ԽՄԿԿ ԿԿ նախագահություն, կուսակցական ղեկավար մարմին նախկին Խորհրդային Միությունում, որն ընտրել է ԽՄԿԿ ԿԿ պլենումը՝ ԿԿ աշխատանքները պլենումների միջև ընկած ժամանակաշրջանում ղեկավարելու համար։ Առաջին անգամ կազմվել է ԽՄԿԿ ԿԿ 1952 թվականի հոկտեմբերի 16-ի պլենումում՝ ՀամԿ(բ) կ ԿԿ Քաղբյուրոյի փոխարեն։ ԽՄԿԿ XXIII համագումարի 1966 թվականի ապրիլի 8-ի որոշմամբ նորից ստեղծվել է ԽՄԿԿ ԿԿ Քաղբյուրո։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 8, էջ 154)։
