Ռազմիկ Մարտիրոսյան
- Վիքիպեդիայում կան հոդվածներ Մարտիրոսյան ազգանունով այլ մարդկանց մասին։
| Ռազմիկ Մարտիրոսյան | |
|---|---|
 | |
| Ծնվել է | մայիսի 24, 1959 (65 տարեկան) |
| Ծննդավայր | Արարատ, Արարատի շրջան, Հայկական ԽՍՀ, ԽՍՀՄ |
| Քաղաքացիություն |  Հայաստան |
| Կրթություն | Երևանի պետական համալսարան |
| Մասնագիտություն | քաղաքական գործիչ |
| Զբաղեցրած պաշտոններ | Հայաստանի Ազգային ժողովի պատգամավոր |
| Կուսակցություն | Հայաստանի Հանրապետական կուսակցություն |
Ռազմիկ Մարտիրոսի Մարտիրոսյան (մայիսի 24, 1959, Արարատ, Արարատի շրջան, Հայկական ԽՍՀ, ԽՍՀՄ), պատմաբան, Հայաստանի Հանրապետության Ազգային ժողովի նախկին պատգամավոր։
Կենսագրություն
[խմբագրել | խմբագրել կոդը]Ռազմիկ Մարտիրոսյանը ծնվել է 1959 թվականի մայիսի 24-ին Արարատի շրջանի Ոսկետափ գյուղում։ 1981 թվականին ավարտել է Երևանի պետական համալսարանը։ Ստացել է պատմաբանի, պատմության և հասարակագիտության ուսուցչի որակավորումը։ 1981-1984 թվականներին աշխատել է Արարատի շրջանի Ոսկետափ գյուղի միջնակարգ դպրոցում ուսուցիչ, տնօրենի տեղակալ, 1984-1985 թվականներին եղել է ՀԼԿԵՄ Արարատի շրջկոմի հրահանգիչ։ 1985-1987 թվականներին ծառայել է խորհրդային բանակում[1]։ 1987-1988 թվականներիին եղել է Արարատ գյուղի դպրոցի տնօրենի տեղակալ, իսկ 1988-1993 թվականներին` եղել է Եղեգնավան գյուղի միջնակարգ դպրոցի տնօրեն։ 1999-2003 թվականներին` եղել է Հայաստանի Հանրապետության սոցիալական ապահովության նախարար, նախարարի առաջին տեղակալ, նախարար։ 1993-1995 թվականներին` եղել է ԳԽ պատգամավոր (թիվ 171 ընտրատարածք)։ Եղել է ԳԽ տեղական ինքնակառավարման հարցերի մշտական հանձնաժողովի անդամ։ 1995-1999 թվականներին` եղել է Ազգային ժողովի պատգամավոր (թիվ 112 ընտրատարածք)։ Եղել է Ազգային Ժողովի պետական-իրավական հարցերի մշտական հանձնաժողովի անդամ, 1998-1999 թվականներին` Ազգային Ժողովի պաշտպանության, ազգային անվտանգության և ներքին գործերի մշտական հանձնաժողովի նախագահ, «Հանրապետություն» խմբակցության, ապա «Երկրապահ» պատգամավորական խմբի անդամ։ 2003 թվականի մայիսի 25-ին ընտրվել է Ազգային ժողովի պատգամավոր՝ ՀՀԿ համամասնական ընտրացուցակով։ Եղել է Ազգային ժողովի արտաքին հարաբերությունների մշտական հանձնաժողովի անդամ[2]։ Եղել է ՀՀԿ խմբակցության անդամ, ՀՀԿ անդամ[3]։
Անձնական կյանք
[խմբագրել | խմբագրել կոդը]Ամուսնացած է, ունի չորս երեխա։
Ծանոթագրություններ
[խմբագրել | խմբագրել կոդը]- ↑ «Мартиросян Размик Мартиросович — Энциклопедия фонда «Хайазг»». ru.hayazg.info. Վերցված է 2021 թ․ հունվարի 8-ին.
- ↑ «Ռազմիկ Մարտիրոսյան | ՀՀ աշխատանքի և սոցիալական հարցերի նախարարություն» (ամերիկյան անգլերեն). Վերցված է 2021 թ․ հունվարի 8-ին.
- ↑ «National Assembly of Armenia | Official Web Site | parliament.am». www.parliament.am. Վերցված է 2021 թ․ հունվարի 8-ին.
| ||||||
