Կարմեն (ֆիլմ, 2003)
| Հիման վրա | Կարմեն  | |
|---|---|---|
| Ժանր | ռոմանտիկ ֆիլմ, դրամա, գրական ստեղծագործության էկրանավորում | |
| Ծագման երկիր | Իսպանիա, Իտալիա, Միացյալ Թագավորություն | |
| Աշխատանքի բնօրինակ լեզուն | իսպաներեն | |
| Թողարկման ամսաթիվ | 2003 | |
| Ռեժիսոր | Vicente Aranda | |
| Սցենարի հեղինակ | Vicente Aranda | |
| Կոմպոզիտոր | Խոսե Նիետո | |
| After a work by | Պրոսպեր Մերիմե | |
| Տեսարան | Սևիլյա | |
| Տևողություն | 119 րոպե | |
| Կողմերի հարաբերակցությունը | 2.35:1 | |
| Գույն | գունավոր | |
| Առաջադրում | Jameson People's Choice Award for Best Actress | |
| Ստեղծագործության տարածում | video on demand | |
| IMDb identifier | tt0352230 | |
Կարմեն, 2003 թվականին նկարահանված իսպանական դրամատիկ ֆիլմ, որի ռեժիսորն է Վիսենտե Արանդան։ Սցենարը գրել են Արանդան և Խոակիմ Ժորդան՝ հարմարեցնելով Պրոսպեր Մերիմեի համանուն դասական սիրավեպը։ Ռեժիսոր Վիսենտե Արանդան սյուժեն հիմնել է Մերիմեի 1847 թվականի գրած բնօրինակ վեպի վրա, և ոչ թե նրա հայտնի օպերային ադապտացիայի, որն արվել է Բիզեի կողմից 1875 թվականին, փոխելով Կարմենի (Պազ Վեգա) և Խոսեի (Լեոնարդո Սբարալյա) սիրո պատմության որոշ մանրամասներ։ Ինչպես վեպում, հեղինակ Մերիմեն (Ջեյ Բենեդիկտ) ներկայացված է որպես ֆրանսիացի գրող, որը գտել է «իսկական» Կարմենին 19-րդ դարի սկզբին Իսպանիայում։
Դիպաշար
[խմբագրել | խմբագրել կոդը]1830 թվականին Անդալուզիա (Իսպանիա) ճանապարհորդելիս ֆրանսիացի գրող Պրոսպեր Մերիմեն հանդիպում է հետախուզվող հանցագործ Խոսեի հետ։ Խոսեն վերջում դատապարտվում է մահապատժի։ Խոսեին մահապատժի ենթարկելուց մեկ օր առաջ Մերիմեն, ով ընկերացել է ավազակի հետ, այցելում է նրան բանտում։ Իր բանտախցից Խոսեն սկսում է իր ողբերգական պատմությունը պատմել գրողին։
Խոսե Լիզարաբենգոան՝ իսպանական բանակի լուրջ և պատշաճ բասկ սերժանտը, տեղակայված է Կորդովայում։ Նրա զինվորական շտաբի կողքին կա սիգարների գործարան, որտեղ աշխատում է Կարմենը` մի կոկիկ երիտասարդ կին։ Կես գնչուհի, կես կախարդ, Կարմենը գեղեցիկ է, կոկետ և ունի փոթորկոտ բնավորություն։ Ֆերնանդայի կողմից հրահրված վիճաբանության ժամանակ, Կարմենը վրեժխնդիր է լինում՝ դանակով կտրելով Ֆերնանդայի դեմքը։ Կարմենը ձերբակալվում է, իսկ Խոսեն թողնում է նրա խնամակալությունը։ Բանտ տանելու ճանապարհին Կարմենը ֆլիրտ է անում Խոսեի հետ, և նա համաձայնում է թույլ տալ փախչել. հատուցումը նրա հետ կրքոտ գիշեր անցկացնելու խոստումն է։ Խոսեի կողմից