Tame Impala

Վիքիպեդիայից՝ ազատ հանրագիտարանից
Tame Impala
Tame Impala-3760 (18222291464).jpg
Ժանրերփսիխոդելիկ ռոք[1], ալտերնատիվ ռոք, փսիխոդելիկ փոփ, neo-psychedelia?, դրիմ փոփ և ինդի ռոք
Գործունեություն2007
ԼեյբլModular Recordings?[1][2], Ինտերսքոպ Ռեքորդս[1][2], Island Records Australia? և Fiction Records?[1]
Կայքtameimpala.com/#
Commons-logo.svg Tame Impala Վիքիպահեստում

Tame Impala[3][4], ավստրալիական փսիխոդելիկ երաժշտական խումբ[5] Քևին Փարքերի գլխավորությամբ։ Քևինը ստուդիայում գրում, ձայնագրում ու վերջնական տեսքի է բերում խմբի բոլոր երգերը։ Համերգային տուրերի ժամանակ խումբը բաղկացած է լինում 5 հոգուց՝ Քևին Փարքեր (կիթառ և վոկալ), Ջեյ Ուոթսոն (սինթեզատոր, վոկալ և կիթառ), Դոմինիկ Սիմպեր (կիթառ, սինտեզատոր), Քեմ Էյվերի (բաս, վոկալ) և Ժուլյեն Բարբագալլո (հարվածային գործիքներ, վոկալ)։ Tame Impala-ն սերտ կապ է պահպանում ավստրալիական Pond խմբի հետ՝ կիսելով խմբի անդամներին։ Ponդ-ում հանդես է գալիս Tame Impala-ի նախկին անդամ Նիք Օլբրուքը։ Tame Impala-ն գրանցված է «Interscope Records» և «Fiction Records» ձայնագրական ընկերություններում, իսկ նախկինում գրանցված է եղել «Modular Recordings»-ում[6]։

2007 թվականին ստեղծվելուց ու հետագա տարիներին մի քանի երգեր թողարկելուց հետո 2010 թվականին «Tame Impala»-ն հանրությանն է ներկայացրել իր առաջին ալբոմը՝ «Innerspeaker»[7]։ Այն ոսկե սերտիֆիկատի է արժանացել Ավստրալիայում և դրական արձագանքներ է ստացել քննադատների կողմից։ 2012 թվականին թողարկվել է խմբի 2-րդ՝ «Lonerism» ալբոմը, որը Ավստրալիայում արժանացել է պլատինե սերտիֆիկատի, իսկ խումբը ստացել է Գրեմմի մրցանակ «Best Alternative Music Album» (թարգ․՝ «Լավագույն Ալտերնատիվ Երաժշտական ալբոմ») անվանակարգում[8]։ Խմբի հաջորդ երկու ալբոմները՝ «Currents» և «The Slow Rush», թողարկվել են համապատասխանաբար 2015 թվականի հուլիսին և 2020 թվականի փետրվարի 14-ին[9][10]։ Այս ալբոմները նույնպես արժանացել են մի շարք մրցանակների, որոնցից հատկանշական է «ARIA awards»-ը[11]։

Պատմություն[խմբագրել | խմբագրել կոդը]

Մինչ Tame Impala-ն, Քևին Փարքերը հանդես է եկել մի քանի երաժշտական խմբերում, որոնցից հատկանշական է «Dee Dee Dums» դուետը Քևինի և Լյուք Էպշտեյնի մասնակցությամբ։ Տանը ձայնագրված մի քանի նախագծերից հետո Քևինը 2008 թվականի հուլիսին պայմանագիր է ստորագրել աշխարհահռչակ «Modular Recordings»-ի հետ[12]։ Այս ժամանակ էլ Փարքերը դիմել է Դոմինիկ Սիմպերի և Ջեյ Ուոթսոնի օգնությանը։

2009-2010։ Sundown Syndrome[խմբագրել | խմբագրել կոդը]

