Կարինե Առուստամյան
Ծնվել է | սեպտեմբերի 23, 1953 (70 տարեկան) |
---|---|
Քաղաքացիություն | ԽՍՀՄ և Հայաստան |
Կրթություն | Երևանի Մխիթար Հերացու անվան Պետական Բժշկական Համալսարան |
Մասնագիտություն | գինեկոլոգ և մանկաբարձ |
Գիտական աստիճան | բժշկական գիտությունների դոկտոր |
Աշխատավայր | Մոր և մանկան առողջության պահպանման գիտահետազոտական կենտրոն, Ակադեմիկոս Սուրեն Ավդալբեկյանի անվան առողջապահության ազգային ինստիտուտ և Երևանի Մխիթար Հերացու անվան Պետական Բժշկական Համալսարան |
Պարգևներ |
Կարինե Կարենի Առուստամյան (սեպտեմբերի 23, 1953), հայ բժիշկ, մանկաբարձ-գինեկոլոգ։ Բժշկական գիտությունների դոկտոր (2007), պրոֆեսոր։ Մոր և մանկան առողջության պահպանման գիտահետազոտական կենտրոնի ոչ վիրաբուժական գինեկոլոգիայի բաժանմունքի վարիչ[1]։
Կենսագրություն[խմբագրել | խմբագրել կոդը]
1976 թվականին ավարտել է Երևանի պետական բժշկական ինստիտուտի բուժական ֆակուլտետը։ 1976-1978 թվականներին եղել է Մանկաբարձության և գինեկոլոգիայի գիտահետազոտական ինստիտուտի կլինիկական օրդինատոր, 1979-1995 թվականներին ՝ մանկաբարձ-գինեկոլոգ, կրտսեր գիտաշխատող, 1995-2003 թվականներին՝ մանկաբարձ-գինեկոլոգ, ավագ գիտաշխատող, 2003 թվականից՝ մանկաբարձ-գինեկոլոգ, առաջատար գիտաշխատող, 1997 թվականից՝ Մոր և մանկան առողջության պահպանման գիտահետազոտական կենտրոնի ոչ վիրաբուժական գինեկոլոգիայի բաժանմունքի վարիչ, միաժամանակ՝ գիտական գծով փոխտնօրեն։ 2007 թվականին պաշտպանել է դոկտորական թեզ և ստացել բժշկական գիտությունների դոկտորի կոչում։ 2009-2010 թվականներին եղել է ՀՀ առողջապահության նախարարության Առողջապահության ազգային ինստիտուտի մանկաբարձության և գինեկոլոգիայի ամբիոնի դոցենտ, 2011 թվականից՝ Մխիթար Հերացու անվան բժշկական համալսարանի հետբուհական և շարունակական կրթության ֆակուլտետի Մանկաբարձության և գինեկոլոգիայի ամբիոնի պրոֆեսոր[2]։
Անդամակցություն[խմբագրել | խմբագրել կոդը]
- Մոր և մանկան առողջության պահպանման գիտահետազոտական կենտրոնի, գիտական խորհրդի անդամ[3]
- Օստեոպորոզի հայկական ասոցիացիայի անդամ
- Մարդու սաղմնաբանության և վերարտադրողականության եվրոպական ասոցիացիայի անդամ
Պարգևներ[խմբագրել | խմբագրել կոդը]
- Հայաստանի ԱՆ պատվոգիր, 2001
- Պողոսյան մրցանակ՝ Հայաստանում արտամարմնային բեղմնավորման մեթոդի ներդրման և իրականացման համար, 2008[3]
Գեղանկարչություն[խմբագրել | խմբագրել կոդը]
Կարինե Առուստամյանը զբաղվում է նաև գեղանկարչությամբ։ Նրա «Կենաց ծառ», «Անվերջություն» և «Մի կակաչի պատմություն» աշխատանքները ներկայացվել են 2019 թվականին Երևանի Հայ Արտ կենտրոնում կազմակերպված «Ստեղծագործում են բժիշկները», «Երբ արարում են բժիշկները, բժշկում է արվեստը» խորագրով ցուցահանդեսում[4][5]։
Ծանոթագրություններ[խմբագրել | խմբագրել կոդը]
- ↑ Կարինե Առուստամյանի կենսագրությունը ՄՄԱՊԳԿ կայքում
- ↑ «Կարինե Առուստամյան». www.med-practic.com. Վերցված է 2019 թ․ մարտի 30-ին.
- ↑ 3,0 3,1 «Կարինե Առուստամյան». boghossianprize.am. Արխիվացված է օրիգինալից 2021 թ․ նոյեմբերի 22-ին. Վերցված է 2019 թ․ մարտի 30-ին.
- ↑ «Ստեղծագործում են բժիշկները»
- ↑ Երբ արարում են բժիշկները՝ բժշկում է արվեստը