Ջրային ուղիներ, նավագնացության և փայտի լաստառաքման համար օգտագործվող ջրային տարածություններ։ Տարբերում են արտաքին և ներքին ջրային ուղիներ։ Ըստ օգտագործման բնույթի ներքին ջրային ուղիները լինում են նավարկության և լաստառաքման։ Արտաքին ջրային ուղիներն են օվկիանոսները, արտաքին ծովերը, ծովածոցերը։ Ներքին ջրային ուղիները լինում են բնական (ներքին ծովեր, լճեր և գետեր) և արհեստական (շլյուզվածգետեր, նավարկելի ջրանցքներ, արհեստական ծովեր, ջրամբարներ)։ Ուղևորների և բեռների փոխադրման համար ջրային ուղիների հաղորդակցման այլ ուղիներից ավելի շահավետ են։ Հիմնական ծովերի և օվկիանոսների ջրային ուղիների բնութագիրը տրվում է առանձին ծովերին, օվկիանոսներին և ջրանցքներին վերաբերող, ինչպես նաև ծովային տրանսպորտ, գետային տրանսպորտ, ջրանցք և նավահանգիստ հոդվածներում։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 9, էջ 535)։
