Նինա Գավրիլյուկ
| Նինա Գավրիլյուկ | ||||||||||||||||||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Անձնական տեղեկություն | ||||||||||||||||||||||||||||||||||||||||||||||||||||
| Սեռ՝ | իգական | |||||||||||||||||||||||||||||||||||||||||||||||||||
| Բնօրինակ անուն՝ | Нина Гаврылюк | |||||||||||||||||||||||||||||||||||||||||||||||||||
| Ազգություն՝ | ռուս | |||||||||||||||||||||||||||||||||||||||||||||||||||
| Մասնագիտացում՝ | դահուկորդ | |||||||||||||||||||||||||||||||||||||||||||||||||||
| Երկիր՝ |  ԽՍՀՄ և  Ռուսաստան | |||||||||||||||||||||||||||||||||||||||||||||||||||
| Ծննդյան ամսաթիվ՝ | ապրիլի 13, 1965 (59 տարեկան) | |||||||||||||||||||||||||||||||||||||||||||||||||||
| Ծննդավայր՝ | Լենինգրադ, ԽՍՀՄ | |||||||||||||||||||||||||||||||||||||||||||||||||||
| Ակումբ՝ | «Դինամո» | |||||||||||||||||||||||||||||||||||||||||||||||||||
| Մարզիչ(ներ)՝ | Ալեքսանդր Գրուշին | |||||||||||||||||||||||||||||||||||||||||||||||||||
| Հասակ՝ | 167 սմ | |||||||||||||||||||||||||||||||||||||||||||||||||||
| Քաշ՝ | 55 կգ | |||||||||||||||||||||||||||||||||||||||||||||||||||
Պարգևներ
| ||||||||||||||||||||||||||||||||||||||||||||||||||||
Նինա Վասիլևնա Գավրիլյուկ (ռուս.՝ Нина Васильевна Гаврылюк, ապրիլի 13, 1965, Լենինգրադ, ՌԽՖՍՀ, ԽՍՀՄ), խորհրդային ռուս դահուկորդ, Օլիմպիական խաղերի եռակի չեմպիոն, աշխարհի վեցակի չեմպիոն (բոլորը դահուկային փոխանցավազքում)։ ԽՍՀՄ սպորտի վաստակավոր վարպետ (1987)։
Կենսագրություն
[խմբագրել | խմբագրել կոդը]Նինա Գավրիլյուկը ծնվել է 1965 թվականի ապրիլի 13-ին Լենինգրադում (ներկայում՝ Սանկտ Պետերբուրգ)։ Սովորել է Լենինգրադի Պ. Լեսգաֆտի անվան ֆիզկուլտուրայի կրկնակի շքանշանակիր պետական ինստիտուտում, որն ավարտել է 1988 թվականին։
Մարզական կարիերա
[խմբագրել | խմբագրել կոդը]Նինա Գավրիլյուկը օլիմպիական խաղերում դահուկային փոխանցավազքի քառյակի կազմում չեմպիոն է դարձել երեք անգամ՝ 1988, 1994 և 1998 թվականներին։ Անհատական դահուկավազքում նա բրոնզե մեդալի է արժանացել 1994 թվականի Ձմեռային օլիմպիական խաղերում՝ 15 կիլոմետրանոց մրցատարածությունում։ Նինա Գավրիլյուկը մասնակցել է նաև 2002 թվականին Սոլթ Լեյք Սիթիում անցկացված Ձմեռային օլիմպիական խաղերին։
Դահուկավազքի աշխարհի առաջնություններում Նինա Գավրիլյուկը չեմպիոն է դարձել փոխանցավազքում՝ այդ մարզաձևում վեց անգամ հաղթանակ տանելով 1987-2001 թվականներին։ Անհատական մրցավազքերում նա 3 արծաթե մեդալների արժանացել է 1995 և 1999 թվականների աշխարհի առաջնություններում։ Ընդհանուր առմամբ Նինա Գավրիլյուկն արժանացել է տարբեր կարգի 11 մեդալների։
Աշխարհի գավաթի առաջնության 1994/1995 մրցաշրջանում Նինա Գավրիլյուկը երկրորդ տեղն է զբաղեցրել ընդհանուր արդյունքներով, Գավաթի առաջնության փուլերում նա հաղթել է 5 անգամ և պատվո հարթակ է բարձրացել 35 անգամ։
Նինա Գավրիլյուկը ԽՍՀՄ և Ռուսաստանի Դաշնության բազմակի չեմպիոն է։
Անձնական կյանքը
[խմբագրել | խմբագրել կոդը]Նինա Գավրիլյուկն ամուսնացած է խորհրդային ռուս դահուկորդ Իգոր Բադամշինի հետ։
2000-ական թվականների կեսերից Նինա Գավրիլյուկն ապրում ու աշխատում է ԱՄՆ-ում։
Պարգևներ
[խմբագրել | խմբագրել կոդը]Նինա Գավրիլյուկը պարգևատրվել է Պատվո շքանշանով (1994)[1], «Հայրենիքին մատուցած ծառայությունների համար» IV աստիճանի շքանշանով (1997)[2], «Ֆիզիկական կուլտուրայի ու սպորտի զարգացման համար» պատվո նշանով (1997), ինչպես նաև շնորհակալագիր է ստացել Ռուսաստանի Դաշնության նախագահից (1998)[3]։
Ծանոթագրություններ
[խմբագրել | խմբագրել կոդը]- ↑ «Указ Президента Российской Федерации от 22 апреля 1994 года № 807 «О награждении государственными наградами Российской Федерации спортсменов, тренеров, работников физической культуры и спорта Российской Федерации по итогам XVII зимних Олимпийских игр 1994 года»». Արխիվացված է օրիգինալից 2014 թ․ նոյեմբերի 29-ին. Վերցված է 2016 թ․ ապրիլի 4-ին.
- ↑ «Указ Президента Российской Федерации от 14 июня 1997 года № 598 «О награждении орденом „За заслуги перед Отечеством" IV степени Гаврылюк Н. В.»». Արխիվացված է օրիգինալից 2014 թ․ նոյեմբերի 29-ին. Վերցված է 2016 թ․ ապրիլի 4-ին.
- ↑ «Распоряжение Президента Российской Федерации от 27 февраля 1998 года № 68-рп «О поощрении Вяльбе Е. В. и Гаврылюк Н. В.»». Արխիվացված է օրիգինալից 2014 թ․ նոյեմբերի 29-ին. Վերցված է 2016 թ․ ապրիլի 4-ին.
Արտաքին հղումներ
[խմբագրել | խմբագրել կոդը]- Նինա Գավրիլյուկ Արխիվացված 2008-12-11 Wayback Machine - վիճակագրությունը Sports-Reference.com կայքում (անգլ.)
- Նինա Գավրիլյուկ - վիճակագրությունը FIS կայքում (անգլ.)
|
