Ամուտեղի եկեղեցի
Ամուտեղի եկեղեցի | |
---|---|
Հիմնական տվյալներ | |
Տեսակ | եկեղեցի |
Երկիր | Արցախի Հանրապետություն |
Տեղագրություն | Ուռեկան, Քաշաթաղի շրջան |
Դավանանք | Հայ Առաքելական Եկեղեցի |
Հիմնական ամսաթվերը | 17-րդ դար |
Ժառանգության կարգավիճակ | մշակութային հուշարձան Հայաստանում |
Ճարտարապետական ոճ | հայկական ճարտարապետություն |
Հիմնադրված | 17-րդ դար |
Ամուտեղի եկեղեցի[1], Հայ Առաքելական Սուրբ Եկեղեցի, գտնվում է Արցախի Հանրապետության, Քաշաթաղի շրջանի, Ուռեկան գյուղից դեպի հյուսիս, կառուցվել է 17-րդ դարում։
2020 թվականի Արցախյան երկրորդ պատերազմից հետո Քաշաթաղի շրջանի օկուպացվել է Ադրբեջանի կողմից։
Այս եկեղեցու մասին առաջին հիշատակումը կատարվել է Մ. Բարխուդարյանի կողմից։ Պատմելով համանուն գյուղի ամրոցի մասին, նաև խոսում է այս եկեղեցու մասին։ Իսկ Ս. Կարապետյանը իր նկարագրությունների մեջ ներկայացվում է որպես փոքրիկ եկեղեցի և թվագրվում է 17-ից 18-րդ դարերի։
Եկեղեցին միանավ բազիլիկ կառույց է, ուղղանկյունաձև խորանով և թաղածածկ, կառուցվել է կրաքարով և կրաշաղախով։ Միակ մուտքը արևմտյան կողմից է, քարերն ու բարավորը սրբատաշ են։ Ունի նաև մեկ պատուհան արևելյան կողմից։ Եկեղեցու արտաքին չափերն են 7,67x4,79 մետր։
2019 թվականին եկեղեցին վերանորոգվել և վերաօծվել է Սուրբ Վարդան անունով։
Արցախյան երրորդ պատերազմի ռազմական գործողությունների ընթացքում եկեղեցին չի տուժել, հետպատերազմյան վիճակի մասին տեղեկություններ չկան։