Մարիգո Պոսիո
Մարիգո Պոսիո ալբ․՝ Marigo Posio | |
---|---|
Ծնվել է | փետրվարի 2, 1882 |
Ծննդավայր | Կորչա, Յանինայի վիլայեթ, Օսմանյան կայսրություն |
Մահացել է | փետրվարի 23, 1932 (50 տարեկան) |
Մահվան վայր | Վլորա, Vlorë municipality |
Քաղաքացիություն | Ալբանիա |
Ազգություն | ալբանացի |
Մասնագիտություն | լրագրող |
Marigo Posio Վիքիպահեստում |
Մարիգո Պոսիո (ալբ․՝ Marigo Posio, 2 փետրվարի, 1882, Կորչա, Օսմանյան կայսրություն - 23 փետրվարի, 1932, Վլյորա, Ալբանիա), ալբանացի հասարակական գործիչ[1][2], Ալբանական ազգային շարժման ակտիվիստ[3], պայքարել է Ալբանիայում կանանց իրավունքների պաշտպանության համար։
Կենսագրություն
[խմբագրել | խմբագրել կոդը]Մարիգո Պոսիոն ծնվել է 1882 թվականի փետրվարի 2-ին Կորչա քաղաքում[1][4] (այլ աղբյուրների համաձայն՝ Կորչա քաղաքի մոտ գտնվող Հոչիշտ գյուղում[5])՝ Պապա Կոստա Պոչիի ու Լենկա Բալաուրիի ընտանիքում։ Մարիգո Պոսիոյի քույրն ամուսնացել է ալբանացի քաղաքական գործիչ և դրամատուրգ Քրիստո Ֆլոքիի հետ։ Նրա երկու եղբայրները՝ Նիկոն ու Քրիստոն, տեղափոխվել են ԱՄՆ. Նիկոն ապրել է Մասսաչուսեթս նահանգի Նաթիք քաղաքում, Քրիստոն՝ Յուտա նահանգի Սոլթ Լեյք Սիթի քաղաքում։
Մարիգո Պոսիոն սովորել է Կորչա քաղաքի առաջին ալբանական դպրոցում[6]։ Բավական վաղ տարիքում նա ամուսնացել է Ջովան Պոսիոյի հետ։ Զույգը 1904 թվականին տեղափոխվել է Վլյորա, որտեղ նրանց տունը դարձել է ալբանացի հայրենասեր գործիչների հանդիպման վայր։ Մարիգո Պոսիոն եղել է Labëria հայրենասիրական ակումբի անդամ, որ հիմնադրվել էր Վլյորայում 1908 թվականին։ Նա եղել է նաև ալբանական դպրոցի հիմնադրման նախաձեռնողներից մեկը. դպրոցը բացվել է 1909 թվականին։
Երբ 1912 թվականի նոյեմբերի 28-ին Վլյորայում հայտարարվել է Ալբանիայի անկախության հռչակագրի ընդունման մասին, քաղաքում բարձրացվել է Մարիգո Պոսիոյի կարած դրոշը[4][5]։ Ալբանացի հեղինակավոր քաղաքական գործիչ Լեֆ Նոսին նշում է, որ սև արծիվը կտրվել է կերպասից և կարվել կարմիր կտավի վրա։ Մարիգո Պոսիոն սեփական միջոցներով կարել է ևս մի քանի դրոշներ Վլյորայի պետական տարբեր հիմնարկների համար։
Մարիգո Պոսիոն գլխավորել է Ալբանացի կանանց կազմակերպությունը, որ հիմնադրվել է 1914 թվականի մայիսի 13-ին։ Այդ կազմակերպությունը, որի անդամ էին նաև այդ ժամանակի ալբանացի մի շարք հայտնի գործիչների կանայք, մասնավորապես օգնություն էր ցուցաբերում Ալբանիայի ու Հունաստանի սահմանային պատերազմի ժամանակ վիրավորված զինվորներին։
1921 թվականի փետրվարի 6-ին Մարիգո Պոսիոն սկսում է հրատարակել Shpresa shqiptare («Ալբանական հույս») թերթը, սակայն լույս են տեսել նրա միայն վեց համարներ[7]։
Մարիգո Պոսիոն հիվանդանում է թոքախտով։ Ալբանացի քաղաքական գործիչ և դրամատուրգ Քրիստո Ֆլոքին բարձրաձայնել է նրա վիճակի մասին՝ հիշեցնելով նրա ներդրումը Ալբանիայի անկախության ձեռքբերման գործում և նշելով, որ նա չի ստացել վետերանի կարգավիճակ, ինչպես 1912 թվականի իրադարձությունների շատ մասնակիցներ[8]։ Մարիգո Պոսիոն մահացել է 1932 թվականի փետրվարի 23-ին Վլյորա քաղաքում։ Նա թաղված է Zvërnec Monastery գերեզմանատանը[9][10]։
