Առաջին մարդը (վեպ)
| Հեղինակ | Ալբեր Քամյու[1] |
|---|---|
| Տեսակ | գրավոր աշխատություն, անավարտ վեպ և հետմահու հրատարակված ստեղծագործություն |
| Ժանր | ինքնակենսագրական վեպ[2] |
| Բնօրինակ լեզու | ֆրանսերեն[1] |
| Կերպար(ներ) | Q110407956? |
| Ստեղծման տարեթիվ | 1959[2] |
| Նկարագրում է | Ալժիր |
| Երկիր | .svg){kind=small} Ֆրանսիա |
| OCLC | 31938033 |
«Առաջին մարդը» (ֆր.՝ Le Premier Homme), ֆրանսիացի գրող և փիլիսոփա Ալբերտ Կամյուի անավարտ ինքնակենսագրական վեպը, որը հրապարակվել է հետմահու, 1994 թվականին։
1960 թվականի հունվարի 4-ին Ալբերտ Կամյուն մահացավ ավտովթարից։ «Առաջին մարդու» չմշակված ձեռագիրը գտել էին նրա ձեռքի պայուսակում։ Ձեռագիրը հրապարակման է պատրաստվել նրա դստեր` Կատրին Կամյուի կողմից, հեղինակի մահից 34 տարի անց։ Բացի ձեռագրից հրատարակությունը ընդգրկում է նաև ծրագիր, որոնց թվում նամակ, որը Կամյուն Նոբելյան մրցանակ ստանալուց հետո ուղարկել էր իր ուսուցիչ Լուի Ժերմենին, և Լուի Ժերմենի վերջին նամակը Կամյուին։
Վեպը հրապարակվել է Կամյուի երկրորդ ամուսնությունից ծնված աղջկա՝ Կատրինի օգնությամբ, 1994 թվականին, ինչպես նաև «Գալմար» հրատարակչության կողմից։ Վեպը նվիրված է Կամյուի մորը «Նրան, ով երբեք չի կարողանա կարդալ այս գիրքը»։
Բովանդակություն[խմբագրել | խմբագրել կոդը]
Վեպը ընդգրկում է Ժակ Կորմերիի կյանքը ծննդյան օրից մինչև նրա ուսումը Ալժիրում։ Այն պատմում է հասարակ և կարևոր երևույթների` մանկության, պատանեկության, ծովի և արևի ուժի, մոր հանդեպ որդու տանջալից սիրո, կորած հոր փնտրտուքների ... մասին։ Այն նաև պատմում է ընդարձակ և ոչ միշտ հյուրընկալ աֆրիկյան լանդշաֆտների գաղութաբնակների պատմությունը, « Հայրենի երկրի» և գաղութաբնակների բարդ հարաբեությունների, պատերազմի խորը հետքերի և քաղաքացիական պատերազմի մասին։ Բայց ինչը ամենակարևորն է` «Առաջին մարդը» նորից Կամյուին կյանք է վերադարձրել, տալիս է մարդու տեսունակությունը, որը մինչև այդ բացահայտված չէր։
Էկրանավորում[խմբագրել | խմբագրել կոդը]
2011 թվականին ռեժիսոր Ջանի Ամելիոն վեպի հիման վրա նկարահանել է համանուն ֆիլմը։ Պրեմիերան կայացել է 2011 թվականի սեպտեմբերի 9-ին, Տորոնտոյում, միջազգային կինոփառատոնի ժամանակ[3]։
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 Bibliothèque nationale de France data.bnf.fr (ֆր.): տվյալների բաց շտեմարան — 2011.
- ↑ 2,0 2,1 Bibliothèque nationale de France Record #12458214b // BnF catalogue général (ֆր.) — Paris: BnF.
- ↑ IMDb — Le premier homme (2011)
| ||||||
