Մեքսիկական Ջոկեր
 անգլ.՝ Mexican Joker | |
|---|---|
| Տեսակ | television series episode? |
| Ժանր | անիմացիոն սիթքոմ |
| Հորինված երկիր | South Park universe? |
| Շարքի մասն է | Հարավային այգի |
| Ռեժիսոր | Թրեյ Փարքեր |
| Սցենարիստ | Թրեյ Փարքեր |
| Երկիր |  ԱՄՆ |
| Լեզու | անգլերեն |
| Շարք | Հարավային այգի |
| Պրիկվել | Bike Parade? |
| Սիկվել | Band in China? |
| Թվական | սեպտեմբերի 25, 2019 |
«Մեքսիկական Ջոկեր» (անգլ.՝ Mexican Joker), ամերիկյան Հարավային այգի մուլտսերիալի քսաներեքերորդ եթերաշրջանի առաջին դրվագը։ Դրվագի պրեմիերան տեղի է ունեցել ԱՄՆ-ի «Comedy Central» հեռուստաալիքում 2019 թվականի սեպտեմբերի 25-ին։ Քայլի ծնողները ձերբակալվում են Էրիկի կեղծ զեկույցից հետո, և նա ուղևորվում է ԱՄՆ ներգաղթի և մաքսային ոստիկանության («ICE») ժամանակավոր կացության կենտրոն, իսկ Ռենդին պայքարում է մարիխուանայի տնային մշակման դեմ։ Դրվագը նմանակում է 2019 թվականին Ջոկեր ֆիլմի շուրջ ստեղծված մթնոլորտը և բաժանված միգրանտ երեխաների կյանքի պայմանները։
Սյուժե
[խմբագրել | խմբագրել կոդը]Դրվագը սկսվում է նրանով, որ Ռենդի Մարշը շրջայց է կատարում զբոսաշրջային խմբի հետ իր մարիխուանայի ֆերմայի շուրջ՝ ցույց տալով, թե ինչպես է այն աճել և ընդլայնվել: Մինչ Էրիկ Քարթմանը դժգոհություն է հայտնում Սթեն Մարշին ֆերմայի փոփոխությունների վերաբերյալ, Ռենդին նշում է, որ արտադրանքի պատվերները նվազել են: Երբ նա այցելում է Սթիվեն Սթոթին՝ անձամբ մի փոքր ապրանք առաքելու համար, նա հայտնաբերում է, որ Սթիվենը և քաղաքի մյուս բնակիչները սկսել են աճեցնել իրենց սեփական մարիխուանան, և դրանից հետո Ռենդին խոստանում է քայլեր ձեռնարկել դրա դեմ։ Ռենդին ստիպում է Սթենին խնդրել քաղաքային խորհրդին արգելել մասնավոր մարիխուանա ֆերմերային տնտեսությունները, բայց խորհուրդը մերժում է առաջարկը, և Ռենդին զայրացած դատապարտում է ամբողջ քաղաքը: Ավելի ուշ ֆերմա են այցելում «MedMen» մարիխուանայի ընկերության ներկայացուցիչները և Ռենդին համաձայնում է միասին աշխատել նրանց հետ: Ռենդիի բիզնես գործընկեր Սրբիչը վրդովված է, որ Ռենդին որոշել է վաճառել կորպորացիային և հեռանում է ֆերմայից[1][2]։
Այնուհետև Քարթմանը տեսնում է, որ ԱՄՆ ներգաղթի և մաքսային ոստիկանության («ICE») գործակալների մի խումբ ձերբակալում է իսպանախոս աշխատող Սթիվենին և բաժանում նրան ընտանիքից, և նա որոշում է օգտվել ոստիկանության նման լիազորություններից։ Քարթմենը սպառնալիքներով և պահանջներով զանգահարում է Քայլ Բրոֆլովսկուն, և երբ նա հրաժարվում է կատարել դրանք՝ «ICE» գործակալները ներխուժում են Բրոֆլովսկու տուն, ձերբակալում են նրան և նրա ծնողներին, բաժանում են նրանց միմյանցից, իսկ Քարթմանը ուրախությամբ հետևում է դրան։ Երբ Քայլը հասնում է «ICE»-ի կալանավայր, և սպաներն իմանում են, որ նա հրեա է, նրանք հասկանում են, որ պետք է արագ ազատեն Քայլին, հակառակ դեպքում նրանց ռասիստ կկոչեն։ Երբ «ICE» գործակալները ներողություն են խնդրում Քայլից, նա հարցնում է ճամբարում մնացած երեխաների կարգավիճակի մասին և զգուշացնում նրանց, որ մյուս երեխաների ապրած սթրեսն ու անհանգստությունը կարող է հանգեցնել նրանցից մեկի «մեքսիկական Ջոկեր» դառնալուն։ Գործակալները չափից շատ լուրջ են ընդունում դա և որոշում են էլեկտրաշոկային զենքի միջոցով պարզել, թե իրենց ճամբարում որ երեխան է ապագա «մեքսիկական Ջոկերը»։ Այնուհետև երեխաների հետ նոր ավտոբուս է ժամանում ճամբար, որոնց թվում է Քարթմանը։ Քարթմանը հասկանում է, որ կալանավորման կենտրոնը կարող է Քայլին հիշեցնել նացիստական համակենտրոնացման ճամբարների մասին և նշում է, որ ցավում է, որ դա տեղի է ունեցել, և Քայլը սկսում է փախուստի ծրագիր մշակել[2][3][4]։
Միևնույն ժամանակ, Հարավային Պարկի ողջ տարածքում մի շարք պայթյուններ ոչնչացնում են մարիխուանայի մասնավոր ամբողջ բերքը, և ոստիկանությունը կասկածում է «մեքսիկական Ջոկերին» դրանց կատարման մեջ։ Քայլի ծրագրի համաձայն՝ խնամքի ժամանակավոր կենտրոնի բոլոր երեխաներն իրենց ալյումինե փայլաթիթեղի ծածկոցները վերածում են կիպայի, որպեսզի նմանվեն հրեաների, որից հետո գործակալները ստիպված էին ազատել նրանց։ Բայց «ICE»-ի գլխավոր գործակալը խելագարվում է։ Նա ատրճանակով սպանում է «ICE»-ի մյուս գործակալներին և խուճապահար փախչում։ Ռենդին տոնում է ֆերմայի առևտրի վերականգնումը[2][5]։
Ծանոթագրություններ
[խմբագրել | խմբագրել կոդը]- ↑ Dani Di Placido. «'South Park' Review: 'Mexican Joker' Highlights The Horrors Of 2019». Forbes (անգլերեն). Արխիվացված է օրիգինալից 2020-10-26-ին. Վերցված է 2020-10-31-ին.
{{cite web}}: Unknown parameter|deadurl=ignored (|url-status=suggested) (օգնություն) - ↑ 2,0 2,1 2,2 «South Park bites off more than it can chew in an uneven premiere» (անգլերեն). TV Club. Արխիվացված է օրիգինալից 2020-11-18-ին. Վերցված է 2020-05-18-ին.
{{cite web}}: Unknown parameter|deadurl=ignored (|url-status=suggested) (օգնություն) - ↑ Dani Di Placido. «'South Park' Review: 'Mexican Joker' Highlights The Horrors Of 2019». Forbes (անգլերեն). Արխիվացված է օրիգինալից 2020-10-26-ին. Վերցված է 2020-10-31-ին.
{{cite web}}: Unknown parameter|deadurl=ignored (|url-status=suggested) (օգնություն) - ↑ «411MANIA» (անգլերեն). South Park 23.01 Review – ‘Mexican Joker’. Արխիվացված է օրիգինալից 2021-07-11-ին. Վերցված է 2020-05-18-ին.
{{cite web}}: Unknown parameter|deadurl=ignored (|url-status=suggested) (օգնություն) - ↑ Dani Di Placido. «'South Park' Review: 'Mexican Joker' Highlights The Horrors Of 2019». Forbes (անգլերեն). Արխիվացված է օրիգինալից 2020-10-26-ին. Վերցված է 2020-10-31-ին.
{{cite web}}: Unknown parameter|deadurl=ignored (|url-status=suggested) (օգնություն)
Արտաքին հղումներ
[խմբագրել | խմբագրել կոդը]
|
