Ալկիլացում, օրգանական միացություններին ալիֆատիկ շարքի միավալենտ ռադիկալներ՝ ալկիլ խմբեր (CH3-, C2H3- և այլն) միացնելու ռեակցիա։ Ալկիլ խումբը կարող է միանալ ածխածնի, թթվածնի, ծծմբի, ազոտի և այլ ատոմների հետ։
Ալկիլացումը սովորաբար ընթանում է կատալիզատորների (H2SO4, AlCl3, HCl և այլն) առկայությամբ։
Ալկիլացումը կիրառվում է ներկանյութերի, դեղանյութերի, բարձրոկտնային վառելանյութերի (իզոօկտան) արտադրության մեջ, բենզոլի հոմոլոգների (կումոլ) ստացման համար են։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 1, էջ 179)։