Սուրբ Նիկողայոս եկեղեցի (Սոֆիա)

Սուրբ Նիկողայոս եկեղեցի (Սոֆիա)
	Սուրբ Նիկողայոս եկեղեցի (Սոֆիա)
Եկեղեցի
	;
Տեղադրություն	Բուլղարիա, Սոֆիա
Աշխարհ	Եվրոպա
Կրոնադավանանք	Ռուսական ուղղափառ
Ճարտարապետություն
Կարգավիճակ	Կանգուն
Ճարտարապետ(ներ)	Միխայիլ Պրեոբրաժենսկի
Ճարտարապ. ոճ	ռուսական վերածննդի ճարտարապետություն
Կառուցման սկիզբ	1907
Կառուցման ավարտ	1914
	Սուրբ Նիկողայոս եկեղեցի (Սոֆիա) (Բուլղարիա)
	42,6957° с. ш. 23,3291° в. д.HGЯO

Անվան այլ կիրառումների համար տե՛ս՝ Սուրբ Նիկողայոս եկեղեցի (այլ կիրառումներ)

Սոֆիայի ռուսական եկեղեցի (բուլղար․՝ Руска църква, Ruska tsarkva), պաշտոնական՝ Սուրբ Նիկողայոս եկեղեցի (църква "Св. Николай Чудотворец", tsarkva "Sv. Nikolay Chudotvorets"), Ռուսական ուղղափառ եկեղեցի Բուլղարիայի մայրաքաղաք Սոֆիայի կենտրոնում՝ տեղակայված «Ցար օսվոբոդիտել» (Ազատարար Թագավորի) պողոտայում։

Պատմություն

Եկեղեցին կառուցվել է 1882 թ. ավերված Սարայ մզկիթի տեղում Օսմանյան կայսրությունից Ռուսաստանի կողմից Բուլղարիայի ազատագրումից հետո։ Կառուցվել է որպես Ռուսական դեսպանության պաշտոնական եկեղեցի և անվանվել է Ռուսաստանի Նիկոլայ 2-րդ կայսեր բարեխոս սրբի անունով։

Եկեղեցու ճարտարապետը ռուս Միխայիլ Պրեոբրաժենսկին է, ով եկեղեցին նախագծել է ռուսական վերածննդի դարաշրջանի ճարտարապետական ոճով։ Շինարարական աշխատանքների ընթացքին հետևել է Սոֆիայի Ալեքսանդր Նևսկու տաճարի ճարտարապետ Ա. Սմիրնովը։ Արտաքին բազմագույն սալիկների ձևավորումը իրականացրել է Գ. Կիսլիչևը, ներքին որմնապատկերները նկարազարդել է Վասիլ Պերմինովի կողմից գլխավորած նկարիչների խումբը։ Հինգ գմբեթները պատված են ոսկով։ Սրբոցում 4 հիանալի սրբապատկերներ են, որոնք Կիևի Սուրբ Վլադիմիր տաճարի սրբապատկերների կրկնօրինակներն են։ Դրանք 20-րդ դարի սկզբի ռուսական սրբապատկերների եզակի օրինակներ են։ Առանձնակի հետաքրքրություն է ներկայացնում Սանկտ Պետերբուրգում պատրաստված մայոլիկայի արվեստով ստեղծված սրբոցը։

Եկեղեցու զանգերը տաճարին է նվիրել կայսր Նիկոլայ Երկրորդը։ 1947 թ. եկեղեցին հանձնվել է Մոսկվայի պատրիարքության թեմին։

Եկեղեցու շինարարությունը սկսվել է 1907 թ. և ավարտվել 1914 թ.։

Եկեղեցու դամբանում է գտնվում արքեպիսկոպոս Սերաֆիմի (Սոբոլևի) գերեզմանը, որին շատ ուղղափառ քրիստոնյաներ Հրաշագործ են համարում։ Նա 1921-1950 թթ. Բուլղարիայում կառավարել է ռուսական ուղղափառ համայնքը։ Այսօր էլ շատերը նամակներ են գրում՝ խնդրելով նրա օգնությունը, թողնում են դրանք գերեզմանի վրա՝ հավատալով, որ նա կօգնի իրենց։

Գրականություն

Игнатьев А. Русский храм Святителя Николая Чудотворца в г. Софии (к 50-летию со дня освящения) // Журнал Московской Патриархии. М., 1964. № 9. стр. 44-49.
Антонов В. В., Кобак А. В. Русские храмы и обители в Европе. — СПб։ «Лики России», 2005. — С. 29—32. — 3000 экз. — ISBN 5-87417-208-4.

Պատկերասրահ

Official Guide to the Russian Church by N. Neshkov and N. Lobanova (in Russian and Bulgarian)
Historical Plaque in front of the Russian Church, placed by the Ministry of Culture of Bulgaria

Արտաքին հղումներ