Աթեիստների միջազգային ալյանս

Աթեիստների միջազգային ալյանս;
	ԱՄԱ-ի խորհրդանիշը
Տեսակ	կազմակերպություն, ոչ առևտրային կազմակերպություն, միություն և Միջազգային կազմակերպություն
Երկիր	ԱՄՆ
Հապավում	ԱՄԱ
Կարգախոս	For a Secular World
Հիմնադրված	1991 թ.
Իրավ. կարգավիճակ	գործող
Նպատակներ	գաղափարական պայքար կրոնի դեմ
Գլխադասային գրասենյակ	Վաշինգտոն, Կոլումբիայի շրջան, ԱՄՆ
Տեղագրություն	համաշխարհային
Հիմնադիր	Atheist Alliance of America?
Կայք	atheistalliance.org(անգլ.)

Աթեիստների միջազգային ալյանս, ԱՄԱ (անգլ.՝ Atheist Alliance International, AAI), աթեիզմի, աշխարհիկության և դրանց հարակից հարցերի մասին հասարակության լուսավորությանը ձգտող աթեիստական կազմակերպությունների և անձանց համաշխարհային համադաշնություն։ ԱՄԱ-ն հիմնվել է 1991 թվականին։

Պատմություն[խմբագրել | խմբագրել կոդը]

Կազմակերպությունը հիմնադրվել է 1991 թվականին որպես «Աթեիստական ալյանս»՝ ամերիկյան աթեիստների տեղական չորս խմբավորումների միավորում։ Ժամանակի ընթացքում Աթեիստական ալյանսը լայնացել է, անդամագրելով տարբեր տարածաշրջանային ամերիկյան և միջազգային խմբավորումներ և արդյունքում՝ 2001 թվականին անվանափոխվել և դարձել է «Աթեիստների միջազգային ալյանս»։ 2010 և 2011 թվականին կազմակերպության անդամները որոշել են բաժանել այն երկու՝ ամերիկյան և միջազգային հատվածների յուրաքանչյուր խմբի տարբեր տարածաշրջանային շահերը պահպանելու նպատակով։ Ամերիկյան խմբավորումը անվանափոխվել է և ստացել «Ամերիկայի աթեիստական ալյանս» անվանումը, իսկ միջազգային խմբավորումը պահպանել է սկզբնական՝ «Աթեիստների միջազգային ալյանս» անվանումը, ընդունելով նոր նորմատիվ ակտեր և նոր կազմակերպչական կառուցվածք։ Վերակազմավորված Աթեիստների միջազգային ալյանսի վերագործարկումը տեղի է ունեցել 2011 թվականի հունիսի 3-ին՝ Դուբլինում աթեիստական կոնֆերանսի ժամանակ։

2013 թվականին Աթեիստների միջազգային ալյանսը հատուկ խորհրդակցական կարգավիճակ է ստացել ՄԱԿ-ում։ Այդ դերում ԱՄԱ-ն կարող է մեծ աջակցություն ցուցաբերել անկրոններին, պաշտպանելով նրանց սեփականա կառավարությունների կողմից հետապնդումներից^[1]։