Արտակ Ապիտոնյան
| Արտակ Ապիտոնյան | |
|---|---|
 | |
| Ծնվել է | օգոստոսի 26, 1971 (53 տարեկան) |
| Ծննդավայր | Ալաշկերտ |
| Ազգություն | հայ |
| Կրթություն | Երևանի պետական համալսարան |
| Մասնագիտություն | դիվանագետ |
| Աշխատանք | «ԱՊԱԳԱ ՀԱՅԿԱԿԱՆԸ» զարգացման հիմնադրամի գործադիր տնօրեն |
Արտակ Գևորգի Ապիտոնյան (օգոստոսի 26, 1971, Ալաշկերտ, Հոկտեմբերյանի շրջան), հայ դիվանագետ, «ԱՊԱԳԱ ՀԱՅԿԱԿԱՆԸ» զարգացման հիմնադրամի գործադիր տնօրեն։ Եղել է Հայաստանի Հանրապետության արտաքին գործերի նախարարի տեղակալը 2018-2021թթ., Շվեդիայում և Ֆինլանդիայում Հայաստանի Հանրապետության արտակարգ և լիազոր դեսպանը 2013-2018թթ.։
Կրթություն
[խմբագրել | խմբագրել կոդը]- 1977-1987 թթ. - սովորել և գերազանցությամբ ավարտել է Հոկտեմբերյանի թիվ 1 միջնակարգ դպրոց։
- 1987-1992 թթ. - սովորել և գերազանցությամբ ավարտել է ԵՊՀ արևելագիտության ֆակուլտետի արաբագիտության բաժինը։
- 1991-1992 թթ. - վերապատրաստվել է Թունիսի Հաբիբ Բուրգիբայի անվան լեզուների ինստիտուտում։
- 1993 թ. ավարտել է Եգիպտոսի արտաքին գործերի նախարարության դիվանագիտական ուսումնասիրությունների ինստիտուտի դիվանագիտական երկարաժամկետ հատուկ դասընթացները։
Դիվանագիտական ծառայությունը
[խմբագրել | խմբագրել կոդը]- 1993-1995 թթ. - ՀՀ արտաքին գործերի նախարարության Մերձավոր Արևելքի վարչության կցորդ։
- 1995-1997 թթ. - Եգիպտոսում ՀՀ դեսպանության երրորդ քարտուղար։
- 1997-1999 թթ. - ՀՀ արտաքին գործերի նախարարության Մերձավոր Արևելքի վարչության երրորդ քարտուղար։
- 1998 թ. - ՄԱԿ-ում ՀՀ մշտական ներկայացուցչության խորհրդական։
- 1999-2002 թթ. - Լիբանանում ՀՀ դեսպանության երկրորդ քարտուղար / ժամանակավոր հավատարմատար։
- 2002-2005 թթ. - ՀՀ արտաքին գործերի նախարարություն միջազգային կազմակերպությունների վարչության ՄԱԿ-ի բաժնի վարիչ։
- 2005-2008 թթ. - Ժնևի ՄԱԿ գրասենյակում և այլ միջազգային կազմակերպություններում ՀՀ մշտական ներկայացուցչության ղեկավարի տեղակալ, խորհրդական (Ժնև, Շվեյցարիա)
- 2008-2009 թթ. - ՀՀ արտաքին գործերի նախարարության քարտուղարության խորհրդական։
- 2009-2013 թթ. - ՀՀ Նախագահի աշխատակազմի արտաքին կապերի վարչության պետ։
- 2013-2014 թթ. - ՀՀ Նախագահի կարգադրությամբ ազատվել է Հայաստանի Հանրապետության Նախագահի աշխատակազմի արտաքին կապերի վարչության պետի պաշտոնից[1]։
- 2013-2014 թթ. - ՀՀ Նախագահի հրամանագրով նշանակվել է Շվեդիայի Թագավորությունում Հայաստանի Հանրապետության արտակարգ և լիազոր դեսպան[2]։
- 2014-2018 թթ. - ՀՀ Նախագահի հրամանագրով նշանակվել է Ֆինլանդիայի Հանրապետությունում Հայաստանի Հանրապետության արտակարգ և լիազոր դեսպան[3]։
- 2018-2021 թթ. - ՀՀ վարչապետի որոշմամբ նշանակվել է արտաքին գործերի նախարարի տեղակալ[4]։
- 2022 թ. փետրվարի 21-ին նշանակվել է «ԱՊԱԳԱ ՀԱՅԿԱԿԱՆԸ» զարգացման հիմնադրամի գործադիր տնօրեն[5]։
Դիվանագիտական աստիճան
[խմբագրել | խմբագրել կոդը]- Հայաստանի Հանրապետության արտակարգ դեսպանորդ և լիազոր նախարար (2012)[6]։
- Հայաստանի Հանրապետության արտակարգ և լիազոր դեսպան (2016)[7]
Ընտանեկան կարգավիճակ
[խմբագրել | խմբագրել կոդը]Ամուսնացած է, ունի երեք զավակ։
Ծանոթագրություններ
[խմբագրել | խմբագրել կոդը]- ↑ Ա. Ապիտոնյանին Հայաստանի Հանրապետության Նախագահի աշխատակազմի արտաքին կապերի վարչության պետի պաշտոնից ազատելու մասին
- ↑ Ա. ԱՊԻՏՈՆՅԱՆԻՆ ՇՎԵԴԻԱՅԻ ԹԱԳԱՎՈՐՈՒԹՅՈՒՆՈՒՄ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՐՏԱԿԱՐԳ ԵՎ ԼԻԱԶՈՐ ԴԵՍՊԱՆ ՆՇԱՆԱԿԵԼՈՒ ՄԱՍԻՆ
- ↑ Ա. ԱՊԻՏՈՆՅԱՆԻՆ ՖԻՆԼԱՆԴԻԱՅԻ ՀԱՆՐԱՊԵՏՈՒԹՅՈՒՆՈՒՄ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՐՏԱԿԱՐԳ ԵՎ ԼԻԱԶՈՐ ԴԵՍՊԱՆ ՆՇԱՆԱԿԵԼՈՒ ՄԱՍԻՆ
- ↑ «ԱՐՏԱԿ ԱՊԻՏՈՆՅԱՆԻՆ ԱՐՏԱՔԻՆ ԳՈՐԾԵՐԻ ՆԱԽԱՐԱՐԻ ՏԵՂԱԿԱԼ ՆՇԱՆԱԿԵԼՈՒ ՄԱՍԻՆ». www.e-gov.am. Արխիվացված է օրիգինալից 2019 թ․ մարտի 25-ին. Վերցված է 2019 թ․ փետրվարի 17-ին.
- ↑ ««ԱՊԱԳԱ ՀԱՅԿԱԿԱՆԸ» գործում է որպես զարգացման հիմնադրամ • The Future Armenian». futurearmenian.com. 2022 թ․ փետրվարի 23. Վերցված է 2022 թ․ սեպտեմբերի 28-ին.
- ↑ ՀՀ արտակարգ դեuպանորդ և լիազոր նախարարի դիվանագիտական աuտիճան շնորհելու մասին
- ↑ ԴԻՎԱՆԱԳԻՏԱԿԱՆ ԱՍՏԻՃԱՆՆԵՐ ՇՆՈՐՀԵԼՈՒ ՄԱՍԻՆ