Քեվին Փարքերը 2009թ․ ապրիլին Սոմերվիլում ելույթ ունենալու ժամանակ

Tame Impala-ի առաջին սինգլը՝ «Sundown Syndrome»-ը, ձայնագրվել է Լոնդոնում 2009թ․ մարտին, իսկ հնչյունային օպերատորը Լիամ Ուոթսոնն էր։ Երգի պրեմիերան տեղի է ունեցել 2009թ․ մայիսի 10-ին, իսկ պաշտոնական թողարկումը նույն թվականի հուլիսին։ Երգը հանրությանն է ներկայացվել վինիլային ու թվային տարբերակներով։ Այն ընդգրկված է եղել 2010թ․ Օսկարի նոմինանտ «The Kids Are All Right» ֆիլմում որպես սաունդթրեք։ 2009թ․ օգոստոսին խումբը մասնակցել է [13]«Rottofest» կոմեդիայի, ֆիլմերի ու երաժշտության փառատոնին, իսկ սեպտեմբերին ու հոկտեմբերին մեկնել տուրերի Ավստրիալիայում։ 2010թ․ սկզբին Tame Impala-ն մասնակցել է նաև [14]«Big Day Out» փառատոնին։

2010: Innerspeaker[խմբագրել | խմբագրել կոդը]

Tame Impala-ն [15]«Red Rocks Amphitheatre»-ում 2010թ․ հունիսին

Tame Impala-ի առաջին ալբոմը՝ «Innerspeaker»[7]-ը թողարկվել է 2010թ․ մայիսի 21-ին։ Մեծ Բրիտանիայում ալբոմի պաշտոնական թողարկման օրը եղել է հունիսի 28-ը, սակայն [16]«iTunes» համակարգում այն հասանելի է եղել հունիսի 12-ից։ ԱՄՆ-ում ալբոմը հանրությանն է ներկայացվել հունիսի 8-ին, իսկ [17]«Pitchfork»-ն այն անվանել է Լավագույն Նոր Երաժշտություն։

Խումբն իր տուրը սկսել է 2010թ․ մայիսի 13-ին Ամերիկայում՝ հանդես գալով «MGMT» խմբի համերգի սկզբում։ Այնուհետև նրանք վերադարձել են Ավստրալիա [18]«Splendour in the Grass» փառատոնին հանդես գալու համար, իսկ հուլիսին մեկնում են տուրի եվրոպայում։ Հոկտեմբերի նրանք ազգային տուրով շրջագայում են ավստրալիայով, իսկ նոյեմբերին կրկին վերադառնում Մեծ Բրիտանիա և Եվրոպա 15 հանդիպումներից բաղկացած տուրով։ Այս ամենից հետո Tame Impala-ն մեկնում է ԱՄՆ և Կանադա 20 հանդիպումներից բաղկացած տուրով։ Տուրի ընթացքում Տորոնտո, Նյու Յորք, Լոս Անջելես և Սան Ֆրանցիսկո քաղաքներում կայացած հանդիպումների ժամանակ խումբը նաև վաճառում է իր ձայներիզները։

2010թ․ Tame Impala-ն արժանացել է «ARIA Music Awards»-ի 4 մրցանակների «Album of the Year», «Best Rock Album», «Best Group» և «Breakthrough Artist» անվանակարգերում[19]։ Նոյեմբերի 29-ին «Innerspeaker»[7]-ը արժանացավ [20]«J award» մրցանակին «Տարվա Ալբոմ» անվանակարգում։

Փարքերը նվագում է «Tame Impala»-ի հետ 2011 թվականին։

2011–2014: Lonerism[խմբագրել | խմբագրել կոդը]

Tame Impala-ի երկրորդ ալբոմը՝ «Lonerism»-ը թողարկվել է 2012 թվականին։ Ք․ Փարքերն ասել է, որ «Lonerism»-ը «հեռացում է իր նախկին աշխատանքներից, այն ներառում է ավելի լայն ձայնային սպեկտր, ավելի էմոցիոնալ է և սցենարային»։ Հատկանշական է, որ Ք․ Փարքերը ալբոմի մեծ մասը ձայնագրել է Արևմտյան Ավստրալիայի Perth քաղաքում գտնվող իր տանը, իսկ որոշ մասն արդեն փարիզում գտնվող իր տնային ստուդիայում։ Ալբոմի կազմը լուսանկար է արված Փարքերի կողմից Փարիզի «Լյուքսեմբուրգ» այգում և խմբագրված Լեյֆ Պոդհայսկի-ի կողմից, ով նաև «innerspeaker»-ի կազմի հեղինակն է։ Լուսանկարը կապված է «Lonerism»-ում շոշափվող հիմնական թեմայի հետ․ Ինչպես նկարում է հերոսը իզոլացված այգու մարդկանցից, այնպես էլ ալբոմում է։