զինվորական կարգապահության խախտումը հանգեցնում է այն բանի, որ նա կորցնում է կոչումը և որոշ ժամանակով բանտարկվում։ Կարմենը պահում է իր դաշնագիրը՝ ապահովելով Խոսեին իր առաջին սեռական շփումը։ Նա շլացած է սեռական հաճույքով, չի կարող կնոջը հանել իր մտքից։ Խոսեն կրկին հանդիպում է Կարմենին, երբ նա գտնվում է Սևիլիայում և հսկում է քաղաքի մուտքը։ Կարմենը ևս մեկ անգամ գայթակղում է նրան։ Խոսեն աչք է փակում Կարմենի մաքսանենգ ընկերների վրա՝ թույլ տալով նրանց անցնել։։
Առանց իր աշխատանքի՝ Կարմենն այժմ ոչ միայն մաքսանենգների ցանցի մի մասն է, այլև իր եկամուտը լրացնում է մարմնավաճառությամբ։ Բլանկան՝ փորձառու տիկինը, որը ղեկավարում է այն տունը, որն օգտագործում է Կարմենը իր սեռական հարաբերությունների համար, տրամադրում է Խոսեին Կարմենի դեմ։ Կարմենը ստվերային անցյալ ու սատանայական բնույթ ունի, բայց Ժոզեի համար արդեն ուշ է։ Նա արդեն խորապես սիրահարված է։ Նույն գիշեր Խոսեն հասարակաց տանը ապարդյուն սպասում է Կարմենին։ Նա ուշանում է՝ իվերջո ժամանելով իր լեյտենանտի ընկերակցությամբ։ Զայրացած Խոսեն մարտահրավեր է նետում իր վերադասին և սպանում է տղամարդուն։
Դերերում
[խմբագրել | խմբագրել կոդը]- Պազ Վեգա - Կարմեն
- Լեոնարդո Սբարալյա - Խոսե
- Անտոնիո Դեսենթ - Տուերտո
- Ժոան Կրոսաս - պարուհի
- Ջեյ Բենեդիկտ - Պրոսպերո
- Մարիա Բոտտո - Ֆերնանդա
- Իսմայել Մարտինես - Անտոնիո
Ընդունելություն
[խմբագրել | խմբագրել կոդը]Թեև գնահատվում էր տեխնիկական կատարման և զգեստների որակը, հեռուստադիտողները քննադատում էին դերասանների խաղը, երկու գլխավոր հերոսների միջև կապի բացակայությունը և սյուժեի խնդիրները[1][2][3]։ Ֆիլմը մի քանի երկրներում գնահատվել է տեսարանների համար, ներառյալ մերկությունը։
2004 թվականին Բիրմինգհեմի փառատոնում ֆիլմը ճանաչվել է որպես մարդկանց սիրելի ֆիլմ[4]։
DVD թողարկում
[խմբագրել | խմբագրել կոդը]Ֆիլմը DVD սկավառակով թողարկվել է ԱՄՆ-ում 2008 թվականին։
Աղբյուրներ
[խմբագրել | խմբագրել կոդը]- Majarín, Sara. Una vida de cine: Pasión, Utopía, Historia: Lecciones de Vicente Aranda. Editorial Zumaque S.L., 2013. 9788494011016
Ծանոթագրություններ
[խմբագրել | խմբագրել կոդը]- ↑ AlohaCriticon (in Spanish)
- ↑ Channel4
- ↑ Timeout London
- ↑ MyBrum.co.uk Արխիվացված Հոկտեմբեր 20, 2006 Wayback Machine
Արտաքին հղումներ
[խմբագրել | խմբագրել կոդը]- Carmen(անգլ.) ֆիլմը Internet Movie Database կայքում
- Կարմեն (ֆիլմ, 2003)(անգլ.) ֆիլմը Rotten Tomatoes կայքում
| ||||||
