Կապույտ լեռների գաղտնիքը
 ռուս.՝ Тайна синих гор | |
|---|---|
| Երկիր |  ԽՍՀՄ |
| Ժանր | ֆիլմ անչափահասների համար |
| Թվական | 1981 |
| Լեզու | ռուսերեն |
| Ռեժիսոր | Ասխաբ Աբակարով |
| Սցենարի հեղինակ | Ալեքսանդր Գորոխով |
| Երաժշտություն | Շիրվանի Չալաև |
| Կինոընկերություն | Լենֆիլմ |
| Տևողություն | 72 րոպե |
«Կապույտ լեռների գաղտնիքը» (ռուս.՝ «Тайна синих гор»), խորհրդային գեղարվեստական ֆիլմ, Ասխաբ Աբակարովի լիամետրաժ նորամուտը կինոյում[1]։ Ֆիլմի պրեմիերան տեղի է ունեցել 1982 թվականի հունիսին։
Բացի երկրորդ պլանի մի քանի դերերից, ֆիլմում նկարահանվել են քիչ հայտնի կամ ոչ պրոֆեսիոնալ դերասաններ, այդ թվում՝ Դաղստանի ԻԽՍՀ Սովետսկի շրջանի բնակիչները։
Սյուժե
[խմբագրել | խմբագրել կոդը]Ֆիլմի գործողություններն սկսվում են Դաղստանի աուլում ամռանը՝ ավարտական քննություններից անմիջապես հետո։ Մուրադը, որը նոր է ավարտել դպրոցը, վաղուց սիրահարված է Մայսարատ անունով դասընկերուհուն։ Տղան նրան նույնպես դուր է գալիս, սակայն ծնողներն արդեն վաղուց խոստացել են նրան ամուսնացնել իրենց համագյուղացի Ուսմանի որդու հետ, որը վաղուց հեռացել է գյուղից և ապրում է քաղաքում։ Քանի որ աղջիկն ավարտել է դպրոցը, Ուսմանն առաջարկում է արդեն մտածել հարսանիքի մասին։
Մուրադն մեծացել է առանց հոր, որը վաղուց է մահացել, սակայն շատ է շփվում պապիկի հետ։ Վերջինս պատմում է, թե ինչպես է ժամանակին լեռնային սովորությամբ հարսնացու փախցրել։ Պապը Մուրադին նաև պատմում է այն լեգենդի մասին, թե ինչպես է ջիգիթը կապույտ լեռան մյուս կողմում գտել աուլ և սիրահարվում այնտեղ ապրող աղջկան, որին խոստացել էին ամուսնացնել ուրիշի հետ։ Սակայն երբ նա փախցնում է աղջկան, փեսայի տոհմը պատերազմի է սկսում ջիգիթի տոհմի հետ, և շատ արյուն է թափվում։
Մի օր Մուրադը Մայսարաթին առաջարկում է միասին հեռանալ։ Նա սպասում է աղջկան կանգառում, սակայն ճանապարհին նրան բռնում ու տուն են բերում հարազատները։ Մուրադին խնդրում են ժամանակավորապես հեռանալ գյուղից։ Նա անցնում է լեռներով, գիշերում հովիվների մոտ, իսկ առավոտյան ուղղաթիռը նրան հասցնում է Մախաչկալա (ճանապարհին ուղղաթիռը թռչում է Չիրկեյի ՀԷԿ-ի վրայով)։ Այնտեղ Մուրադը կանգ է առնում մոր հարազատների մոտ։ Տանտերերի դուստրը՝ Ամինան, փորձում է նրան ծանոթացնել իր ընկերուհու՝ Սոնյայի հետ։ Շուտով Մուրադը աշխատանքի է ացնում շինհրապարակում, որտեղ աշխատում է Ամինայի ընկերը՝ Սուլթանը։
Հանգստյան օրերին ծովի ափին հանգստանալուց հետո Մուրադն ընկերների հետ վերադառնում է քաղաք։ Սոնյան խնդրում է ուղեկցել իրեն։ Ամինան տանը Մուրադի համար հեռագիր է տեսնում և վազում նրա հետևից։ Մահացել էր Մուրադի պապը, և նա վերադառնում է աուլ։ Հուղարկավորությունից հետո նա չի ուզում վերադառնալ քաղաք։ Նա վերցնում է պապի հրացանը և գնում լքված գյուղ։ Նրա հետևից գալիս է Մայսարաթը և նստում նրա կողքին՝ տան պատի մոտ։
Դերերում
[խմբագրել | խմբագրել կոդը]- Գաիրբեկ Ալիև – Մուրադ
- Նանիշ Գաջիևա – Մայսարաթ
- Մագոմեդ Մագոմեդով – Սուրխայ
- Մագոմեդ Պոլուպանով – Մագոմեդ պապ
- Ալի-Ասխաբ Հաջիև – էպիզոդ
- Պատիմատ Խիզրոևա – էպիզոդ
- Վալերի Կարավաև – Մուրադի հորեղբայրը
- Ինեսա Կուրումովա – Մուրադի մորաքույրը
- Կոնստանտին Բուտաև – համր հովիվ
- Միրզա Ալիև – էպիզոդ
Լրացուցիչ փաստեր
[խմբագրել | խմբագրել կոդը]- Ֆիլմում հնչում է Ռասուլ Համզաթովի «Ահա ես վերադարձա ճանապարհից...» (ռուս.՝ «Вот я вернулся с дороги…») բանաստեղծությունը։
- Այն դրվագում, որտեղ Մուրադը ընկերների հետ հանգստանում է ծովի ափին, մեքենայից հնչում է «Վերջին անգամ» (ռուս․՝ «В последний раз») երգը «Весёлые ребята» խմբի կատարմամբ։
Ծանոթագրություններ
[խմբագրել | խմբագրել կոդը]Գրականություն
[խմբագրել | խմբագրել կոդը]- Ян Кушнирский — «Вот я вернулся с дороги…» (рецензия на фильм) // Советский экран, № 13, июль 1982. — стр. 4
Արտաքին հղումներ
[խմբագրել | խմբագրել կոդը]- «Тайна синих гор». Megabook. Վերցված է 2016 թ․ նոյեմբերի 6-ին.
- Кино и горцы
|
