Ռուզաննա Մուրադյան

Ռուզաննա Մուրադյան;
Ծնվել է	հունիսի 28, 1963 (61 տարեկան)
Ծննդավայր	Երևան, Հայկական ԽՍՀ, ԽՍՀՄ
Քաղաքացիություն	Հայաստան
Կրթություն	Հայկական պետական մանկավարժական համալսարան (1985)
Մասնագիտություն	քաղաքական գործիչ
Կուսակցություն	Հայաստանի Հանրապետական կուսակցություն

Վիքիպեդիայում կան հոդվածներ Մուրադյան ազգանունով այլ մարդկանց մասին։

Ռուզաննա Կարապետի Մուրադյան, (հունիսի 28, 1963(1963-06-28)^[1], Երևան, Հայկական ԽՍՀ, ԽՍՀՄ) ՀՀ քաղաքական գործիչ, ՀՀ ԱԺ 5-րդ և 6-րդ գումարման պատգամավոր, «Հանրապետական» (ՀՀԿ) խմբակցության անդամ^[2]։

Կենսագրություն

Ռուզաննան ծնվել է 1963 թվականին հունիսի 28-ին Երևան քաղաքում։ 1985 թ. ավարտել է Խաչատուր Աբովյանի անվան հայկական պետական մանկավարժական ինստիտուտի ֆիզիկայի ֆակուլտետը։ Հանդիսանում է մանկավարժական գիտությունների թեկնածու։

1985-1996 թվականներին աշխատել է Ավետիք Իսահակյանի անվան թիվ 16 դպրոցում որպես ֆիզիկայի և աստղագիտության ուսուցչուհի։ Այնուհետև մինչև 1999 թվականը եղել է ուսումնադաստիարակչական գծով փոխտնօրեն։ 1999-2012 թվականներին եղել է Գր. Զոհրապի անվան թիվ 43 դպրոցի տնօրեն։

2002 թվականին Ռուզաննան եղել է «Կրթություն առանց սահմանի» հկ հիմնադիր նախագահ, իսկ 2006 թվականին՝ ՀՀԿ կանանց խորհրդի անդամ, գաղափարաքարոզչական հանձնախմբի նախագահ։ 2010 թ.` «Դպրոց-կենտրոնների միություն» իրավաբանական անձանց միության նախագահ։ 2012 թ. մայիսի 6-ին ԱԺ պատգամավոր է ընտրվել համամասնական ընտրակարգով Հայաստանի Հանրապետական կուսակցությունից։ 2017 թ. ապրիլի 2-ին ԱԺ պատգամավոր է ընտրվել ՀՀԿ համապետական ընտրական ցուցակով։

2006 թվականին Անկախության տոնի 15-ամյակի կապակցությամբ պարգևատրվել է ՀՀ վարչապետի շնորհակալագրով, հաղթող է ճանաչվել ՀՀ դպրոցների «Տարվա լավագույն տնօրեն» մրցույթում, պարգևատրվել է ՀՀ կրթության եւ գիտության նախարարության «Ոսկե հուշամեդալ»-ով, տեղական ինքնակառավարման մարմինների կազմավորման 10-ամյակի կապակցությամբ` ՀՀ վարչապետի շնորհակալագրով։ 2008 թ.` ՀՀ ՊՆ «Գարեգին Նժդեհ» հուշամեդալով։ 2011 թ.` «ՀՀ Ազգային ժողովի պատվո մեդալ»-ով։ 2018 թվականի հոկտեմբերի 30-ին դիմումի հիման վրա զրկվել է մանդատից^[3]^[4]։

Հանդիսանում է գիտամանկավարժական մի շարք հոդվածների և մեթոդական ձեռնարկների հեղինակ^[5]։

Անձնական կյանք

Ամուսնացած է, ունի 2 զավակ։

Ծանոթագրություններ

[_e5d80f479fffa12d-1] 1,0 ^1,1 http://www.parliament.am/deputies.php?sel=details&ID=1074&lang=eng

[2] Ռուզաննա Կարապետի Մուրադյան

[3] ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱԶԳԱՅԻՆ ԺՈՂՈՎԻ ՎԵՑԵՐՈՐԴ ԳՈՒՄԱՐՄԱՆ ԸՆԹԱՑՔՈՒՄ ԼԻԱԶՈՐՈՒԹՅՈՒՆՆԵՐԸ ԴԱԴԱՐԱԾ ԿԱՄ ԴԱԴԱՐԵՑՐԱԾ ՊԱՏԳԱՄԱՎՈՐՆԵՐ

[4] Ռուզաննա Մուրադյանի պատգամավորական մանդատը փոխանցվում է Նաիրա Կարապետյանին. ԿԸՀ

[5] Ռուզաննա Կարապետի Մուրադյան

[1]

[2]

[3]

[4]

[5]