Սուրիական մամուլ
Սուրիական մամուլ | |
---|---|
Տեսակ | հանդես |
Լեզու | հայերեն |
Երկիր | Հայաստան Սիրիա |
Սուրիական մամուլ, օրաթերթ։ Հնչակյան կուսակցության Սիրիայի շրջանակի օրգան։ Լույս է տեսել 1922-1927 թթ.ին, Հալեպում։ Արտոնատեր խմբագիր՝ Հ․ Թորոյան, խմբագիրներ՝ Վարդ Մեխակ (Վ․ Գարանֆիլյան), Մ․ Տխրունի (Քետերյան)։ Տպագրել է հոդվածներ Հայկական հարցի, Լոգանի կոնֆերանսի արդյունքների, հայ որբերի և գաղթականության վիճակի մասին։ Անդրադարձել է նաև միջազգային քաղ․ կացությանը, ՀՕԿի և այլ հասարակական կազմակերպությունների աշխատանքներին։ Թերթը հանդես է եկել դաշնակցության և նրա մամուլի դեմ, զգալի տեղ հատկացրել Սովետական Հայաստանի տնտեսական նվաճումներին և մշակույթի վերելքին։ 1925-1926 թվականներին «Մ․ մ․» հրատարակել է նույնանուն ուսանողական ամսաթերթ հավելված (14 համար), ուր տպագրվել են հանրամատչելի հոդվածներ, գրական ստեղծագործություններ, արվեստի հարցերին նվիրված նյութեր։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։ |