Lotte World

Lotte World
Տեսակ	զվարճանքի այգի
Երկիր	Հարավային Կորեա
Վարչատարածք	Սեուլ
Տեղագրություն	Sincheon-dong? և Սեուլ
Հիմնվել է	1989
Բացվել է	1989 հուլիսի 12-ին
Մակերես	581 645 մ²

Lotte World (կորեերեն՝ 롯데월드), Sincheon-dong (Սեուլ, Հարավային Կորեա) շրջանի զվարճանքի այգի։ Գրանցված է Գինեսի ռեկորդների գրքում, որպես «Ամենամեծ փակ զվարճությունների այգին»։

Պատմություն, նկարագրություն

Զբոսայգին բացվել է 1989 թվականի հուլիսի 12-ին։ 1995 թվականին այն ընդգրկվել է Գինեսի ռեկորդների գրքում որպես «Ամենամեծ փակ զվարճությունների այգին»։

Զբոսայգու ընդհանուր մակերեսը կազմում է 128 246 մ², տեղանքի մակերեսը՝ 581 645 մ² է։ Շինարարական ծախսերը կազմել են մեկ միլիարդ դոլար, հաճախումները՝ մեկ տարվա ընթացքում 8 միլիոն մարդ (7 310 000 մարդ 2015 թվականին, մոտ 6 միլիոն մարդ ըստ Visitkorea.or.kr) ընդ որում յուրաքանչյուր տասներորդը՝ օտարերկրացիներ։

Անվանումը հուշում է, որ այն պատկանում է կոնգլոմերատի Lotte: Ի լրումն ատրակցիոնների Lotte World-ն ունի առևտրի կենտրոն, 504 սենյականոց հյուրանոց, մի թանգարան, կինոթատրոններ, երկրի խոշորագույն սահադաշտը, 200 տեղանոց «Կախարդական թատրոն», որտեղ հանդես են գալիս աճպարարները։ Մետրոյի ամենամոտ կայարանը Ջամսիլն է։

Զբոսայգին բաժանված է 2 մեծ գոտիների՝«Արկածներ» գտնվում է տանիքի տակ, և «Կախարդական կղզի»՝ բաց երկնքի ներքո։

Զբոսայգին մի քանի անգամ ծառայել է որպես նկարահանման հրապարակ՝ այստեղ է տեղի ունեցել «Աստիճան դեպի երկինք» (2003-2004), «Պաշտպանել բոսին» (2011), «Սեր կարճատև վարգ ոճում» (2014), «Հաիդը, Ջեկիլը և ես» (2015) հեռուստասերիալների գործողությունների մեծ մասը։ 2016 թվականին Lotte World մասնակցել է World Pump Festival փառատոնին։ 2010 և 2013 թվականներին զբոսայգին երկու անգամ դարձել է «Վազող մարդ») հեռուստաշոուի գլխավոր լոկացիան։

Պատկերասրահ

• 
• 
• 
• 
• 
• Պատկեր:Pororo statues in Lotte world 2 Seoul South Korea.jpg
• 
• 

Արտաքին հղումներ

• Պաշտոնական կայք (կոր.)
• Lotte World at Seoul: Official Seoul Tourism Արխիվացված 2016-03-04 Wayback Machine (անգլ.)

Վիքիպահեստն ունի նյութեր, որոնք վերաբերում են «Lotte World» հոդվածին։