Անդալիս

Անդալիս

Անդեալիս, բազմամյա բույսերի վեգետատիվ բազմացման ձև, երբ խաղողի վազի մատը, պտղատու ծառի կամ թփի շիվն արմատակացնում են՝ առանց մայր բույսից անջատելու։ Այգեգործության մեջ անդալիսի համար բույսը սովորաբար մոտեցնում են հողին։

Ձևեր

Անդալիսի տարածված ձևերն են՝

• հասարակ անդալիս,
• տաշտաթաղ անդալիս,
• չինական անդալիս

Նոր ստացված բույսը նույն աշնանը կամ 1-3 տարի հետո, երբ նրա արմատները հասնում են հին արմատների հիմնական զանգվածին, անջատում են մայր բույսից (տաշտաթաղ անդեալիս կատարելիս չեն անջատում)։

Անդալիսը կիրառվում է դժվար արմատակալող փոփոխակների արմատակալումը, հազվագյուտ փոփոխակների և հիբրիդային հեռանկարային նոր ձևերի բազմացումը արագացնելու, այգու դատարկ տեղերը լրացնելու, այգին խտացնելու, վազերը երիտասարդացնելու համար։ Ֆիլոքսերայով վարակված այգիներում կարելի է կատարել տաշտաթաղ անդալիս։ Պտղաբուծության մեջ անդալիս կիրառվում է միայն այլ տեղում վերատնկելու համար։ Անդալիսի շնորհիվ հնարավոր է դառնում փոխել մշակության համակարգը, բարձրացնել բերքի որակը։

Գրականություն

• Коровкин О. А. Отводок // Анатомия и морфология высших растений: словарь терминов. — М. : Дрофа, 2007. — С. 128. — 268, [4] с. — (Биологические науки: Словари терминов). — 3000 экз. — ISBN 978-5-358-01214-1.

Վիքիպահեստն ունի նյութեր, որոնք վերաբերում են «Անդալիս» հոդվածին։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 1, էջ 387)։