Դուան Յունպին
| Դուան Յունպին | |
|---|---|
| Ծնվել է | մարտի 10, 1961 (63 տարեկան) |
| Ծննդավայր | Նանչան, Չինաստան |
| Քաղաքացիություն |  Չինաստան |
| Կրթություն | Չժեցզյան համալսարան (1982) և Չինաստանի ազգային համալսարան |
| Մասնագիտություն | ճարտարագետ, ձեռնարկատեր և գործարար |
Դուան Յունպին ( չինարեն հեշտ. 段永平 , փինյին՝ Duàn Yǒngpíng), մարտի 10, 1961, Նանչան, Չինաստան, «Subor» ( չինարեն հեշտ. 小霸王 , փինյին՝ Xiǎobàwáng) և «BBK Electronics» ( չինարեն հեշտ. 步步高 , փինյին՝ Bùbùgāo) ընկերությունների հիմնադիրը։
Կրթություն
[խմբագրել | խմբագրել կոդը]Ավարտել է Չժեցյանի (մասնագիտացումը՝ ռադիոէլեկտրոնիկայի ինժեներ), ապա՝ Չինաստանի ազգային համալսարանը (մասնագիտացումը՝ տնտեսագիտություն)։ Այնուհետև «MBA» ծրագրով երկու տարի սովորել է Չինաստանի եվրոպական միջազգային բիզնես դպրոցում։
Գործունեություն
[խմբագրել | խմբագրել կոդը]Յունպինը որպես ինժեներ սկսել է աշխատել վակուումային լամպեր արտադրող պեկինյան գործարանում։ 1989 թվականին որոշել է սկսել սեփական գործը՝ ստեղծելով էլեկտրոնիկայով զբաղվող ընկերություն։
Երբ 1989 թվականին Դուան Յունպինը սկսեց աշխատել «Subor» ընկերությունում, այն ուներ 20-ից պակաս աշխատակից և մեծ պարտք։ Նրա ղեկավարությամբ հինգ տարի անց ընկերությունը դարձավ ուսումնական և խաղային համակարգիչներ արտադրող առաջատար ընկերություն Չինաստանում՝ մի քանի միլիարդ յուան եկամտով։
1995 թվականին Յունպինը հիմնադրել է չինական խոշորագույն ընկերություններից մեկը՝ «BBK Electronics Industrial Group»-ը[1] ։ Սկզբնական շրջանում դրա հիմնական արտադրանքը DVD-նվագարկիչն էր։ Ներկայումս այն նաև հեռախոսների և ձայնագիտության ոլորտի առաջատար բրենդ է[1]։
Ըստ «Asia Week» ամսագրի՝ 2000 թվականին Դուան Յունպինն ընդգրկվել է հազարամյակի ամենաազդեցիկ 20 անձանց ցանկում։
Ներկայումս Յունպինն անկախ ներդրող է։ 2002-2004 թվականներին «NetEase.com» ընկերության երկրորդ բաժնետերն էր՝ ըստ բաժնետոմսերի քանակի։
2002 թվականի վերջից ապրում է ԱՄՆ-ում։
2006 թվականին Յունպինն իր ընտանեկան «Enlight Foundation» բարեգործական հիմնադրամի անունից հաղթել է աճուրդում և հնարավորություն ստացել միլիարդատեր Ուորեն Բաֆեթի հետ մասնակցել բիզնես լանչի[2][3][4]։ Այդ հնարավորթյան համար նա «eBay» առցանց աճուրդում վճարել է 620 000 դոլար և ստացել «Չինական Ուորեն Բաֆեթ» մականունը[2][5]։
Այլ
[խմբագրել | խմբագրել կոդը]- Դուան Յունպինը հիմնադրել է «Enlight Foundation» բարեգործական հիմնադրամը, որն օգնում է կրթական և լուսավորչական տարբեր հաստատությունների (հիմնականում Չինաստանում)[6]։
- Ներկայումս «UHAL» ընկերության բաժնետոմսերի 2/3-ի սեփականատերն է։
Ծանոթագրություններ
[խմբագրել | խմբագրել կոդը]- ↑ 1,0 1,1 «Seminar». Արխիվացված է օրիգինալից 2007 թ․ սեպտեմբերի 13-ին. Վերցված է 2008 թ․ հունվարի 17-ին.
- ↑ 2,0 2,1 «Статья о Дуань Юнпин». www.trud.ru (ռուսերեն). «Труд (газета)». 2007 թ․ մայիսի 15. Արխիվացված օրիգինալից 2008 թ․ սեպտեմբերի 5-ին. Վերցված է 2021 թ․ նոյեմբերի 9-ին.
- ↑ 网易 (2007 թ․ մայիսի 22). «段永平约会巴菲特照片曝光 23日做客网易». www.163.com. Արխիվացված օրիգինալից 2021 թ․ ապրիլի 17-ին. Վերցված է 2021 թ․ ապրիլի 17-ին.
- ↑ «Chinese fan forks out $620,000 for lunch with Buffett». The Independent (անգլերեն). 2011 թ․ հոկտեմբերի 23. Արխիվացված օրիգինալից 2021 թ․ ապրիլի 17-ին. Վերցված է 2021 թ․ ապրիլի 17-ին.
- ↑ «段永平：从"步步高"老板到中国"巴菲特"-财经人物,中国富豪榜,段永平-北方网-时代财经». economy.enorth.com.cn. Արխիվացված օրիգինալից 2021 թ․ մարտի 6-ին. Վերցված է 2021 թ․ ապրիլի 17-ին.
- ↑ «段永平、丁磊4000万美元捐赠浙江大学_网易新闻中心». news.163.com. Արխիվացված է օրիգինալից 2007 թ․ հունվարի 5-ին.