Կրասնոդարի երկրամասի կերպարվեստի ցուցասրահ
Կրասնոդարի երկրամասի կերպարվեստի ցուցասրահ | |
|---|---|
 | |
| Տեսակ | թանգարան և ցուցասրահ |
| Երկիր |  Ռուսաստան |
| Տեղագրություն | Կրասնոդար |
| Վայր | Կրասնոդար |
| Հասցե | г. Краснодар, ул. Рашпилевская, 32Rashpilevskaya? |
| Հիմնադրվել է | 1989 |
| Կայք | artzal23.ru(ռուս.) |
 | |
 | |
Կրասնոդարի երկրամասի կերպարվեստի ցուցասրահ (ռուս.՝ Краснодарский краевой выставочный зал изобразительных искусств), խոշորագույն գեղարվեստական ցուցահանդեսային կենտրոն Ռուսաստանի հարավում։
Պատմություն
[խմբագրել | խմբագրել կոդը]Կրասնոդարի երկրամասի կերպարվեստի ցուցասրահը բացվել է 1989 թվականին Ռաշպիլևսկայա փողոցի 32 հասցեում գտնվող բազմահարկ բնակելի շենքի առաջին հարկում։ Ցուցահանդեսային կենտրոնի ցուցասրահի տարածքը կազմում է 1100 քառակուսի մետր։ Այստեղ տարեկան կազմակերպում են 60-ից մինչև 80 միջազգային, տարածաշրջանային, մարզային, քաղաքային, խմբակային, անհատական ցուցահանդեսներ, ինչպես նաև գեղարվեստական նախագծեր և հիշարժան իրադարձություններ։
Մարատ Գելմանի «ICONS» ցուցահանդես
[խմբագրել | խմբագրել կոդը]2012 թվականի մայիսի 15-ին Կրասնոդարի երկրամասի կերպարվեստի ցուցասրահում պետք է բացվեր Մարատ Գելմանի «Սրբապատկերներ» ցուցահանդեսը[1]։ Մայիսի 8-ին Կրասնոդարի երկրամասի ղեկավարին բաց նամակով դիմում է Ստավրոպոլի և Նեվինոմիսկի եպիսկոպոս Կիրիլը (Պոկրովսկի), կոչ անելով արգելել հանցավոր գործունեությունը Ձեզ վստահված տարածաշրջանում»[2]։ Մայիսի 12-ին Կրասնոդարում տեղի ունեցավ հանրահավաք և քաղաքացիների հանդիպում տարածաշրջանային օրենսդիր ժողովի պատգամավորների հետ, որտեղ էլ բողոք ներկայացվեց Կրասնոդարում այդ ցուցահանդեսի անցկացման կապակցությամբ։ Այդ ցուցահանդեսի բացման դեմ բողոք ներկայացրեցին նաև Եկատերինոդարի և Կուբանի եպիսկոպոսները[3]։
Մայիսի 12-ին հայտնի դարձավ, որ Կրասնոդարի երկրամասի օրենսդիր ժողովի էթիկայի հանձնաժողովին կից Հանրային խորհուրդը մտադիր է հանձնարարել փորձագետներին ուսումնասիրելու այն աշխատանքների բարոյականությունը, որ Մարատ Գելմանը պատրաստվում է ցուցադրել Կրասնոդարի ցուցահանդեսում[4]։
Ցուցահանդեսի բացումից մի քանի ժամ առաջ ոստիկանությունում ահազանգ ստացվեց այնտեղ տեղադրված ռումբի մասին[5]։ Ցուցահանդեսային համալիրի մուտքի մոտ հավաքված բողոքող կազակները, ուղղափառները, ՌԴԿԿ և ՌԼԴԿ կուսակցությունների ներկայացուցիչները ստորագրահավաք էին սկսել «Գելմանի դեմ Կրասնոդարի բնակչությունից » մակագրությամբ և վանկարկում էին «Գելման դուրս կորիր Կուբանից»[5]։ Անհանգստացած այն փաստով, որ Կրասնոդարի կենտրոնում կազմակերպվել է հայտնի նկարչի ցուցահանդեսը, բողոքավորները մասսայական ծեծկրտուք հրահրեցին[5][6]։ Ցուցահանդեսի բացումը որոշ ժամանակ հետաձգվեց, կապված կազակների և ուղղափառ հասարակության ներկայացուցիչների բուռն բողոքի հետ[7]։ Ցուցահանդեսային համալիրի մուտքի մոտ ներկա գտնվող Գելմանը նույնպես ծեծի ենթարկվեց[8]։ Տեղական ոստիկանությունը այդ կապակցությամբ հայտարարեց. «Ցուցարարներից մեկը խնդրեց Գելմանին հանել արևապաշտպան ակնոցները, նա հրաժարվեց, տղամարդը փորձեց ինքը հանել ակնոցները, հրելով նրան[8]։
Հավաքածու
[խմբագրել | խմբագրել կոդը]Կրասնոդարի երկրամասի կերպարվեստի ցուցասրահը ակտիվորեն զբաղվում է սեփական հավաքածուի ձևավորմամբ, որի մեջ մտնում են Ռուսաստանի հարավի հեղինակների գեղանկարչական, գրաֆիկական, քանդակագործական և դեկորատիվ կիրառական արվեստի ստեղծագործություններ։ Ցուցասրահի ֆոնդերը 2007 թվականի դրությամբ կազմում են 370 միավոր, որում ներառված են Կուբանի առաջատար արվեստագետների և երիտասարդ հեղինակների ստեղծագործությունները, որոնք բազմազան են իրենց ոճով, պատկերներով և թեմատիկայով։
Ծանոթագրություններ
[խմբագրել | խմբագրել կոդը]- ↑ Кучинский Ю. Краснодарские священники почуяли запах серы // НТВ. — 2012. — 12 мая.
- ↑ Серебрянников Н. Сход против выставки Гельмана и прием граждан депутатами прошли в Краснодаре // Кавказский Узел. — 2012. — 12 мая.
- ↑ Кузнецова Т. Возмутившая РПЦ выставка Icons откроется в Краснодаре // РИА Новости. — 2012. — 15 мая.
- ↑ Кузнецова Т. Эксперты по этике и нравственности изучат работы Гельмана перед выставкой в Краснодаре(չաշխատող հղում) // РИА Новости. — 2012. — 12 мая.
- ↑ 5,0 5,1 5,2 Еще одну выставку Марата Гельмана пытаются закрыть // www.artguide.ru. — 2012. — 15 мая.
- ↑ Могутин Н. На выставке Марата Гельмана устроили беспорядки // www.lifenews.ru. — 2012. — 15 мая.
- ↑ Собств. корр. Казаки сорвали выставку Гельмана в Краснодаре // Взгляд. — 2012. — 15 мая.
- ↑ 8,0 8,1 Собств. корр. Известного галериста Марата Гельмана избили в центре Краснодара Արխիվացված 2012-05-17 Wayback Machine // Русская служба новостей. — 2012. — 15 мая.
Արտաքին հղումներ
[խմբագրել | խմբագրել կոդը] | Վիքիպահեստն ունի նյութեր, որոնք վերաբերում են «Կրասնոդարի երկրամասի կերպարվեստի ցուցասրահ» հոդվածին։ |