Սեմիկարակորսկի պատմագավառագիտական թանգարան

Վիքիպեդիայից՝ ազատ հանրագիտարանից
Սեմիկարակորսկի պատմագավառագիտական թանգարան
Տեսակ թանգարան
Երկիր Flag of Russia.svg Ռուսաստան
Վայր Սեմիկարակորսկ
Հիմնադրված է 1997
Կոորդինատներ: 47°31′48″ հս․ լ. 40°49′11″ ավ. ե. / 47.53000° հս․. լ. 40.81972° ավ. ե. / 47.53000; 40.81972
Սեմիկարակորսկի պատմագավառագիտական թանգարանը գտնվում է Ռուսաստանում
Սեմիկարակորսկի պատմագավառագիտական թանգարան

Սեմիկարակորսկի պատմագավառագիտական թանգարան (ռուս.՝ Семикаракорский историко-краеведческий музей), թանգարան Ռուսաստանի Դաշնության Ռոստովի մարզի Սեմիկարակորսկ քաղաքում։

Պատմություն[խմբագրել | խմբագրել կոդը]

Թանգարանը ստեղծվել է 1997 թվականին։ 2000 թվականից այն պաշտոնապես բացվել է այցելությունների համար որպես մշակութային և գիտակրթական հաստատություն։

Թանգարանային հավաքածուն բաղկացած է ավելի քան 16 հազար միավոր հիմնական և գիտաօժանդակ ֆոնդից և խոշորագույնն է Ռոստովի մարզի համայնքային թանգարանների շրջանում։ Չորս ցուցասրահներում տեղակայվել է «Հայրենակից գրող Բորիս Նիկոլաևիչ Կուլիկովի կյանքը և ստեղծագործությունը» գրական-մենագրական ցուցադրությունը։ Թանգարանի ցուցադրություններում այցելուները կարող են ծանոթանալ Սեմիկարակորսկայա ստանիցայի XIX դարի վերջի - XX դարի առաջին կեսի կերպարվեստին, կենցաղին և ազգագրությանը, Սեմիկարակորսկի շրջանի զինվորական և աշխատանքային փառքի պատմությանը։

Թանգարանում գործում են երեք գրական-պատմական միավորումներ` «Տատյանայի օրը» Կոչետովսկայա ստանիցայում, «Հայրենիքի պատմության սիրահարների ակումբը» և «Գեղեցիկի սիրահարների ակումբը» Սեմիկարակորսկ քաղաքում (1962 թվականից)։ 2004 թվականին թանգարանի կազմի մեջ որպես կառուցվածքային ստորաբաժանում մտավ Վ. Ա. Զակրուտկինի հիշատակային տուն-թանգարանը Կոչետովսկայա գյուղում, որը բացվել է 1986 թվականին։ Տուն-թանգարանի թանգարանային ֆոնդն ունի ավելի քան վեց հազար ցուցանմուշ[1][2]։

2013 թվականին Սեմիկարակորսկի պատմագավառագիտական թանգարանը Ռոստովի մարզի համայնքային 26 թանգարաններից առաջինը ներառվել է Ռուսաստանի Դաշնության թանգարանային ֆոնդի պետական գրացուցակում, որը ստեղծվել է ՌԴ մշակույթի նախարարության աջակցությամբ[3][4]։

Թանգարանն ամեն տարի անցկացնում է Հայրենական մեծ պատերազմի հիշարժան տարեթվերին նվիրված միջոցառումներ[5][6]։

Հասցե[խմբագրել | խմբագրել կոդը]

Թանգարանի հասցեն` Ռոստովի մարզ, ք. Սեմիկարակորսկ, Վ. Ա. Զակրուտկինի պողոտա, տուն 25։

Ծանոթագրություններ[խմբագրել | խմբագրել կոդը]

Հղումներ[խմբագրել | խմբագրել կոդը]