Ռոզա Ֆրանսինա Ռոգոմբե
| Ռոզա Ֆրանսինա Ռոգոմբե Rose Francine Rogombé | |
| Կուսակցություն՝ | Gabonese Democratic Party? |
|---|---|
| Կրթություն՝ | Նենսիի համալսարան |
| Մասնագիտություն՝ | քաղաքական գործիչ և փաստաբան |
| Ծննդյան օր | սեպտեմբերի 20, 1942[1] |
| Ծննդավայր | Լամբարենե, Colony of Gabon[1] |
| Վախճանի օր | ապրիլի 10, 2015[1] (72 տարեկան) |
| Վախճանի վայր | Վիլժուիֆ, Ֆրանսիա[1] |
| Քաղաքացիություն |  Գաբոն
|
| Ի ծնե անուն | ֆր.՝ Rose Francine Allela Etomba[1] |
| Պարգևներ |
 |
Ռոզա Ֆրանսինա Ռոգոմբե (ֆր.՝ Rose Francine Rogombé, սեպտեմբերի 20, 1942[1], Լամբարենե, Colony of Gabon[1] - ապրիլի 10, 2015[1], Վիլժուիֆ, Ֆրանսիա[1][2]), գաբոնացի քաղաքական գործիչ, 4 ամիս շարունակ եղել է Գաբոնի նախագահի պաշտոնակատար (2009)։
Կենսագրություն[խմբագրել | խմբագրել կոդը]
Ռոզա Ռոգոմբեն կրթություն է ստացել Ֆրանսիայում, մասնագիտությամբ իրավաբան է, Գաբոնական դեմոկրատական կուսակցության (PDG) անդամ է։ 1967 թվականին՝ Գաբոն վերադառնալուց հետո, դարձավ երեք կանանցից մեկը, որոնք երկրի պատմության մեջ առաջին անգամ դատավոր դարձան[3]։ Զբաղեցնում էր Պետական նախարարի պաշտոնը՝ Մարդու իրավունքների և կանանց զարգացման հարցերով[4]։
1990-ական թվականների սկզբին՝ երկրի բազմակուսակցական համակարգի անցնելուց հետո, ժամանակավոր հեռացավ քաղաքականությունից՝ դառնալով հատուկ քրեական դատարանի փոխնախագահ[5][6] :
2008 թվականի տեղի ընտրությունների ժամանակ ընտրվել էր Լամբարնայում մունիցիպալ խորհրդական, 2009 թվականի հունվարին հաղթել է Գաբոնի Սենատի ընտրություններում՝ փետրվարին 6 տարով դառնալով դրա նախագահը։
2009 թվականի հունիսի 8-ին՝ Օմար Բոնգոյի մահից հետո, իրականացնում էր Գաբոնի նախագահի պարտականությունները։ Այդ պաշտոնին զբաղվում էր նախագահի ընտրությունների կազմակերպչական գործերով (կայացան 2009 թվականի օգոստոսի 30-ին)։ Կառավարության անձնական կազմը, որը նշանակվել էր Օմար Բոնգոյի կողմից, պահպանվեց չնչին փոփոխությամբ, հանգուցյալ նախագահի որդին և նախագահական կոմպանիայի մասնակից Ալի Բոնգոն զբաղեցնում էր պաշտպանության նախարարի պաշտոնը։ Վարչապետի հրաժարականից հետո, որը նախագահ դառնալու հեռանկարներ ուներ, 2009 թվականի հուլիսին կառավարությունից հեռացվեցին Ալի Բոնգոյի հակառակորդները[4]։
Ռոգոմբեի ադմինիստրացիայի կողմից կազմակերպված ընտրություններն անց էին կենում Ալի Բոնգոյի լուռ աջակցության ներքո, որին մյուս թեկնածուները խիստ պնդում էին հեռացնել կառավարությունից (ժամանակավոր հեռացավ իր պաշտոնից ընտրություններից ընդամենը 2 շաբաթ առաջ)։ Ընտրությունների շեմին իշխանությունները քայլեր ձեռնարկեցին, որով սահմանափակում էին ընդդիմությանը պատկանող ԶԼՄ-ի հեռարձակման գոտին[4]։
Ալի Բոնգոյի երդմնակալությունից հետո նա վերադարձավ Սենատի նախագահի պաշտոնին, որը զբաղեցնում էր ընդհուպ մինչև 2015 թվականի փետրվար՝ լիազորությունների ավարտը[4]։
2007 թվականին ստացել է գիտական աստիճան Աստվածաբանության ոլորտում[5]։ Երկրում նշանակալի իրադարձություն դարձավ 2010 թվականին քաղաքական գործչի կողմից 23 000 սուրբծննդյան խաղալիքներ ուղարկելն իր հայրենի քաղաք Լամբարենե։
Ծանոթագրություններ[խմբագրել | խմբագրել կոդը]
- ↑ 1,00 1,01 1,02 1,03 1,04 1,05 1,06 1,07 1,08 1,09 1,10 1,11 1,12 Fichier des personnes décédées
- ↑ «Gabon: Mme Rogombé, une magistrate fidèle de Bongo aux commandes», AFP, 10 June 2009 (Ֆրանսերեն).
- ↑ Magnowski, Daniel (2009 թ․ մայիսի 16). «Gabon's Bongo in Europe, "resting" from duties». Reuters. Վերցված է 2009 թ․ հունիսի 8-ին.
- ↑ 4,0 4,1 4,2 4,3 Кусов, Виталий. «Рогомбе Роза: президент Габона, биография и правление». Правители Африки: XXI век (ռուսերեն). Վերցված է 2018 թ․ մարտի 7-ին.
{{cite news}}: More than one of|author=and|last=specified (օգնություն) - ↑ 5,0 5,1 Christian Walter Ngouah-Beaud, «Gabon: Parlement: Rose Francine Rogombé à la tête de la chambre haute pour six ans» Արխիվացված 2009-02-18 Wayback Machine, Gabonews, 16 February 2009 (Ֆրանսերեն)
- ↑ «Gabon: Une femme élue président du Sénat» Արխիվացված 2012-02-15 Wayback Machine, Infosplusgabon, 17 February 2009 (Ֆրանսերեն).