Սեմիկարակորսկի պատմագավառագիտական թանգարան
Սեմիկարակորսկի պատմագավառագիտական թանգարան | |
|---|---|
| Տեսակ | թանգարան |
| Երկիր |  Ռուսաստան |
| Վայր | Սեմիկարակորսկ |
| Հիմնադրվել է | 1997 |
 | |
 | |
,
Սեմիկարակորսկի պատմագավառագիտական թանգարան, թանգարան Ռուսաստանի Դաշնության Ռոստովի մարզի Սեմիկարակորսկ քաղաքում։
Պատմություն
[խմբագրել | խմբագրել կոդը]Թանգարանը ստեղծվել է 1997 թվականին։ 2000 թվականից այն պաշտոնապես բացվել է այցելությունների համար որպես մշակութային և գիտակրթական հաստատություն։
Թանգարանային հավաքածուն բաղկացած է ավելի քան 16 հազար միավոր հիմնական և գիտաօժանդակ ֆոնդից և խոշորագույնն է Ռոստովի մարզի համայնքային թանգարանների շրջանում։ Չորս ցուցասրահներում տեղակայվել է «Հայրենակից գրող Բորիս Նիկոլաևիչ Կուլիկովի կյանքը և ստեղծագործությունը» գրական-մենագրական ցուցադրությունը։ Թանգարանի ցուցադրություններում այցելուները կարող են ծանոթանալ Սեմիկարակորսկայա ստանիցայի XIX դարի վերջի - XX դարի առաջին կեսի կերպարվեստին, կենցաղին և ազգագրությանը, Սեմիկարակորսկի շրջանի զինվորական և աշխատանքային փառքի պատմությանը։
Թանգարանում գործում են երեք գրական-պատմական միավորումներ` «Տատյանայի օրը» Կոչետովսկայա ստանիցայում, «Հայրենիքի պատմության սիրահարների ակումբը» և «Գեղեցիկի սիրահարների ակումբը» Սեմիկարակորսկ քաղաքում (1962 թվականից)։ 2004 թվականին թանգարանի կազմի մեջ որպես կառուցվածքային ստորաբաժանում մտավ Վ. Ա. Զակրուտկինի հիշատակային տուն-թանգարանը Կոչետովսկայա գյուղում, որը բացվել է 1986 թվականին։ Տուն-թանգարանի թանգարանային ֆոնդն ունի ավելի քան վեց հազար ցուցանմուշ[1][2]։
2013 թվականին Սեմիկարակորսկի պատմագավառագիտական թանգարանը Ռոստովի մարզի համայնքային 26 թանգարաններից առաջինը ներառվել է Ռուսաստանի Դաշնության թանգարանային ֆոնդի պետական գրացուցակում, որը ստեղծվել է ՌԴ մշակույթի նախարարության աջակցությամբ[3][4]։
Թանգարանն ամեն տարի անցկացնում է Հայրենական մեծ պատերազմի հիշարժան տարեթվերին նվիրված միջոցառումներ[5][6]։
Հասցե
[խմբագրել | խմբագրել կոդը]Թանգարանի հասցեն` Ռոստովի մարզ, ք. Սեմիկարակորսկ, Վ. Ա. Զակրուտկինի պողոտա, տուն 25։
Ծանոթագրություններ
[խմբագրել | խմբագրել կոդը]- ↑ «СЕМИКАРАКО́РСКИЙ КРАЕВЕ́ДЧЕСКИЙ МУЗЕ́Й». Արխիվացված է օրիգինալից 2017 թ․ օգոստոսի 10-ին. Վերցված է 2017 թ․ հունիսի 1-ին.
- ↑ Семикаракорский историко-краеведческий музей
- ↑ ФОНДЫ МУЗЕЕВ ТЕПЕРЬ В ИНТЕРНЕТЕ
- ↑ «Муниципальное бюджетное учреждение «Семикаракорский историко-краеведческий музей»». Արխիվացված է օրիգինալից 2017 թ․ դեկտեմբերի 25-ին. Վերցված է 2017 թ․ հունիսի 1-ին.
- ↑ Освобождение
- ↑ «Великая Отечественная война: Путь к Победе»
Արտաքին հղումներ
[խմբագրել | խմբագրել կոդը]- МБУ «СИКМ» Արխիվացված 2017-09-14 Wayback Machine