Tame Impala - ն 2012 թվականի հոկտեմբերին

Խումբը թողարկում է «Apocalypse Dreams» երգը անվճար ներբեռնման համար 2012թ․ հուլիսի 7-ին։ Նույն ամսին է թողարկվում նաև «Elephant» սինգլը։ Բուն ալբոմը Ավստրալիայում լույս է տեսնում հոկտեմբերի 5-ին, իսկ ԱՄՆ-ում հոկտեմբերի 9-ին։ StillinRock-ը[21] նկարագրում է այն, որպես տարվա լավագույն ալբոմ։ «Elephant» և «Apocalypse Dreams» երգերը նույնպես ներառվում են ալբոմի մեջ․ Դրանք Փարքերի և Վաթսոնի առաջին համատեղ աշխատանքներից էին։ "Feels Like We Only Go Backwards" երգը թողարկվում է որպես երկրորդ սինգլ։

Մրցանակներ և անվանակարգեր[խմբագրել | խմբագրել կոդը]

Այստեղ կարող եք տեսնել Tame Impala-ի բոլոր մրցանակների ու անվանակարգերի ցանկը՝ [1]

Ծանոթագրություններ[խմբագրել | խմբագրել կոդը]

  1. 1,0 1,1 1,2 1,3 Discogs — 2000.
  2. 2,0 2,1 MusicBrainzMetaBrainz Foundation, 2000.
  3. «Tame Impala» (անգլերեն)։ 2021-06-01 
  4. Andrew Hatt (2018-12-18)։ «A New Trip for a New Era: The Neo-Psychedelia Explosion of the 2010’s»։ Backyard Collusions (անգլերեն)։ Վերցված է 2021-06-26 
  5. «Tame Impala | Biography, Albums, Streaming Links»։ AllMusic (անգլերեն)։ Վերցված է 2021-06-26 
  6. «Interscope Records» (անգլերեն)։ 2021-06-23 
  7. 7,0 7,1 7,2 «Innerspeaker» (անգլերեն)։ 2021-06-24 
  8. «Lonerism» (անգլերեն)։ 2021-06-23 
  9. «Currents (Tame Impala album)» (անգլերեն)։ 2021-06-15 
  10. «The Slow Rush» (անգլերեն)։ 2021-06-06 
  11. «ARIA Music Awards» (անգլերեն)։ 2021-04-08 
  12. «Modular Recordings · Record label ⟋ RA»։ Resident Advisor (անգլերեն)։ Արխիվացված է օրիգինալից 2021-06-26-ին։ Վերցված է 2021-06-26 
  13. «Rotto Fest | Music Brings Harmony To The World»։ Rotto Fest (en-US)։ Արխիվացված է օրիգինալից 2018-04-12-ին։ Վերցված է 2021-06-30 
  14. «Big Day Out lineups by year» (անգլերեն)։ 2021-06-20 
  15. «Red Rocks Amphitheatre» (անգլերեն)։ 2021-06-22 
  16. «iTunes»։ Apple (Armenia) (en-AM)։ Վերցված է 2021-06-30 
  17. «Pitchfork - это... Что такое Pitchfork?»։ Словари и энциклопедии на Академике (ռուսերեն)։ Վերցված է 2021-06-30 
  18. «Splendour in the Grass» (անգլերեն)։ 2021-06-17 
  19. «2010 ARIA Nominations Announced - Full List Here! - Take 40»։ web.archive.org։ 2010-10-02։ Արխիվացված է օրիգինալից 2010-10-02-ին։ Վերցված է 2021-07-01 
  20. «J Awards» (անգլերեն)։ 2021-04-19 
  21. «Still in Rock»։ Still in Rock (en-US)։ Վերցված է 2022-01-13