Մարիգո Պոսիոյի անունն է կրում Վլյորայի դպրոցներից մեկը[11]։
Ծանոթագրություններ
[խմբագրել | խմբագրել կոդը]- ↑ 1,0 1,1 Ekrem Vlora (1973), Edgar Hösch, Karl Nehring (ed.), Lebenserinnerungen: 1912 bis 1925, Oldenbourg Wissenschaftsverlag, էջ 8, ISBN 978-3486475715
- ↑ Edi Shukriu (2000), Gra te shquare shqiptare [Distinguished Albanian women], vol. 1, Forumi i Gruas i LDS-së, էջեր 58–59, OCLC 654545043
- ↑ Instituti i Historisë (Akademia e Shkencave e RPS të Shqipërisë) (1987), Disa sqarime e plotesime per jeten e Marigo Posios, vol. 41, Akademia e Shkencave, Instituti i Historisë, էջ 223, ISSN 0563-5799, OCLC 3648264
- ↑ 4,0 4,1 Ferit Vokopola (2009), Botohet per here te pare ditari i nje prej firmetareve te aktit te Pavaresise (Albanian), shqiperia.com, «...emrin e Marigo Posios, me origjinë nga Korça...»
{{citation}}
: CS1 սպաս․ չճանաչված լեզու (link) - ↑ 5,0 5,1 Aleks Buda, ed. (1985), Fjalor enciklopedik shqiptar, Akademia e Shkencave e RPS të Shqipërisë, էջ 375, OCLC 15296028
- ↑ Korce, commemoration of Marigo Posio, Top-Channel, 2014 թ․ օգոստոսի 23, Արխիվացված է օրիգինալից 2016 թ․ ապրիլի 22-ին, Վերցված է 2016 թ․ ապրիլի 15-ին, «The National Museum of Education in Korce is commemorating the 82-nd anniversary of the death of Marigo Posiso, the girl that sew the independence flag. She was one of the first students of the first Albanian school.
Marigo Posio is a figure that has many merits in the history of Albania, of Korce and in the consolidation of the Albanian woman.» - ↑ Blendi Fevziu (1996), Histori e shtypit shqiptar 1848-1996, Tirana: Shtëpia Botuese "Marin Barleti", էջ 131, OCLC 40158801
- ↑ Ledia Dushku (2012 թ․ դեկտեմբերի 2), «Lef Nosi: Çfarë dinte dhe ç'dëshmi la për flamurin e Pavarësisë» (PDF), Rilindasi (45): 14, Արխիվացված է օրիգինալից (PDF) 2016 թ․ մարտի 4-ին, Վերցված է 2016 թ․ ապրիլի 15-ին, «Në një shkrim rreth ligjit të veteranëve në Gazeta e Re, më 9 dhjetor 1928 Kristo Floqi, ngre zërin për faktin se Marigo Pozio, veprimtare e Lëvizjes Kombëtare Shqiptare, njëkohësisht qëndistare e flamurit të ngritur nga Ismail Qemali, nuk merrte shpërblimin e veteranit.»
- ↑ Dominique Auzias, Jean-Paul Labourdette (2012), Albanie 2012-2013 (avec cartes, photos + avis des lecteurs), Bemetours, էջ 230, ISBN 978-2-7469-5908-8
- ↑ Genuario Belmonte, Salvatore Moscatello (2008), Thalassia Salentina, vol. 31, Stazione di Biologia Marina del Salento, էջ 24
- ↑ Shkolla 9-vjeçare "Marigo Posio" (Vlorë)