Հայոց ցեղասպանության հուշարձան (Ստեփանակերտ)

Հայոց ցեղասպանության հուշարձան;
	Հայոց ցեղասպանության նվիրված հուշարձան Ստեփանակերտում
Տեսակ	հուշարձան
Երկիր	Արցախ
Հիմնական թեմա	Հայոց ցեղասպանություն
Ներկա վիճակ	Կանգուն

Անվան այլ կիրառումների համար տե՛ս՝ Հայոց ցեղասպանության հուշարձան (այլ կիրառումներ)

Հայոց ցեղասպանության հուշարձան, «Զանգակատուն», Հայոց ցեղասպանության զոհերի հիշատակին նվիրված հուշարձան Արցախի Հանրապետության մայրաքաղաք Ստեփանակերտի զինվորական պանթեոնում։

Պատմություն

Հուշարձանը նվիրված է 1915 թվականի Հայոց Ցեղասպանության զոհերի հիշատակին։ Տեղադրվել է 2015 թվականին Ստեփանակերտ քաղաքում։

«Զանգակատունը» կառուցվել է Սզնեքի սպիտակ մարմարով։ Հայկական ավանդական ճարտարապետական լուծումներով կառուցված երկաստիճան գմբեթով զանգակատունը ունի 18 մետր բարձրություն և պսակված է 9 մետր բարձրությամբ խաչով^[1]։

«Զանգակատուն» կառուցելու գաղափարը խորհրդանշական է։ Գաղափարը ներկայացնելիս հուշարձանի ճարտարապետ Վլադիմիր Սարգսյանն ոգեշնչվել է Պարույր Սևակի «Անլռելի զանգակատուն» պոեմից, վերընթերցել մի քանի անգամ ու հասկացել, որ Հայոց ցեղասպանության զոհերի հիշատակը հարգելու համար պետք է կառուցել «անլռելի» զանգակատուն^[2]։

Զանգակատան հիմքում Արցախի թեմակալ առաջնորդ Պարգև արքեպիսկոպոս Մարտիրոսյանը Ցեղասպանության նահատակների մասունքների զետեղման կարգ է կատարել։ Մասունքները բերվել են Դեր Զորից^[3]։

Հեղինակներ

Ճարտարապետներ՝ Վլադիմիր և Միքայել Սարգսյաններ
Նախագծի համահեղինակ՝ Միքայել Սարգսյան

Ծանոթագրություններ

[1] Հայոց ցեղասպանության նոր հուշարձանը՝ Սպիտակ զանգակատունը՝ Ստեփանակերտում

[2] Մարտի վերջին Ստեփանակերտում վեր կխոյանա Հայոց ցեղասպանության զոհերի հիշատակին նվիրված Զանգակատունը

[3] «Ստեփանակերտի հուշահամալիրում Ցեղասպանության զոհերի հիշատակին նվիրված հուշակոթող կկանգնեցվի». Արխիվացված է օրիգինալից 2019-04-07-ին. Վերցված է 2018-08-19-ին.

[1]

[2]

[3]