Գենադի Վարդանով

Գենադի Վարդանով
Ծնվել է	մայիսի 16, 1933(1933-05-16) (90 տարեկան)
Ծննդավայր	Սամարղանդ, ԽՍՀՄ
Քաղաքացիություն	ԽՍՀՄ
Կրթություն	Մոսկվայի ավիացիոն ինստիտուտ (1957)
Մասնագիտություն	ճարտարագետ և գիտնական
Պարգևներ և մրցանակներ	և

Գենադի Երվանդի Վարդանով (մայիսի 16, 1933(1933-05-16), Սամարղանդ, ԽՍՀՄ), խորհրդային ճարտարագետ, հրթիռային սարքաշինության բնագավառի կազմակերպիչ։ ՌԴ վաստակավոր մեքենաշինարար (1985), պատվավոր ավիաշինարար (1995): Աշխատանքի վետերան (1993): ԽՍՀՄ Պետական մրցանակ (1985):

Կենսագրություն

ԳԵենադի Վարդանովը ծնվել է 1933 թվականի մայիսի 16-ին Ուզբեկստանի Սամարղանդ քաղաքում։ 1957 թվականին ավարտել է Մոսկվայի ավիացիայի ինստիտուտը։ 1986 թվականին ավարտել է ԽՍՀՄ ժողտնտեսության ակադեմիայի Պետական կառավարման բարձրագույն օղակի որակավորման բարձրացման ինստիտուտը։ 1993 թվականին ավարտել է Օկլահոմայի նահանգի (ԱՄՆ) համալսարանի միջազգային մենեջմենթի դպրոցը։ 1957-2000 թվականներին աշխատել է Դոլգոպրուդնիի գիտաարտադրական ձեռնարկությունում (Մոսկվայի մարզ)։ 1981-1984 թվականներին եղել է պլանարտադրության գլխավոր վարչության պետի առաջին տեղակալ, 1984-2000 թվականներին՝ գլխավոր տնօրենի առաջին տեղակալ-գլխավոր ճարտարագետ։

Կազմակերպել և ղեկավարել է ԽՍՀՄ հակաօդային պաշտպանության համալիրների երկիր-օդ, ավիացիոն օդ-օդ դասերի, ռազմածովային նավատորմի նավային հրթիռների, առաջին հակահրթիռների արտադրությունը։

Պարգևներ

• Պատվավոր ավիաշինարար (1995)։
• «Աշխատանքի վետերան» (1993)։
• ՌԴ վաստակավոր մեքենաշինարար (1985)։
• ԽՍՀՄ Պետական մրցանակ (1985)։
• Պատվո շքանշան։

Երկեր

• Саркисян А. Е. Армяне-военные ученые, конструкторы, производственники и испытатели XX века. Т. 2., Ер.: «Амарас», 2005, с.126-129.