IPod touch (7-րդ սերունդ)

Վիքիպեդիայից՝ ազատ հանրագիտարանից
Վարդագույն iPod touch

iPod touch 7-րդ սերունդ, Apple-ի շարժական մուլտիմեդիա նվագարկիչը։ iPod touch 7-ը սարքերի շարքում յոթերորդն է։ Թողարկվել է 2019 թվականի մայիսի 28-ին։ Այն iPod Touch շարքի առաջին (թեև փոքր) թարմացումն է գրեթե 5 տարվա արտադրության շրջանակներում։ Արտաքուստ նման է նախորդ մոդելին։

Ծրագրային ապահովում[խմբագրել | խմբագրել կոդը]

Նվագարկիչում նախնական տեղադրված է iOS 12.3 օպերացիոն համակարգ, բայց հնարավոր է թարմացնել մինչև 13.0 և այլ տարբերակներ։ Նախորդ սերնդի նվագարկիչը չի աջակցում մինչև iOS 13 թարմացում։ IOS-ի բոլոր ստանդարտ ծրագրերը տեղադրված են օպերացիոն համակարգում՝ բացառությամբ «Հեռախոս» ծրագրի, քանի որ նվագարկիչը չի աջակցում բջջային հաղորդակցությունները։

Տեխնիկական բնութագիր[խմբագրել | խմբագրել կոդը]

Նվագարկիչը շատ տարբեր չէ 2015 թվականի մոդելից, ամենամեծ փոփոխությունը պրոցեսորն է։ Այժմ iPod Touch-ում տեղադրված է Apple A10 պրոցեսոր և Apple M10 կոմպրեսոր (ինչպես iPhone 7-ում), սակայն դրա հաճախականությունը կրճատվել է 2.34 ԳՀց-ից մինչև 1.63 ԳՀց, իսկ միջուկների քանակը կրճատվել է մինչև երկու։ Սա առաջին iPod-ն է, որտեղ առավելագույնը կարող է լինել 256 ԳԲ հիշողություն, մինչ այդ «ռեկորդը» պատկանում էր iPod Classic-ին՝ 160 ԳԲ ներքին հիշողությամբ։

Տեսախցիկը չի փոխվել. հետևի 8 Մպ տեսախցիկը կարող է նկարահանել նաև 1080p ձևաչափով տեսանյութեր՝ վայրկյանում 30 կադր հաճախականությամբ, ինչպես նաև 720p-ում դանդաղեցված նկարահանումների ձևաչափով՝ վայրկյանում 120 կադր հաճախականությամբ։ Դիմացի 1,2 Մպ FaceTime տեսախցիկը կարող է նկարահանել նաև 720p ձևաչափով տեսանյութեր՝ վայրկյանում 30 կադր հաճախականությամբ[1]։

Գույներ[խմբագրել | խմբագրել կոդը]

2019 թվականի դրությամբ հասանելի էին մոդելի հետևյալ գույները[2].

  • «Մոխրագույն տիեզերք»
  • Ոսկեգույն
  • Արծաթագույն
  • Վարդագույն
  • Կապույտ
  • Կարմիր (PRODUCT RED)

Ծանոթագրություններ[խմբագրել | խմբագրել կոդը]

  1. Apple Inc. «Apple - iPod touch - Technical Specifications». Apple Inc. Վերցված է 2019 թ․ մայիսի 28-ին.
  2. Спецификации iPod Touch

Արտաքին հղումներ[խմբագրել | խմբագրել կոդը]