Ոչ ամենահաջող օրը
 ռուս.՝ Не самый удачный день | |
|---|---|
| Երկիր | .svg){kind=small} ԽՍՀՄ |
| Ժանր | գրական ստեղծագործության էկրանավորում |
| Թվական | 1966 |
| Լեզու | ռուսերեն |
| Ռեժիսոր | Յուրի Եգորով |
| Սցենարի հեղինակ | Յուրի Եգորով |
| Օպերատոր | Իննա Զարաֆյան |
| Երաժշտություն | Մարկ Ֆրադկին |
| Կինոընկերություն | Մաքսիմ Գորկու անվան կինոստուդիա |
«Ոչ ամենահաջող օրը» (ռուս.՝ «Не самый удачный день»), 1966 թվականի խորհրդային ֆիլմ, որը նկարահանել է ռեժիսոր Յուրի Եգորովը Յուլիան Սեմյոնովի «Դունեչկան և Նիկիտան» ստեղծագործության հիման վրա։
Սյուժե
[խմբագրել | խմբագրել կոդը]Մի օր Ստեպանով ամուսինները գնում են դատարան՝ ամուսնալուծվելու համար, իսկ իրենց փոքրիկ դստերը՝ Դունյային, թողնում են Նադյա Ստեպանովայի եղբոր՝ Նիկիտայի մոտ։ Սակայն Նիկիտան պետք է հասցնի գնալ թատերական ինստիտուտ և ռադիոներկայացման ձայնագրման։ Բացի այդ, նա պետք է օգնի իր ընկեր Գրանատիկովին քննություն հանձնել՝ խաբելով դոցենտին, ինչպես նաև պետք է վերլուծի իր զգացմունքներն ընկերուհու՝ սկսնակ կինոաստղ Անյայի հանդեպ։ Դունեչկան դառնում է Նիկիտայի անփոփոխ ուղեկիցը։
Ստեպանովները ամուսնալուծվելուց հետո շարունակում են հարաբերությունները պարզել նաև դատից հետո։ Միտյային օգնում է նրա հին ընկերը՝ Լևոնը, իսկ Նադյային՝ բուժքույրը՝ նրա գործընկերուհին։
Ավելի ուշ Նիկիտայի ու Դունեչկի գիշերային վերադարձը վախեցնում է Ստեպանովներին։
Դերերում
[խմբագրել | խմբագրել կոդը]- Նիկիտա Միխալկով – Նիկիտա
- Սվետլանա Սվետլիչնայա – Նադյա Ստեպանովա, Նիկիտայի քույրը
- Վլադիմիր Զամանսկի – Միտյա Ստեպանով, Նադյայի ամուսինը
- Օլգա Գոբզևա – Անյա, Նիկիտայի ընկերուհին
- Նինա Սազոնովա – Աննա Տրոֆիմովնա, դատարանի նախագահ
- Իգոր Կվաշա – Լևոն, Ստեպանովի ընկերը
- Բորիս Իվանով – Միխայիլ Նիկոլաևիչ Պինչուկ, դոցենտ
- Օլգա Արոսևա – բուժքույր, Նադյայի գործընկերուհին
- Իգոր Վասիլև – սրճարանի այցելու
- Իգոր Յասուլովիչ – Իգոր, Անյայի համակուրսեցին
- Վլադիմիր Գրամատիկով – Վոլոդյա Գրանատիկով, Նիկիտայի ընկերը
- Գրիգորի Լյամպե – հանդերձապահ
Երաժշտություն
[խմբագրել | խմբագրել կոդը]Ֆիլմում օգտագործվել են Բուլատ Օկուջավայի («Ցտեսություն, տղաներ», ռուս.՝ «До свидания, мальчики»), Իննա Կաշեժևայի, Ալեքսանդր Գալիչի («Հարցրեք, տղաներ...», ռուս.՝ «Спрашивайте, мальчики…») երգերը։
Ստեղծման պատմություն
[խմբագրել | խմբագրել կոդը]«Դունեչկան և Նիկիտան» վիպակը հիմնված է Սեմյոնովի կենսագրության վրա։ Նա ամուսնացած էր Նիկիտա Միխալկովի քրոջ հետ։ Դունյայի դերը կատարել է Սեմյոնովի ավագ դուստրը՝ Դարյա Սեմյոնովան՝ Նիկիտա Միխալկովի զարմուհին։ Այսպիսով, Նիկիտայի և Դունյայի գլխավոր դերերը կատարել են նրանց իրական նախատիպերը[1][2][3]։
Քննադատություն
[խմբագրել | խմբագրել կոդը]Քննադատ Միխայիլ Սերգեևիչ Բելյավսկին նշել է ֆիլմի ոճական մոտիկությունն այնպիսի ֆիլմերի հետ, ինչպիսին է՝ «Ես քայլում եմ Մոսկվայում» (ռուս.՝ «Я шагаю по Москве»): Այս ոճաբանությունը նա նշել է որպես «մոդեռն» ոճ։ Բելյավսկին կարծում է, որ, չնայած պատմվածքի թեթևությանը, ֆիլմը լուրջ հարցեր է շոշափում, բայց երբեմն «իմաստի և նշանակության առումով քիչ էական» դրվագներ «պատկերավոր կերպով» լուծված են «ավելի հստակ, թարմ, ինքնատիպ»։ Քննադատը նշում է Գոբզևայի և Միխալկովի տաղանդավոր խաղը։ Եվ ընդհանուր առմամբ, կարծում է, որ ֆիլմը գտնվում է «նոր, ժամանակակից կինոլեզվի» որոնումների փուլում, ինչը շատ բանով որոշում է թե նկարի արժանիքները, թե թերությունները[4].
«Թատրոն» ամսագրից Դենիս Գորելովը նշել է, որ մնջախաղի տեսարանը փոխառվել է լեհական «Ցտեսություն, մինչև վաղը» ֆիլմից[5]։
Ծանոթագրություններ
[խմբագրել | խմբագրել կոդը]- ↑ Семёнов, Юлиан Семёнович — Биография на сайте jewage
- ↑ Игорь КЛЕБАНОВ. ЮНОСТЬ НИКИТЫ Արխիվացված 2017-08-02 Wayback Machine на сайте «Новой газеты»
- ↑ Никита Михалков Արխիվացված 2014-02-25 Wayback Machine на сайте Культурный Фонд Юлиана Семенова
- ↑ «Спутник Кинозрителя» 04/1967 с. 10-11
- ↑ Денис Горелов. «Либо пан — либо пропал» в журнале «Театр» № 5, 2012
Արտաքին հղումներ
[խմբագրել | խմբագրել կոդը]- Գրող Յուլիան Սեմյոնովի ֆիլմագրությունը
- «Ոչ ամենահաջող օրը» ֆիլմը
- «Ոչ ամենահաջող օրը» ֆիլմը Արխիվացված 2021-10-27 Wayback Machine film.ru կայքում
|
