ» մրցանակին:

Արտաքին հղումներ

• ԱՆԻՏԱ ՀԱԽՎԵՐԴՅԱՆ
• «Ամեն ինչ թույլ եմ տալիս դստերս, երբեմն նաեւ վախվխելով». Անիտա Հախվերդյան