Սուրբ Փրկչի եկեղեցի (Դուբրովնիկ)
Սուրբ Փրկչի եկեղեցի խորվ.՝ Crkva sv. Spasa | |
---|---|
Հիմնական տվյալներ | |
Տեսակ | եկեղեցի |
Երկիր | Խորվաթիա |
Տեղագրություն | Դուբրովնիկ |
Դավանանք | կաթոլիկություն |
Թեմ | Roman Catholic Diocese of Dubrovnik? |
Հիմնական ամսաթվերը | 1528 |
Մասն է | Old city (Dubrovnik)? |
Նվիրված | Հիսուս |
Ճարտարապետական ոճ | Գոթիկա |
Հիմնադրված | 1528 |
Saint Saviour Church (Dubrovnik) Վիքիպահեստում |
Սուրբ Փրկչի եկեղեցի (խորվ.՝ Crkva sv. Spasa), կաթոլիկ տաճար Դուբրովնիկում (Խորվաթիա)։ Այն գտնվում է Դուբրովնիկի Հին քաղաքի արևմտյան մասում՝ Պիլեի դարպասի և ամրոցի պարսպի մոտ։
1520 թվականի մայիսի 17-ի երկրաշարժից հետո Դուբրովնիկի հանրապետության խորհուրդը որոշում է կայացրել կառուցել եկեղեցի՝ ի նշան երախտագիտության երկրաշարժի հետևանքով համեմատաբար փոքր վնաս կրելու և զոհերի փոքր քանակի համար։ Այս մասին նշված է ճակատային մասի գլխավոր մուտքի վերևում տեղադրված մոնումենտալ գրության մեջ։ Վերածննդի և գոթիկայի տարրերով եկեղեցին կառուցվել է ճարտարապետ Պետար Անդրիիչի (Կորչուլայից) նախագծով 1520 թվականից մինչև 1528 թվականը[1]։
1667 թվականին Դուբրովնիկում նորից երկրաշարժ է տեղի ունեցել, որը, ի տարբերություն 1520 թվականի երկրաշարժի, աղետալի բնույթ է կրել։ Զոհվել են բազմաթիվ բնակիչներ և ավերվել է քաղաքային կառույցների 68 %-ը։ Սուրբ Ամենափրկիչ եկեղեցին, սակայն, պահպանվել է և մնացել գրեթե անվնաս[1]։
Ոչ մեծ մակերես ունեցող եկեղեցին ունի մեկ նավ, որը ծածկված է գոթիկային բնորոշ կամարակապով։ Կողային պատուհանները նույնպես գոթիկայի ոճով են և ունեն սլաքավոր կամարներ։ Սակայն հիմնական ճակատը Վերածննդի ոճով է, որը բնորոշ է Վերածննդի դարաշրջանի Դալմաթյան ճարտարապետությանը[2]։
Ներկայում եկեղեցում ամռան ամիսներին անցկացվում են դասական երաժշտության համերգներ և ցուցահանդեսներ[1]։
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 Официальный туристический сайт Дубровника
- ↑ Antun Travirka; Dubrovnik — history, culture, art heritage, 1998
Գրականություն[խմբագրել | խմբագրել կոդը]
- Antun Travirka; Dubrovnik — history, culture, art heritage, 1998.