Սնամեջ եղջյուրավորներ[1][2][3] (լատին․՝ Bovidae), եղջյուրավորներ, երկսմբակավորների կարգի կաթնասունների ընտանիք։ Սնամեջ եղջյուրավորները ի տարբերություն եղջերուների, եղջյուրները ճակատոսկրի ելուստների վրա նստած սնամեջ եղջյուրային պատյաններ են և աճում ու պահպանվում են կենդանու ողջ կյանքի ընթացքում։ Վերին ծնոտի վրա կտրիչներ և ժանիքներ չունեն։ Սեղանատամների ծամող մակերեսի վրա կան էմալի կիսալուսնաձև ծալքեր։ Ստամոքսը բազմախցիկ է։ Կույր աղիքը լավ է զարգացած։ Սնամեջ եղջյուրավորների ընտանիքին են պատկանում ցուլերը, այծերը, խոյերը և այծեղջերուները։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 10, էջ 479)։
