Գիշերային քաղաքապետ
Գիշերային քաղաքապետը (անգլ. Nightlife mayor, գերմ. Nachtbürgermeister) քաղաքի գիշերային կյանքի գործադիր իշխանության և ադմինիստրացիայի գլուխն է։ Գիշերային քաղաքապետը հատուկ դեր է խաղում գիշերային կյանքի հետևանքով առաջացած բարդությունների համահարթեցնելու և կարգավորելու համար։ Նրա իրավասության շրջանակներում է խնդիրները համակարգելը և կառավարելը` ներառյալ աղմուկի, ճանապարհների, երթևեկության, լուսավորության խնդիրների հետ կապված բողոքները բազմաթիվ բարերի, ռեստորանների, գիշերային զվարճանքի վայրերի մոտակայքում։
Ամստերդամ
[խմբագրել | խմբագրել կոդը]Միրիկ Միլանը առաջինն էր աշխարհում, որ ստանձնել էր 2014 թվականին Ամստերդամի գիշերային քաղաքապետի պաշտոնը՝ իր քաղաքի գիշերային տնտեսության զարգացման և ղեկավարման համար։ Քաղաքի գիշերային քաղաքապետ նշանակվելուց հինգ տարվա ընթացքում Միլանը զբաղվում է նորարարական օրակարգով։ Նրա աշխատանքը կենտրոնացած է ոչ թե քաղաքականության վրա, այլ քաղաքացիների՝ Ամստերդամի բնակիչների և զբոսաշրջիկների միջև հարաբերությունները կառավարելու և բարելավելու վրա[1]։
Այլ քաղաքներ
[խմբագրել | խմբագրել կոդը]Լոնդոնը, Ցյուրիխը, Մանհայմը[2] առաջինների շարքերում էին, որ բացեցին գիշերային քաղաքապետի հաստիքը։
Վաշինգտոն
[խմբագրել | խմբագրել կոդը]2018 թվականի նոյեմբերին[3] ԱՄՆ-ի Կոլումբիայի շրջանը միացավ այն քիչ շրջանների և քաղաքների թվին, որոնք ունեն գիշերային քաղաքապետ` իրենց գիշերային կյանքն ու մշակույթը նոր գրասենյակի և պաշտոնյայի կողմից կարգավորելու համար[4]։
Պրահա
[խմբագրել | խմբագրել կոդը]Չեխիայի մայրաքաղաքի քաղաքապետարանի խորհուրդը 2019 թվականի հունվարին ընտրել է Յան Շտերնին որպես գիշերային քաղաքապետ։ Հատուկ հանձնաժողովը, որը կազմված է թաղապետարանների և ոստիկանության ներկայացուցիչներից, աջակցում է նրան։ Պրահայի գիշերային քաղաքապետը առաջին հերթին մանրամասն ուսումնասիրում է իրավիճակը և պլանավորում է հանդիպել Ամստերդամի իր գործընկերոջ հետ` ոգեշնչման համար[5][6]։
Հիշատակումներ
[խմբագրել | խմբագրել կոդը]Առաջին անգամ «գիշերային քաղաքապետ» արտահայտությունը հայտնվեց 1989 թվականին անգլերենում որպես վեպի անվանում՝ The Night Mayor : Գրքի հեղինակն է Կիմ Ջեյմս Նյումենը (Kim James Newman)՝ ժամանակակից անգլիացի լրագրող, կինոքննադատ և գրող[7]։ «Գիշերային քաղաքապետը» նաև 2009 թվականին Գայ Մեդինի կողմից նկարահանված կարճամետրաժ կինոնկար է[8]։
Ծանոթագրություններ
[խմբագրել | խմբագրել կոդը]- ↑ «Արխիվացված պատճենը». Արխիվացված է օրիգինալից 2020 թ․ հունիսի 5-ին. Վերցված է 2019 թ․ հունվարի 31-ին.
- ↑ https://www.thelocal.de/20180719/mannheim-to-elect-germanys-first-night-mayor
- ↑ https://www.nytimes.com/2018/10/10/us/night-mayor-washington-dc.html
- ↑ https://www.nbcwashington.com/news/local/DC-Officially-Has-a-New-Night-Mayor-to-Oversee-Nightlife-501535231.html
- ↑ https://www.interfax.by/news/world/1253717 - - Պրահայի առաջին գիշերային քաղաքապետը. Պրահայի ռադիո
- ↑ https://www.radio.cz/en/section/curraffrs/prague-gets-its-first-nightlife-mayor
- ↑ https://en.wikipedia.org/wiki/Kim_Newman
- ↑ https://en.wikipedia.org/wiki/Night_Mayor