Սաֆինազ
Սաֆինազ | |
---|---|
Ծնվել է | դեկտեմբերի 20, 1983 (40 տարեկան) Հայաստան |
Երկիր | Հայաստան, Ռուսաստան և Եգիպտոս |
Մասնագիտություն | դերասանուհի, կինոդերասանուհի և belly dancer |
Ծովինար Գրիգորյան (դեկտեմբերի 20, 1983, Հայաստան), հայտնի է նաև իր բեմական անունով՝ Սաֆինազ (արաբ․՝ صافيناز), եգիպտահայ պորտապարուհի, որը 2013 թվականից նկարահանվել է մի քանի ֆիլմերում[1]։
Կարիերա
[խմբագրել | խմբագրել կոդը]Ծովինար Գրիգորյանը ծնվել է 1983 թվականի դեկտեմբերի 20-ին Հայաստանում[2]։ Նա իր կարիերան սկսել է որպես բալետի պարուհի, սակայն հետո անցել է պորտապարի։ Նա միջազգային ճանաչում է ունեցել Dalaa արբանյակային ալիքով հեռարձակված տեսահոլովակների շնորհիվ։ Նրա առաջընթացը տեղի է ունեցել 2013 թվականին՝ եգիպտական «Հավաքարարը» (القشاش) ֆիլմում նկարահանվելուց հետո։ Այդ ֆիլմում գլխավոր դերակատարներն էին Մոհամեդ Ֆարագը և Հորեյա Ֆարղալին[1][2]։
Ըստ Գուգլ-ի տվյալների՝ նա 2014 թվականին համացանցի եգիպտացի օգտատերերի կողմից ամենաշատ որոնված անունն էր՝ գերազանցելով նույն թվականին մահացած դերասան Խալեդ Սալեհին[3]։
Քրեական հետապնդում
[խմբագրել | խմբագրել կոդը]2014 թվականի մայիսին Գրիգորյանը եգիպտական դատախազների կողմից կանչվել է հարցաքննության՝ Եգիպտոսի դրոշի ոճով ստեղծված պարային հագուստով Եգիպտոսը վիրավորելու մեղադրանքով[4][5]։ 2015 թվականի ապրիլին եգիպտական դատարանը նրան դատապարտել է վեց ամսվա ազատազրկման՝ «եգիպտական դրոշը վիրավորելու» համար այն բանից հետո, երբ նա կարմիր, սպիտակ և սև գույներով կիպ զգեստ էր հագել[6]։
2015 թվականի սեպտեմբերին Գրիգորյանն արդարացվել է, սակայն տուգանքը կրկնապատկվել է[7][8]։ Հետագայում նրան կրկին մեղադրել են անառակության մեջ, քանի որ համացանցում վիրուսային տարածում է ստացել մի տեսանյութ, որում Սաֆինազը բիկինիով երկու եգիպտացի երկրպագուների հետ է պարում։
Ամենաշատ որոնումները Գուգլում
[խմբագրել | խմբագրել կոդը]Պարուհի Սաֆինազը 2014 թվականին գլխավորել է Եգիպտոսում Գուգլի ամենաշատ որոնված մարդկանց ցուցակը՝ շրջանցելով դերասան Խալեդ Սալեհին և Եգիպտոսի նախագահ Աբդել Ֆաթթահ Ալ-Սիսիին։
Ծանոթագրություններ
[խմբագրել | խմբագրել կոդը]- ↑ 1,0 1,1 Safinaz - ElCinema profile
- ↑ 2,0 2,1 Anne (2020 թ․ դեկտեմբերի 26). «Safinaz Body Size Breast, Waist, Hips, Bra, Height and Weight». Steal Her Health (ամերիկյան անգլերեն). Վերցված է 2022 թ․ հունիսի 19-ին.
- ↑ ما الذي بحث عنه المصريين في جوجل خلال 2014 ؟
- ↑ Famous belly dancer Sofinar arrested over 'insulting Egyptian flag', released on bail
- ↑ Manpower Minister’s call to deport Safinaz stirred sarcasm on social networking
- ↑ Belly dancer Sofinar Gourian sentenced to six months in prison over 'Egyptian flag dress'
- ↑ Armenian belly dancer acquitted of ‘insulting Egyptian flag’
- ↑ Bellydancer Safinaz acquitted of Egyptian flag insult