Ապավեն Վասիլի Ռոստոմյան (1905 թ., գյուղ Բոլնիս-Խաչեն,—18․1․1945, քաղաք Ժարկի, Լեհաստան), Սովետական Միության հերոս (10․4․1945, հետմահու), ավագ սերժանտ։ ՍՄԿԿ անդամ 1931 թվականից։ Հայրենական պատերազմի առաջին օրերից կռվել է Ուկրաինական 3-րդ, ապա՝ Ուկրաինական 1-ին ռազմաճակատների զորքերի կազմում, մասնակցել Լեհաստանի ազատագրմանը։ Հերոսի կոչման արժանացել է լեհական Ժարկի քաղաքի ազատագրման ժամանակ՝ 1945 թ. հունվարի 18-ին ցուցաբերած անձնազոհության համար (կրծքով փակել է թշնամու գնդացրի հրակնատը)։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։