Սիրելի ուսուցչուհին
Սիրելի ուսուցչուհին | |
|---|---|
 | |
| Ժանր | դրամա |
| Երկիր |  Ուկրաինա |
| Լեզու | ռուսերեն |
| Ռեժիսոր | Լեոնիդ Բելոզորովիչ |
| Եթերաշրջանների քանակ | 1 |
| Սերիաների քանակ | 8 |
«Սիրելի ուսուցչուհին» (ուկրաիներեն՝ Улюблена вчителька, ռուս.՝ «Любимая учительница»), ութսերիանոց ֆիլմ աշակերտի և ուսուցչի միջև արգելված սիրո և հանգամանքների ճակատագրական դասավորության մասին։ «Սիրելի ուսուցչուհին» բազմասերիանոց ֆիլմի սցենարը գրել են Մարիա Բեկը և Ելենա Բոյկոն («Շուշաններով տունը», «Կարմիր թագուհին»)։
Սերիալի ցուցադրությունն սկսվել է 2016 թվականի սեպտեմբերին Ռուսաստանի «Առաջին ալիք» հեռուստաալիքով[1]։
Սյուժե[խմբագրել | խմբագրել կոդը]
Երիտասարդ ուսուցչուհի Ուլյանա Սերգեևնան բուհն ավարտելուց հետո աշխատանքի է ընդունվում դպրոցում, և ավարտական դասարանի աշակերտ Իգնատն առաջին հայացքից սիրահարվում է նրան։ Տղան ոչ մի վայրկյան չի կասկածում, որ դա իր կյանքի սերն է։
Ուսումնական տարին ավարտվում է։ Ավարտական երեկոն, որը դպրոցականների համար քայլ է դեպի նոր կյանք, դառնում է ճակատագրական Իգնատի համար։ Ծեծկռտուքից հետո կալանավորվում են Իգնատն ու նրա լավագույն ընկերը, որը հաջորդ օրը մահանում է, և հանցագործությունը բարդվում է Իգնատի վրա, իսկ կատարվածի մեղավոր է հայտարարվում Ուլյանա Սերգեևնան։ Իգնատը բանտարկվում է, և միակ բանը, որ նրան օգնում է բանտարկության ժամանակ, իր նախկին ուսուցչուհու կողմից պատասխան զգացմունքի հույսն է։
Դերերում[խմբագրել | խմբագրել կոդը]
- Ալինա Սերգեևա – Ուլյանա Սերգեևնա Սիմակովա, ուսուցչուհի
- Օլեգ Գաաս – Իգնատ Կալինին, 11-րդ դասարանի աշակերտ / բանտարկյալ / բռնցքամարտիկ
- Օլգա Ռադչուկ – Ռիմա Վասիլևնա Սիմակովա, Ուլյանայի մայրը
- Ելենա Ուզլյուկ – Դարյա Իվանովնա Կալինինա, Իգնատի մայրը
- Մատվեյ Զուբալևիչ – Կոնստանտին Սմիռնով, Իգնատի համադասարանցին, որին սպանել է Ֆիլիպովը
- Վլադիմիր Կովալ – Վիտալի, ատամնատեխնիկ
- Ալեքսեյ Նագրուդնի – Մաքսիմ Սուվորին
- Ռոման Մացյուտա – Սևա Կաչին, կալանավոր
- Աննա Ադամովիչ – Մարինա Սմիռնովա, Իգնատի դասընկերուհին, Կոստյայի քույրը
- Իրինա Մակ – Զինաիդա Իվանովնա Սմիռնովա, Մարինայի և Կոստյայի մայրը
- Բորիս Գեորգիևսկի – Ստեպան Եգորովիչ Սմիռնով, Մարինայի և Կոստյայի հայրը
- Լյուբով Սոլոդովա – Մարիա Կլիմովա, դպրոցի տնօրեն
- Անաստասիա Շուլգա – Իվանցովա
- Օլեգ Մասլեննիկով – Ֆիլիպով, ոստիկանության մայոր
- Վալերի Գուլյաևա – Վերա Յամչուկովա, լեյտենանտ / ոստիկանության ավագ լեյտենանտ
Ծանոթագրություններ[խմբագրել | խմբագրել կոդը]
Արտաքին հղումներ[խմբագրել | խմբագրել կոդը]
|
