OnePlus

Վիքիպեդիայից՝ ազատ հանրագիտարանից
Jump to navigation Jump to search
OnePlus
OnePlus logo.svg
Տեսակ բիզնես ձեռնարկություն և ձեռնարկություն
Հիմնադրված է դեկտեմբերի 16, 2013[1]
Հիմնադիր Pete Lau
Վայր Շենժեն
Երկիր Flag of the People's Republic of China.svg Չինաստանի Ժողովրդական Հանրապետություն
Գլխավոր անձինք Պիտ Լուի
Արդյունաբերություն բջջային հեռախոս
Հասույթ 1 400 000 000 ԱՄՆ դոլար (2017)
Աշխատողների թիվ 776 մարդ
Մայր ընկերություն OPPO Electronics
Կայք oneplus.com և oneplus.cn
OnePlus Վիքիպահեստում

OnePlus, չինական ընկերություն: Հանդիսանում է BBK Electronics-ի ստորաբաժանում: Կազմակերպության հիմնական նպատակը BBK Electronics-ի սմարթֆոնների տարածումն է՝ Չինաստանի սահմաններից դուրս: Գլխավոր գրասենյակը տեղակայված է Շենժեն քաղաքում (Գուանդուն նահանգ, ՉԺՀ)[2]

Պատմություն[խմբագրել | խմբագրել կոդը]

Ընկերությունը ստեղծվել է 2013 թվականի դեկտեմբերին OPPO ընկերության նախկին փոխնախագահի կողմից: OPPO-ն նույնպես զբաղվում է սմարթֆոնների և բջջային հեռախոսների արտադրությամբ: Իր առաջին սմարթֆոնի արտադրության ժամանակ OnePlus-ը բացառիկ լիցենզային համաձայնագիր է կնքել Cyanogen Inc. կազմակերպության հետ, որն իրենից ենթադրում էր ընկերության սմարթֆոնների վրա հատուկ «CyanogenMod» ծրագրային ապահովման տեղադրում և վերջինիս ապրանքանիշը Չինաստանի սահմաններից դուրս օգտագործելու իրավունք։

OnePlus իր առաջին սմարթֆոնը ներկայացրել է 2014 թվականի ապրիլի 23-ին[3]։ 2014 թվականի դեկտեմբերին ընկերությունը հայտարարել է Հնդկաստանի տարածքում բացառապես Amazon-ի միջոցով իր սմարթֆոնների վաճառքը սկսելու մասին[4], ինչպես նաև հայտարարել է շուրջ 25 սպասարկման պաշտոնական կենտրոնների բացման պլանների մասին։ Սակայն սմարթֆոնների վաճառքը ժամանակավորապես դադարեցվել էր Micromax Mobile ընկերության կողմից դիմում ներկայացնելու պատճառով, որտեղ կազմակերպությունը պնդում էր այն մասին, որ OnePlus խախտել է Micromax Mobile-ի կողմից CyanogenMod ծրագրային ապահովում ունեցող ապրանքների տարածման բացառիկ իրավունքը Հարավային Ասիայի տարածքում[5][6]։ Այդ դեպքերից հետո OnePlus-ը ստեղծեց նոր` OxygenOS իր ֆիրմային ծրագրային ապահովումը OnePlus One սմարթֆոնի համար[7]։ 

Սարքեր[խմբագրել | խմբագրել կոդը]

  • OnePlus One
  • OnePlus  2
  • OnePlus X
  • OnePlus 3
  • OnePlus 3T
  • OnePlus Bullets V2 (ականջակալներ)[8]
  • OnePlus 5[9]
  • OnePlus 5T

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]