Կարեն Ստեփանյան
- Վիքիպեդիայում կան հոդվածներ Ստեփանյան ազգանունով այլ մարդկանց մասին։
| Կարեն Ստեփանյան | |
|---|---|
| Ծնվել է | հունվարի 16, 1958 (66 տարեկան) |
| Ծննդավայր | Երևան, Հայկական ԽՍՀ, ԽՍՀՄ |
| Կրթություն | ՀԱՊՀ (1980) և ԵՊՀ իրավաբանական ֆակուլտետ (1986) |
| Մասնագիտություն | իրավաբան |
| Կուսակցություն | ԽՄԿԿ |
Կարեն Արշալույսի Ստեփանյան (հունվարի 16, 1958, Երևան, Հայկական ԽՍՀ, ԽՍՀՄ), հայ իրավաբան, նախկին դատավոր։
Կրթություն[խմբագրել | խմբագրել կոդը]
- 1975-1980 թթ. սովորել և ավարտել է Երևանի Կ. Մարքսի անվան պոլիտեխնիկական ինստիտուտի ռադիոտեխնիկայի ֆակուլտետը։
- 1981-1982 թթ. սովորել է Դոնի Ռոստովի պետական համալսարանի իրավաբանական ֆակուլտետի հեռակա բաժնում։
- 1982-1986 թթ. սովորել և ավարտել է ԵՊՀ իրավաբանական ֆակուլտետի հեռակա բաժինը։
Աշխատանքային գործունեությունը[խմբագրել | խմբագրել կոդը]
- 1978-1980 թթ. - աշխատել է Երևանի սարքերի գործարանում որպես էլեկտրոնային սարքերի հավաքող։
- 1980-1982 թթ. - աշխատել է Երևանի սարքերի գործարանում որպես երկրորդ կարգի ինժեներ-կոնստրուկտոր։
- 1982-1986 թթ. - Երևանի սարքերի գործարանի ԼԿԵՄ կոմիտեի ազատված քարտուղար։
- 1985-1991 թթ. եղել է ԽՄԿԿ անդամ։
- 1986 թ. - Երևանի սարքերի գործարանի գլխավոր կոնստրուկտորի տեղակալ։
- 1987 թ. - «Էլեկտրասարք» արտադրական միավորման իրավաբանական բաժնի պետ։
- 1987-1988 թթ. - Բաղրամյանի շրջանի դատախազության ստաժոր։
- 1988-1989 թթ. - Բաղրամյանի շրջանի դատախազի օգնական։
- 1989-1991 թթ. - Բաղրամյանի շրջանի դատախազի ժամանակավոր պաշտոնակատար։
- 1991-1996 թթ. - ՀՀ Տրանսպորտի դատախազի օգնական։
- 1994-1995 թթ. - ՀՀ գլխավոր դատախազության քննչական խմբի քննիչ։
- 1996-1999 թթ. - Երևան քաղաքի Մաշտոցի շրջանի ժողովրդական դատարանի դատավոր։
- 1999-2001 թթ. - Երևան քաղաքի Արաբկիր և Քանաքեռ-Զեյթուն համայնքների առաջին ատյանի դատարանի դատավոր։
- 2001-2002 թթ. - ՀՀ տնտեսական դատարանի դատավոր։
- 2002-2008 թթ. - ՀՀ տնտեսական դատարանի անվճարունակության մասին գործեր քննող դատավոր։
- 2008-2009 թթ. - Երևանի քաղաքացիական դատարանի դատավոր։
- 2009 թ. փետրվարի 27-ին ՀՀ Նախագահի հրամանագրով նշանակվել է Երևան քաղաքի Շենգավիթ համայնքի ընդհանուր իրավասության դատարանի դատավոր՝ դադարեցնելով Երևանի քաղաքացիական դատարանի դատավորի լիազորությունները[1]։
- 2010 թ. հոկտեմբերի 21-ին ՀՀ Նախագահի հրամանագրով լիազորությունները դադարեցվել են՝ իր դիմումի համաձայն[2]։ Մամուլում շրջանառվող լուրերի համաձայն, հրաժարականը պայմանավորված էր դատարանի նախագահ Սուրիկ Կոստանյանի հետ տեղի ունեցած վիճաբանությամբ, որի ընթացքում, իբր, Ստեփանյանը երակները կտրելու միջոցով ինքնասպանության փորձ է արել։ Սակայն Ստեփանյանը հերքեց այդ տեղեկությունները։