Պավել Մայիլյան
- Վիքիպեդիայում կան հոդվածներ Մայիլյան ազգանունով այլ մարդկանց մասին։
 | |
|---|---|
| Ծնվել է | հունիսի 22, 1954 (69 տարեկան) |
| Ծննդավայր | Երևան, Հայկական ԽՍՀ, ԽՍՀՄ |
| Քաղաքացիություն |  ԽՍՀՄ և  Հայաստան |
| Կրթություն | Հյուսիսային պետական բժշկական համալսարան (1977) |
| Մասնագիտություն | բժիշկ և ատամնաբույժ |
| Գիտական աստիճան | բժշկական գիտությունների դոկտոր (1999) |
Պավել Դանիելի Մայիլյան (հունիսի 22, 1954, Երևան, Հայկական ԽՍՀ, ԽՍՀՄ), հայ բժիշկ, օրթոդոնտ-ստոմատոլոգ։ Բժշկական գիտությունների դոկտոր (1999):
Կենսագրություն[խմբագրել | խմբագրել կոդը]
Պավել Մայիլյանը ծնվել է 1954 թվականի հունիսի 22-ին Երևան քաղաքում։ 1977 թվականին ավարտել է Արխանգելսկի պետական բժշկական համալսարանի ստոմատոլոգիական ֆակուլտետը։ 1977-1979 թվականներին աշխատել է ՌԴ Վոլոգդայի մարզում։ 1979-1988 թվականներին եղել է ՀԽՍՀ Մանկական ստոմատոլոգիայի կենտրոնական պոլիկլինիկայի բաժանմունքի վարիչ, 1988-1998 թվականներին՝ Երևանի պետական բժշկական համալսարանի մանկական ստոմատոլոգիայի ամբիոնի դասախոս։ 1997 թվականին պաշտպանել է թեկնածուական ատենախոսություն։ 1997 թվականին ստացել է դիպլոմ՝ բժշկության ոլորտում Հայաստանում առաջին գիտական հայտնագործության համար։ 1999 թվականին ստացել է բժշկական գիտությունների դոկտորի կոչում Եվրոպական համալսարանում։ 2000 թվականի փետրվարին դարձել է Ռուսաստանի բնական գիտությունների ակադեմիայի անդամ։ 2000 թվականի ապրիլին ստացել է Եվրոպական համալսարանի պատվավոր դոկտորի կոչում[1]։
Աշխատանքները վերաբերում են ատամնածնոտային անոմալիաների բուժման հարցերին, բացահայտել է կարգավորվող ուժային գործոնների ազդեցությամբ ծնոտների ոսկրերի աճը, մշակել ատամների բուժմանհիմնակմախքային-զսպանակային ապարատներ (1997-1998), գանգի հիմի նկատմամբ ցվերին ատամնաշարի կամ ծնոտի ինտենսիվ ձգման եղանակ (1998-1999): Նոր ուղղության հեղինակ է, որը հնարավորություն է տալիս ընդլայնել օրթոդոնտիկ բուժման արդյունավետությունն ու սահմանները[1]։
Հրատարակել է ավելի քան 110 գիտական աշխատանքներ, այդ թվում` 2 մենագրություն, 29 գյուտ՝ արտոնագրված ԱՄՆ-ում, Եվրոպայում, Ճապոնիայում, Ռուսաստանում, Չինաստանում և Հնդկաստանում[2][3]։
Անդամակցություն, կոչումներ[խմբագրել | խմբագրել կոդը]
- ՌԴ բնական ԳԱ արտասահմանյան անդամ (2000)
- Եվրոպական համալսարանի պատվավոր դոկտոր (2000)
Ծանոթագրություններ[խմբագրել | խմբագրել կոդը]
- ↑ 1,0 1,1 Ով ով է. Հայեր. Կենսագրական հանրագիտարան, հատոր երկրորդ, Երևան, 2007, էջ 29։
- ↑ «Մայիլյան Պավել Դանիելի». http://kamar.am/am. Արխիվացված է օրիգինալից 2018 թ․ դեկտեմբերի 21-ին. Վերցված է 2019 թ․ ապրիլի 4-ին.
{{cite web}}: External link in|website= - ↑ «Authors - www.orthodont.am». orthodont.am. Վերցված է 2019 թ․ ապրիլի 4-ին.